सुर्याम्स उप्रेती/नेपाल फोटो लाईब्रेरी
सूचना तथा सञ्चारमन्त्री डा. विक्रम तिमिल्सिना रसुवा बाढीमा परी घाइते भई उपचाररत बिरामीको स्वास्थ्य अवस्था बुझ्न शिक्षण अस्पताल पुगेका छन्।
शुक्रबार महाराजगञ्जस्थित शिक्षण अस्पताल पुगेर उनले बाढीमा घाइते भएकाहरूलाई भेटेका हुन्।
मन्त्री तिमिल्सिनाले घाइतेको उपचार अवस्था, अस्पतालले उपलब्ध गराइरहेको स्वास्थ्य सेवा तथा उपचारका क्रममा देखिएका समस्या र आवश्यकताबारे चिकित्सक तथा स्वास्थ्यकर्मीसँग जानकारी लिए।
उनले उपचारमा कुनै समस्या भए त्यसबारे आवश्यक पहल गर्ने प्रतिबद्धता जनाउँदै घाइतेहरूको शीघ्र स्वास्थ्यलाभको कामना गरेका छन्।
