नेपाली चलचित्र ‘पेन्सन पट्टा’को ट्रेलर सार्वजनिक गरिएको छ। मंगलबार काठमाडौंको बिग मुभिजमा आयोजित कार्यक्रमबीच चलचित्रको ट्रेलर सार्वजनिक गरिएको हो। ट्रेलर ओएसआर डिजिटलको युट्युब च्यानलमार्फत पनि सार्वजनिक गरिएको छ।

माओत्से गुरुङको लेखन तथा निर्देशनमा बनेको चलचित्रमा दयाहाङ राई, गौमाया गुरुङ, विल्सन विक्रम राई, बुद्धि तामाङ, पशुपति राई, विश्वास गुरुङ, माया गुरुङ, पुष्करबहादुर गुरुङ,सुरज तमु लगायतका कलाकारको अभिनय छ। चलचित्रमा स्वर्गीय सुनिल थापाको समेत अभिनय रहेको छ।

एमजीएफ फिल्म्सको प्रस्तुतिमा बनेको चलचित्र ‘पेन्सन पट्टा’ भदौ २६ अर्थात् सेप्टेम्बर ११ देखि नेपालका हलमा प्रदर्शनमा आउनेछ।

ट्रेलर सार्वजनिक कार्यक्रमका केहि तस्विरहरु :

स्ट्रीटनेपाल

बेलायतमा तमु धीं यूकेको आयोजनामा १७औँ ‘नेपाली मेला’ हुने भएको छ। ‘हाम्रो संस्कृति, हाम्रो पहिचान, हाम्रो गौरव’ भन्ने नाराका साथ आगामी ३० अगस्ट २०२६, आइतबार लन्डनको केम्पटन पार्क रेसकोर्स मैदानमा मेला आयोजना हुन लागेको हो। लन्डनस्थित नेपाली दूतावासको सहकार्यमा मेला आयोजना गर्न लागिएको आयोजकले जनाएको छ।

तमु धीं यूकेका अध्यक्ष जुमकाजी गुरुङले पत्रकार सम्मेलनमार्फत नेपाली कला, संस्कृति र पहिचानको संरक्षण तथा प्रवर्द्धन गर्ने उद्देश्यले मेला आयोजना गर्न लागिएको जानकारी दिए।

मेला संयोजक तथा तमु धीं यूकेका उपाध्यक्ष कमल कोने गुरुङका अनुसार मेला बिहान १० बजेदेखि साँझ ८ बजेसम्म सञ्चालन हुनेछ। मेलामा बेलायतमा सक्रिय ४२ वटा नेपाली संघसंस्थाले विभिन्न जातजातिका मौलिक संस्कृति, भेषभूषा र परम्परा झल्कने झाँकी प्रस्तुत गर्नेछन्।

मेलामा विविध सांस्कृतिक कार्यक्रम, नृत्य प्रतियोगिता, मौलिक भेषभूषा तथा सांस्कृतिक झाँकी प्रदर्शन, नेपाली परम्परागत खानाका परिकार, व्यापारिक तथा च्यारिटी स्टल रहनेछन्। सहभागीका लागि निःशुल्क स्वास्थ्य शिविरसमेत सञ्चालन गरिने आयोजकले जनाएको छ।

प्रवासी भूमिमा नेपाली कला, संस्कृति र परम्पराको संरक्षण गर्दै नयाँ पुस्तामा हस्तान्तरण गर्न मेला महत्वपूर्ण हुने आयोजकको विश्वास छ।

स्ट्रीटनेपाल

नेपाली बजारमा चांगनको नयाँ विद्युतीय एसयूभी डिपल नेभो क्यू०५ सार्वजनिक भएको छ। एमएडब्लु वृद्धिले भित्र्याएको यो एसयूभीको मूल्य ४६ लाख ९९ हजारदेखि ४९ लाख ९९ हजार रुपैयाँसम्म तोकिएको छ।

नेभो क्यू०५ को मुख्य आकर्षण यसको ४६२ किलोमिटरसम्मको घोषित रेन्ज हो। यसमा ५१.९ किलोवाट घण्टाको एलएफपी ब्याट्री र १२० किलोवाटको मोटर छ। यसले १६३ अश्वशक्ति र १९० न्यूटन मिटर टर्क उत्पादन गर्छ।

चार्जिङमा पनि यो एसयूभी अगाडि देखिन्छ। कम्पनीका अनुसार उपयुक्त द्रुत चार्जर प्रयोग गर्दा ३० देखि ८० प्रतिशतसम्म ब्याट्री करिब १५ मिनेटमै चार्ज गर्न सकिन्छ।

भित्र १४.६ इन्चको मुख्य डिस्प्ले, १०.१७ इन्चको डिजिटल इन्स्ट्रुमेन्ट क्लस्टर, एप्पल कारप्ले, एन्ड्रोइड अटो, वायरलेस चार्जिङ र स्मार्टफोनबाट गाडी नियन्त्रण गर्न सकिने सुविधा छन्। ५४० डिग्री क्यामेरा र विभिन्न एड्भान्स्ड ड्राइभर असिस्टेन्स सिस्टमले सुरक्षालाई थप बलियो बनाएका छन्।

४ हजार ४३५ मिलिमिटर लामो नेभो क्यू०५ मा १८ इन्चका अलोय ह्विल र ठूलो ग्लास रूफ दिइएको छ।

४६ लाख ९९ हजार रुपैयाँको सुरुवाती मूल्य, ४६२ किलोमिटरसम्मको रेन्ज र फास्ट चार्जिङ क्षमताका कारण नेभो क्यू०५ नेपाली बजारमा बीवाईडी एट्टो ३ जस्ता विद्युतीय एसयूभीका लागि नयाँ प्रतिस्पर्धी बनेको छ।