गौरी तमूको कविता सङ्ग्रह ‘सैँप्रोल’ काठमाडौंमा विमोचन

साहित्यकार गौरी तमूको नयाँ कविता सङ्ग्रह ‘सैँप्रोल’ राजधानी काठमाडौंमा विशेष समारोहका बीच विमोचन गरिएको छ।
इन्डिगो इन्कद्वारा प्रकाशित कृतिको विमोचन माघ २४ गते शनिबार, कमलादीस्थित नेपाल प्रज्ञा प्रतिष्ठानमा सम्पन्न भयो।

लेखनाथ हलमा आयोजित कार्यक्रममा ‘सैँप्रोल’ माथि परिचर्चा पनि गरिएको थियो।
कार्यक्रममा लेखक राजन मुकारुङ, डा. रजनी ढकाल र दीपक सापकोटाले कृतिमाथि आफ्ना धारणा राखे।

वक्ताहरूले ‘सैँप्रोल’ लाई गुरुङ समुदायको मिथक, पहिचान र महिला आवाजलाई सशक्त रूपमा प्रस्तुत गर्ने कविता सङ्ग्रहका रूपमा मूल्याङ्कन गरे।
यस कृतिमा आदिवासी ज्ञान र समकालीन चेतनाको सुन्दर संयोजन देखिने उनीहरूको भनाइ थियो।

यसअघि पोखरामा पनि विमोचन भइसकेको ‘सैँप्रोल’ लाई आदिवासी साहित्यको महत्वपूर्ण कृति मानिएको छ।
कार्यक्रममा साहित्य प्रेमी, पत्रकार र शुभेच्छुकहरूको उल्लेख्य उपस्थिति रहेको थियो।

गौरी तमूको यसअघि ‘समैं दर्बानी’ नामक मुक्तक सङ्ग्रह प्रकाशित भइसकेको छ।

https://www.facebook.com/reel/888782410431125