‘सियोधागो’मा दलित आन्दोलन र संघर्षका कथा

युवा दलित अधिकारकर्मी प्रदीप परियार द्वारा लिखित पुस्तक ‘सियोधागो’ गत बिहीबार काठमाडौंमा लोकार्पण गरिएको छ।

फाइन प्रिन्ट द्वारा प्रकाशित उक्त पुस्तकमा सामाजिक न्याय र दलित अधिकारका लागि गरिएको आन्दोलनका क्रममा लेखकले भोगेका संघर्ष, अनुभव तथा जीवनका विभिन्न आरोह–अवरोह समेटिएका छन्।

‘जातीय भेदभाव तथा छुवाछुत उन्मूलन राष्ट्रिय दिवस–२०८३’ को अवसरमा आयोजित कार्यक्रममा लेखक परियारले पुस्तकको अंश वाचन गर्दै आफ्ना हजुरबुवाले भोगेको बालीप्रथासम्बन्धी अनुभव सुनाएका थिए।

कार्यक्रममा कलाकार किरण नेपाली ले सांगीतिक प्रस्तुति दिएका थिए भने जातीय विभेदसम्बन्धी वृत्तचित्र पनि प्रदर्शन गरिएको थियो।

पुस्तकले दलित समुदायको संघर्ष, सामाजिक विभेदविरुद्धको आवाज र समानताका लागि भएका आन्दोलनका अनुभवलाई पाठकमाझ पुर्‍याउने अपेक्षा गरिएको छ।