काठमाडौँको थापागाउँ स्थित गुरुकुलको कुन्ज नाटकघरमा “नाटक म पनि मान्छे हुँ”को नियमीत मन्चन शुरु भएको छ।
भारतीय नाटककार विष्णु प्रभाकरको नाटक “मे भी मानव हुँ”लाई सरोज अर्यालले नेपालीकरण गरेका हुन्।
करिव २ दशक अघि अनुवाद गरेको नाटकलाई त्यतिबेलाकै परिकल्पनामा नाटक तैयार गरेको निर्देशक सरोजले बताए। नाटकले राजनैतिक मनोविज्ञानलाई उठान गरेको छ।
राजनैतिक शक्ति र धार्मिक शक्तिको मनोवैज्ञानिक द्वन्दलाई नाटकले प्रस्तुत गरेको छ।
यस नाटकमा अङ्कित खड्का, सुष्मा निरौला, विम्ब अधिकारी, अभिषेक शर्मा राजोपाध्याय, सन्दीप डङ्गोल, एडन बात्रि, मनिष व्याञ्जु, संस्कृति दुवाडी र सदिन लुइँटेलको अभिनय रहेको छ।
आगामी असोज २० गते सम्म मन्चन हुने नाटकमा श्रवण राना मगरको प्रकाश परिकल्पनाका साथै सतिश प्रसाईंको ध्वनी रहेको छ।
