Art
विक्रम श्रेष्ठको ‘रातो मच्छिन्द्रनाथ’ एकल कला प्रदर्शनी सुरु
लितपुरको पाटन दरबार स्क्वायरस्थित ऐतिहासिक बहादुर शाह बैठकमा कलाकार विक्रम श्रेष्ठको एकल कला प्रदर्शनी ‘रातो मच्छिन्द्रनाथ : पाटनको मुटुमा जीवित परम्परा’ सुरु भएको छ।
वैशाख १० देखि १७ गतेसम्म सञ्चालन हुने प्रदर्शनीमा रातो मच्छिन्द्रनाथ जात्रालाई केन्द्रमा राखेर बनाइएका २० चित्रकला कृति राखिएका छन्।
प्रदर्शनीको उद्घाटन वरिष्ठ कलाकार किरण मानन्धरले गरेका हुन्। चित्रमार्फत कलाकार श्रेष्ठले जात्राको धार्मिक आस्था, रथयात्रा, अनुष्ठान र सामुदायिक सहभागितालाई कलात्मक ढंगले प्रस्तुत गरेका छन्।
आयोजकका अनुसार प्रदर्शनीले पाटनको सांस्कृतिक पहिचान र जीवित परम्परालाई थप सशक्त रूपमा दर्शकसमक्ष पुर्याउने लक्ष्य राखेको छ।
You must be logged in to post a comment Login