काठमाडौँको बुढानीलकण्ठ नगरपालिका–भंगालमा गुरुङ समुदायमा प्रचलित बाह्रमासे घाटु नृत्य प्रदर्शन गरिएको छ।
भंगालस्थित गुरुङ समुदायले आयोजना गरेको घाटु भोज कार्यक्रममा समुदायको मौलिक सांस्कृतिक पहिचान बोकेको बाह्रमासे घाटु नृत्य प्रस्तुत गरिएको हो।
गुरुङ समुदायमा बाह्रमासे घाटु नृत्य खुसीयाली, मेला–पर्व, स्वागत–सत्कार, सांस्कृतिक उत्सव तथा विभिन्न विशेष समारोहका अवसरमा प्रदर्शन गर्ने परम्परा रहेको छ।
