रोयल इनफिल्डको गोवन क्लासिक ३५० कस्तो छ ? (भिडियो)

नेपाली सडकमा नयाँ स्टाइल र क्लासिक फील ल्याउने रोयल इनफिल्ड गोवन क्लासिक ३५०  अहिले युवापुस्तामाझ निकै चर्चामा छ। ‘बबर’ डिजाइनमा तयार गरिएको यो बाइकले आकर्षक लुक्ससँगै आरामदायी राइडिङ अनुभव दिन्छ।

यसमा ३४९ सीसीको सिंगल सिलिन्डर, फ्युल इन्जेक्सन इन्जिन प्रयोग गरिएको छ, जसले २०.२ बीएचपी पावर र २७ एनएम टर्क उत्पादन गर्छ।  साथै, डुअल च्यानल एबीएससहित अगाडि र पछाडि दुवैमा डिस्क ब्रेक दिइएको छ, जसले सुरक्षा मजबुत बनाउँछ। 

यो बाइकमा एलईडी लाइट, ट्रिपर नेभिगेसन, सेमी–डिजिटल कन्सोल र USB चार्जिङ पोर्ट जस्ता आधुनिक फिचरहरू पनि उपलब्ध छन्। ह्वाइट वाल ट्युबलेस टायर, एल्युमिनियम स्पोक ह्विल र लो सिट हाइटले यसलाई स्टाइलिस मात्र नभई सहज पनि बनाएको छ।

नेपालमा यसको मूल्य ५ लाख ९८ हजार रुपैयाँदेखि सुरु भएर ६ लाख २ हजार रुपैयाँसम्म पर्छ, भेरियन्ट अनुसार फरक पर्छ।

यदि तपाईं यो बाइकको डिजाइन, परफर्मेन्स र वास्तविक राइडिङ अनुभवबारे अझ विस्तृत जानकारी लिन चाहनुहुन्छ भने, सम्पूर्ण जानकारीका लागि यो भिडियो अन्तिमसम्म हेर्नुहोस्।