Offbeat
मण्डलामा चरणदास चोर (तस्विरहरु)
काठमाडौंको थापागाउँ स्थित मण्डला नाटकघरमा नाटक चरणदास चोरको नियमित मञ्चन सुरु भएको छ।
प्रख्यात भारतीय रंगकर्मी हबीब तन्वीर द्वारा लिखित नाटकलाई नेपाली परिवेशमा राजन खतिवडा र आशन्त शर्मा ले रुपान्तरण गरेका छन्। नाटकको निर्देशन मिलन कार्की ले गरेका हुन्।
लोकशैली, हास्य र व्यङ्ग्यको प्रयोग गरिएको “चरणदास चोर” सामाजिक विषयवस्तुमा आधारित नाटक हो। कथामा एक चोर भए पनि सधैं सत्य बोल्ने वाचा गरेको पात्र चरणदासको जीवनमार्फत समाजभित्र रहेको भ्रष्टाचार, पाखण्ड र शक्तिको दुरुपयोगलाई व्यङ्ग्यात्मक शैलीमा प्रस्तुत गरिएको छ। नाटकले मनोरञ्जनसँगै दर्शकलाई समाजका मूल्य, सत्य र नैतिकताबारे सोच्न प्रेरित गर्ने सन्देश बोकेको छ।
नाटकमा बिश्व बिजय बि.क., बिनय पन्त, बिनिता गिरी, अनुस्का कार्की, लक्ष्मण खत्री, जितन राई, पार्बता भुसाल, दुर्गा पौडेल, सरिता नेपाली, टेकबहादुर खाती, रिजन थिङ्ग लामा, प्रबल जोशी, अर्मन शाही, मणिराज घलेलगायतका कलाकारहरुको अभिनय रहेको छन्।
मण्डलाको थिएटर ल्याबको १८औँ ब्याचका कलाकारहरूको सहभागितामा तयार पारिएको यस प्रस्तुति समाजको यथार्थलाई व्यङ्ग्यात्मक ढंगले प्रस्तुत गर्ने प्रयास भएको निर्देशक कार्कीले बताएका छन्। उनका अनुसार नाटकले दर्शकलाई हाँस्ने, रमाउने मात्र होइन, आफ्नै जीवन र समाजतर्फ फर्केर सोच्न प्रेरित गर्ने उद्देश्य राखेको छ।
मण्डला थिएटर नेपाल को प्रस्तुति रहेको यो नाटक आगामी चैत ११ गतेसम्म सोमबारबाहेक नियमित रुपमा मञ्चन हुनेछ ।
रसुवा बाढी प्रभावितका लागि चीनले उपलब्ध गराएको आपतकालीन राहत सामग्रीको तेस्रो खेप बिहीबार नेपाल आइपुगेको छ। चिनियाँ वायुसेनाको वाई–२०ए मालवाहक विमानमार्फत राहत सामग्री त्रिभुवन अन्तर्राष्ट्रिय विमानस्थल ल्याइएको हो।
राहत सामग्रीमा शव व्यवस्थापनका लागि फ्रिजर, महामारी नियन्त्रणका सामग्री, दैनिक उपभोग्य वस्तु तथा विपद् उद्धार र पुनर्स्थापनाका लागि आवश्यक सामग्री छन्। बेलीब्रिज जडानका लागि आवश्यक उपकरणसमेत ल्याइएको छ।
यसैबीच, शव पहिचान प्रक्रियामा सहयोग गर्न १० जना चिनियाँ फरेन्सिक विज्ञको टोली पनि नेपाल आएको छ। टोलीले नेपाली निकायसँग समन्वय गरी शव पहिचानमा प्राविधिक सहयोग गर्नेछ।
स्ट्रिटनेपाल
पृथ्वी राजमार्गअन्तर्गत कृष्णभीरमा गएको पहिरो र नागढुंगानजिकै सडक भासिएपछि राजधानी भित्रिने र बाहिरिने प्रमुख नाका नागढुंगा क्षेत्र सुनसान बनेको छ।
