Connect with us

Feature

MUGLING BAZAAR

Published

on

Mugling is one of the very famous places that everyone has to step, watch and hear while coming in and going out of the capital city Kathmandu. This place is meet point of three districts Gorkha, Tanahu and Chitwan and one of the main stop of Prithvi Highway. This place is situated at Trishuli river side and it is also famous for lodging and street food. Main attraction of this place is small hotels where every passer by loves to stop and eat. Mugling Bazars few areal pictures are captured here for only our precious viewers. Lets have a look.

Conor McGregor Finally Breaks Silence After Loss to Khabib Nurmagomedov at UFC 229 – Generation Iron Fitness & Bodybuilding Network how to get hgh in australia long sleeves raglan – raglan t-shirt – powerlifting raglan – bodybuilding raglan

Continue Reading
Click to comment

You must be logged in to post a comment Login

Leave a Reply

entertainment

भारतीय पूर्वसैनिक गोर्खा ब्रिगेडद्वारा बाढीपीडितका लागि प्रधानमन्त्री राहत कोषमा सहयोग

Published

on

भारतीय पूर्वसैनिक गोर्खा ब्रिगेडले रसुवा बाढीपीडितका लागि प्रधानमन्त्री दैवी प्रकोप उद्धार कोषमा १ करोड ३१ लाख ४१ हजार ७ सय ९१ रुपैयाँ सहयोग गरेको छ।

भारतीय भूतपूर्व गोर्खा सैनिकहरूको संस्थाले काठमाडौंमा आयोजना गरेको कार्यक्रममा प्रतिनिधिसभा सदस्य धनञ्जय रेग्मीको प्रमुख आतिथ्यमा उक्त रकम प्रधानमन्त्री राहत कोषमा हस्तान्तरण गरिएको हो।

यस्तै, भारतीय पूर्वसैनिक गोर्खा ब्रिगेड अन्तर्गतका विभिन्न संस्थाले संकलन गरेको ९७ लाख १८ हजार २ सय ४९ रुपैयाँ पनि प्रधानमन्त्री राहत कोषमा जम्मा गरिसकेको छ भने बाँकि ३४ लाख २३ हजार ५ सय ४२ रुपैयाँ आजको कार्यक्रममा प्रमुख अतिथि मार्फत प्रधानमन्त्री राहतकोषमा जम्मा गरिने बताईएको छ ।

कार्यक्रममा भारतीय पूर्वसैनिक तथा उनीहरूका परिवारका सदस्यहरूको उल्लेख्य उपस्थिति थियो।

पूर्वसैनिक संस्थाले प्राकृतिक विपद्बाट प्रभावित नागरिकको सहयोगका लागि आफ्नो तर्फबाट सहयोग संकलन गरी राहत कोषमा हस्तान्तरण गरेको जनाएको छ।

Continue Reading

entertainment

समय, सम्बन्ध र आत्मपहिचानको कथा बोकेको ‘माण्डवी’

Published

on

सद्भाव थिएटर–नेपालको प्रस्तुतिमा नयाँ बानेश्वर, थापागाउँस्थित ‘एक थिएटर नेपाल’मा नाटक ‘माण्डवी’को मञ्चन सुरु भएको छ। राम के.ए.सी.को लेखन तथा निर्देशनमा तयार पारिएको यो नाटक असोज १ गतेदेखि १४ गतेसम्म प्रदर्शन हुनेछ।

मंगलबार बाहेक प्रत्येक दिन साँझ ५:३० बजे र शनिबार अतिरिक्त शो दिउँसो १:०० बजे पनि नाटक हेर्न सकिनेछ।

‘माण्डवी’ नाटकले तीव्र गतिमा दौडिरहेको आधुनिक जीवनशैली र त्यसले मानव सम्बन्धमा पारेको प्रभावलाई मुख्य विषय बनाएको छ।

