तमु परिवार न्यूयोर्क इन्क., अमेरिकाले नेपालमा भोटेकोसी नदीमा आएको बाढीपहिरोबाट रसुवा, नुवाकोटलगायत जिल्लामा भएको जनधनको क्षतिप्रति दुःख व्यक्त गर्दै प्रधानमन्त्री दैवीप्रकोप उद्धार कोषमा १३ लाख रुपैयाँ सहयोग गरेको छ।
संस्थामा आबद्ध ५२ जना दाताबाट संकलित रकम पीडितको राहत, उद्धार तथा पुनःस्थापनाका लागि प्रदान गरिएको हो। संस्थाका सदस्य कृष्ण गुरुङले अर्थ मन्त्रालय पुगेर सम्बन्धित निकायमार्फत सहयोग रकमको चेक हस्तान्तरण गरेका हुन्।
तमु परिवार न्यूयोर्कले विपद्को समयमा सहयोग गर्ने सम्पूर्ण दाताप्रति आभार व्यक्त गर्दै आगामी दिनमा पनि सामाजिक उत्तरदायित्वअन्तर्गत राहत तथा सहयोगका कार्यक्रमलाई निरन्तरता दिने जनाएको छ।
