टुँडिखेलसहित सात स्थानमा नेपाल–इंग्ल्यान्ड खेलको प्रत्यक्ष प्रसारण, नेपाल ४ रनले पराजित

आईसीसी टी–२० विश्वकप २०२६ अन्तर्गत नेपाल र इंग्ल्यान्डबीचको खेल काठमाडौं महानगरपालिकाले टुँडिखेलसहित राजधानीका सात स्थानमा ठूला स्क्रिनमार्फत प्रत्यक्ष प्रसारण गरेको छ।

भारतको मुम्बईस्थित वानखेडे रंगशालामा भएको खेलमा जित नजिक पुगेर पनि नेपाल इंग्ल्यान्डसँग ४ रनले पराजित भयो। इंग्ल्यान्डले दिएको १८५ रनको लक्ष्य पछ्याएको नेपालले २० ओभरमा ६ विकेट गुमाउँदै १८० रन मात्र जोड्न सक्यो।

नेपालका लागि दीपेन्द्रसिंह ऐरीले ४४ र लोकेश बमले ३९ रन बनाए। बलिङतर्फ ऐरी र नन्दन यादवले २–२ विकेट लिए।

अब नेपालले दोस्रो खेल माघ २९ गते इटालीसँग खेल्नेछ।