सधैं हजारौं सवारीसाधनको कोलाहल र भीडभाड रहने नागढुंगा चेकपोष्ट क्षेत्र अहिले ठप्प छ । सडक अवरुद्ध भएपछि काठमाडौंबाट बाहिरिने ठूला मालवाहक ट्रक तथा कन्टेनरहरू नाका नजिकै सडक किनारामा लामो लाइन लगाएर रोकिएका छन्।
मुख्य राजमार्गको विकल्पको रूपमा केही सवारीलाई सुरुङमार्ग र वैकल्पिक रुटबाट पठाइए पनि अधिकांश भारी सवारी साधनहरू आवागमन गर्न नपाउँदा ठप्प बनेका हुन्।
यस क्षेत्रमा खटिएका सुरक्षाकर्मीहरूले जोखिम व्यवस्थापन र यातायात नियमनको काम गरिरहेका छन् भने लामो समयदेखि बाटोमा रोकिएका चालक तथा यात्रुहरू थप मारमा परेका छन्।
स्ट्रिटनेपाल
अन्तर्राष्ट्रिय तमु परिषद्ले तमु गुरुङ सञ्चारकर्मी संघ नेपाल र तमुस्यो ह्युलालाई महाधिवेशन सम्पन्न गर्न आर्थिक सहयोग गरेको छ।
बुधबार काठमाडौंस्थित तमु ह्युल छोंज धिंको केन्द्रीय कार्यालयमा परिषद्का कोषाध्यक्ष गङ्गा गुरुङले तमु गुरुङ सञ्चारकर्मी संघ नेपाललाई ३० हजार र तमुस्यो ह्युलालाई २० हजार रुपैयाँ सहयोग हस्तान्तरण गरे।
परिषद्का पदाधिकारीहरूको बैठकले गरेको निर्णयअनुसार सहयोग गरिएको कोषाध्यक्ष गुरुङले बताए।
तमु गुरुङ सञ्चारकर्मी संघ नेपालको केन्द्रीय महाधिवेशन असोज २ देखि ४ गतेसम्म कास्कीको सिक्लेसमा हुँदैछ। तमुस्यो ह्युलाको महाधिवेशन भने असोज १० र ११ गते काठमाडौंमा हुँदैछ।
यसैगरी, रसुवाको भोटेकोशीमा आएको विनाशकारी बाढीबाट प्रभावित तमु गुरुङ समुदाय तथा प्रधानमन्त्री दैवी प्रकोप उद्धार कोषमा सहयोग गर्ने निर्णयसमेत परिषद्ले गरेको गुरुङले जानकारी दिए। त्यसका लागि विश्वभर रहेका तमु गुरुङ समुदायलाई एकजुट भएर सहयोगमा जुट्न आह्वान गरिएको उनले बताए।
-
entertainment4 weeks agoब्रोड पिकमा ज्यान गुमाएका आरोहीको सम्झनामा ‘ट्रिब्युट रन ५के’
-
entertainment4 weeks agoललितपुरमा ‘हरित उत्सवः परिवर्तनका लागि महिला नेतृत्व’ अभियान सुरु
-
entertainment4 weeks agoविश्व आदिवासी जनजाति दिवस मनाइयो
-
Auto3 weeks agoभृकुटीमण्डपमा नाइमा मोबिलिटी एक्सपो
-
entertainment3 weeks agoलगनखेलको ऐतिहासिक सप्त पाताल पोखरी
-
entertainment2 weeks agoझिलिमिली सडक
-
entertainment2 weeks agoविश्व फोटोग्राफी दिवसमा फोटो प्रदर्शनी
-
entertainment2 weeks agoललितपुरको पर्यटनमा पिम्बहाल पोखरी
You must be logged in to post a comment Login