टौदह (तस्विरहरु)

काठमाडौं उपत्यकाको एउटा ऐतिहासिक तथा पर्यटकीय  पोखरी हो टौदह।  

टौदह करिब २१० मिटर लामो र १८० मिटर चौडा छ । नेवारी भाषामा ‘तः दह’ भनेको ‘ठूलो पोखरी’ हो । पछि ‘तः दह’ को अपभ्रंश हुँदै ‘टौदह’ भएको मानिन्छ । यस दहको विभिन्न धार्मिक तथा पौराणिक कथा तथा मान्यताहरु रहेको बताइन्छ।  

यो पोखरी काठमाडौंको चोभारबाट डेढ किलोमिटर दक्षिण कीर्तिपुर नगरपालिकाको वडा नम्बर १५ मा पर्छ।

काठमाडौंमा उतिबेलाको नेपाल खाल्डोको पानी बाहिर जाने क्रममा बनेको किम्बदन्ती छ।

करिब सय रोपनी क्षेत्रफलमा यो फैलिएको छ । राजधानीको नजिकै रहेर पनि चर्चामा आउन नसकेको टौदहको सुन्दरता अहिले बढको छ। उपत्यकामा घुम्नलायक गन्तव्यमा यो पनि परेको छ। वरिपरि रिसोर्टहरु बनाइएको छ। पर्यटनको सम्भावना देखेरै स्थानीयले टौदहको संरक्षण गरेका छन्।

प्रत्येक वर्ष नागपञ्चमीका दिन टौदहमा मेला लाग्ने गर्दछ। ३८ जातका बोटबिरुवा ३६ जातका किरा र १ सय १६ प्रकारका पंक्षी यस क्षेत्रमा रहेका हुँदा टौदह जैविक अनुसन्धानका लागि वरदान सावित भएको बताइन्छ।