प्रविधि, करियर, जागिर, पैसा र सम्पत्तिको दौडधुपमा मानिसले कसरी आफैँलाई बिर्सँदै गएको छ र यसको असर उसकै जीवन तथा सम्बन्धमा कसरी परिरहेको छ भन्ने कुरा नाटकमा जीवन्त रूपमा प्रस्तुत गरिएको छ।
नाटकले मानिसले गुमाउँदै गएको समय, सम्बन्ध र आत्मीयतालाई पुनः खोज्नुपर्ने आवश्यकतामाथि जोड दिएको छ।
भावनाहरूको शुद्धीकरण, सम्बन्धहरूको पुनर्जागरण, आत्म-साक्षात्कार, पूर्वाग्रहको त्याग तथा अरूको अस्तित्वलाई स्वीकार गर्ने क्षमता विकास गर्नुपर्ने सन्देश यसले दिन्छ। ‘माण्डवी’लाई वर्तमान समयको प्रतिनिधि पात्रका रूपमा उभ्याउँदै नेपाली समाजका अदृश्य अन्तर्विरोध, मोह, स्वतन्त्रता, जीवन-दर्शन, सत्य र मिथ्यालाई मञ्चमा उतारिएको छ।


निर्देशक राम के.ए.सी.का अनुसार ‘माण्डवी’ केवल एउटा पात्र वा नाटक मात्र नभएर समकालीन मानव जीवनको वास्तविक प्रतिबिम्ब हो, जसले दर्शकलाई आफ्ना सम्बन्ध र अस्तित्व जोगाउनेबारे सोच्न बाध्य बनाउँछ।

नाटकमा निलीमा पाण्डे, एवन राज उप्रेती, सन्तोष बिष्ट, रुषा श्रेष्ठ, संस्कृति वन, तीर्सना राई, भिष्मराज जोशी र किरण चापागाईं लगायतका कलाकारहरूको जीवन्त अभिनय रहेको छ।

Continue Reading

entertainment

बाढीपीडितको सहयोगका लागि तमु धिँ यूकेको १०० किलोमिटर ट्रेल वाक

Published

on

रसुवा लगायत नेपालका विभिन्न स्थानमा बाढीपहिरोबाट भएको जनधनको क्षतिपछि पीडितको सहयोगका लागि तमु धिँ यूकेले १०० किलोमिटर ट्रेल वाक आयोजना गरेको छ।

तमु धिँ यूकेका एडभाइजर सन्तकुमार गुरुङको संयोजनमा भएको ट्रेल वाकमा उपाध्यक्ष कमल गुरुङसहित एडभाइजरहरू तार्कजङ गुरुङ, क्याप्टेन रेज्ट लाछ्या गुरुङ र शारदा गुरुङ सहभागी थिए। करिब एक साताको मेहनतपछि १० वटा चेकपोइन्ट पार गर्दै ट्रेल वाक पूरा गरिएको र यसबाट करिब ५ हजार ८ सय पाउन्ड रकम संकलन भएको जनाइएको छ।

ट्रेल वाकका क्रममा तमु धिँ यूके अध्यक्ष जुमकाजी गुरुङले विभिन्न चेकपोइन्टमा पुगेर सहभागीलाई हौसला प्रदान गरेका थिए। गुरखा मिडियाका निर्देशक तथा फोटोग्राफर मिलन तमुले पहिलो दिनको गतिविधिको भिडियो तथा तस्बिर संकलन गरेका थिए।

संकलित रकमसँगै नेपाली मेलाको बचत, विभिन्न इकाइ तथा तमु धिँसँग आबद्ध संस्थाहरू र व्यक्तिहरूबाट प्राप्त सहयोगसमेत एकीकृत गरी बाढीपहिरो पीडितका लागि नेपाल पठाइनेतमु धिँ यूकेले जनाएको छ।

तमु धिँ यूकेअध्यक्ष जुमकाजी गुरुङ र आर्थिक संयोजकसमेत रहेका उपाध्यक्ष कमल गुरुङसहितको टोली सेप्टेम्बर २० मा नेपाल आएर सहयोग रकम हस्तान्तरण गर्नुका साथै क्षतिग्रस्त क्षेत्रमा राहत वितरण गर्ने कार्यक्रम रहेको छ।

Continue Reading

Facebook

Trending

Copyright © 2026 streetnepal.com