काठमाडौं । टिभीएस दुईपाङ्ग्रे सवारीसाधनको नेपालका लागि आधिकारिक वितरक जगदम्बा मोटर्सले काठमाडौंको भृकुटीमण्डपमा ‘टिभीएसमा अपग्रेड हान्नेलाई अचम्मैको डिल’ नामक विशेष मेगा इभेन्ट सुरु गरेको छ।

जेठ १३ गतेदेखि १९ गतेसम्म सञ्चालन हुने सातदिने यस इभेन्टमार्फत ग्राहकहरूले जुनसुकै ब्रान्डका पुराना मोटरसाइकल वा स्कुटर एक्सचेन्ज गरी नयाँ टिभीएस सवारी खरिद गर्न सक्ने कम्पनीले जनाएको छ।

कम्पनीका अनुसार इभेन्टको मुख्य आकर्षण एक्सचेन्ज योजना हो, जसअन्तर्गत ग्राहकहरूले आफ्नो पुरानो सवारीको आकर्षक ‘स्पट भ्यालुएसन’ प्राप्त गर्न सक्नेछन्। पुरानो सवारीको मूल्याङ्कनपछि ग्राहकले थप लाभसहित नयाँ टिभीएस मोटरसाइकल वा स्कुटर खरिद गर्ने अवसर पाउनेछन्।

त्यस्तै, ग्राहकलाई न्यूनतम कागजी प्रक्रियामै तत्काल फाइनान्स सुविधा उपलब्ध गराइने कम्पनीले जनाएको छ। नागरिकता र सवारी चालक अनुमतिपत्रका आधारमा फाइनान्स स्वीकृत हुने व्यवस्था गरिएको छ। दैनिक १३९ रुपैयाँदेखि सुरु हुने ईएमआई योजनाले ग्राहकलाई सहज किस्ताबन्दीमा नयाँ सवारी खरिद गर्न सहयोग पुग्ने कम्पनीको विश्वास छ।

इभेन्ट अवधिभर टिभीएसका विभिन्न मोडेल खरिद गर्ने ग्राहकले आकर्षक नगद छुट, निःशुल्क एसेसरिज तथा विभिन्न सरप्राइज अफरहरू समेत प्राप्त गर्न सक्नेछन्। कम्पनीले आफ्ना सबै मोडेलमा लाइफटाइम वारेन्टी सुविधा पनि उपलब्ध गराउँदै आएको छ। यस योजनामार्फत ग्राहकहरूले टिभीएस अपाचे सिरिज, टिभीएस रेडर, टिभीएस एनटर्क लगायत कम्पनीका लोकप्रिय मोटरसाइकल तथा स्कुटर मोडेलहरू खरिद गर्न सक्नेछन्।

व्यावसायिक अफरका अतिरिक्त इभेन्टलाई पारिवारिक मनोरञ्जन केन्द्रका रूपमा समेत विकास गरिएको कम्पनीले जनाएको छ। इभेन्टमा टेस्ट राइड जोन, जिमखाना राइडिङ प्रतियोगिता, गेम जोन तथा फुड स्टलहरू सञ्चालनमा रहेका छन्, जहाँ आगन्तुकहरूले विभिन्न गतिविधिमा सहभागी हुन सक्नेछन्।

जगदम्बा मोटर्सका अनुसार नेपाली ग्राहकलाई सहज, किफायती तथा आकर्षक तरिकाले नयाँ सवारीमा अपग्रेड गर्ने अवसर प्रदान गर्ने उद्देश्यले उक्त योजना सञ्चालन गरिएको हो। कम्पनीले टिभीएसका नयाँ तथा पुराना ग्राहकलाई भृकुटीमण्डपमा आयोजित इभेन्टमा सहभागी भई उपलब्ध विशेष अफरहरूको लाभ लिन आग्रह गरेको छ।

नेपालमा हालै सार्वजनिक गरिएको नयाँ इलेक्ट्रिक एसयूभी ‘एमजी एस सिक्स’ ले आधुनिक प्रविधि, लक्जरी फिचर र शक्तिशाली परफर्मेन्सका कारण अटो बजारमा चर्चा बटुल्न थालेको छ।

नक्सालस्थित एमजीको शोरुममा गरिएको अवलोकनका क्रममा कम्पनीका प्रतिनिधि शिरीष उपाध्यायका अनुसार ११ मे २०२६ मा नेपालमा लन्च गरिएको यो फुल साइज इलेक्ट्रिक एसयूभीमा १२४ लिटरको फ्रन्ट स्टोरेज (फ्रन्क), एक्टिभ एअर इन्टेक, एडास सेन्सर, रेन सेन्सिङ वाइपर तथा २० इन्चका टायर जस्ता फिचर समावेश गरिएको छ। गाडीको ग्राउन्ड क्लियरेन्स १९५ एमएम रहेको छ।

गाडीको साइड प्रोफाइलमा एक्स पावर ब्याजिङ, हिटेड साइड मिरर, ३६० डिग्री क्यामरा, रिक्वेस्ट सेन्सर र प्राइभेसी ग्लास दिइएको छ। पछाडितर्फ ५८१ लिटरको इलेक्ट्रिक बुट स्पेस उपलब्ध छ भने फुट सेन्सरबाट पनि बुट खोल्न सकिने सुविधा रहेको छ।

एमजी एस सिक्समा सीसीएस टाइप–२ चार्जिङ पोर्ट रहेको छ। एसी चार्जिङमा ७ किलोवाटसम्म सपोर्ट गर्ने यो गाडीले १४४ किलोवाटको डीसी फास्ट चार्जरमार्फत करिब ३८ मिनेटमै फुल चार्ज लिन सक्ने कम्पनीको दाबी छ।

रियर ह्विल ड्राइभ सिस्टम भएको यस गाडीमा १८० किलोवाटको मोटर जडान गरिएको छ। कम्पनीका अनुसार यसले एक पटकको चार्जमा ५३० किलोमिटरसम्म रेन्ज दिन्छ।

इन्टेरियरतर्फ हिटेड तथा भेन्टिलेटेड सिट, मेमोरी सिट, वायरलेस चार्जिङ, डुअल जोन क्लाइमेट कन्ट्रोल, हेडअप डिस्प्ले, वायरलेस एन्ड्रोइड अटो तथा एप्पल कारप्ले, ११ स्पिकर अडियो सिस्टम र विभिन्न स्मार्ट कनेक्टिभिटी फिचर समावेश गरिएको छ।

कम्पनीले तीन वर्षसम्म इन्टरनेट डाटा सुविधा पनि उपलब्ध गराएको छ।

काठमाडौंमा सिजी मोटर्सले ‘महामेला एक्सचेन्ज कार्निभल’ सुरु गर्दै विद्युतीय सवारीसाधन खरिदलाई लक्षित आकर्षक अफर सार्वजनिक गरेको छ।

सिजी मोटर्सकी एजीएम सेल्स म्यानेजर कन्चन सिलवालका अनुसार यो विशेष योजना अन्तर्गत ग्राहकले न्यून डाउनपेमेन्टमै विभिन्न ईभी गाडी खरिद गर्न सक्नेछन्।

उनका अनुसार रिडारा गाडी केवल ९.९९ प्रतिशत डाउनपेमेन्टमा उपलब्ध गरिएको छ भने करिब १० लाख रुपैयाँमै ग्राहकले रिडारा घर लैजान सक्नेछन्। त्यसैगरी डायुन गाडी ४ लाख रुपैयाँ डाउनपेमेन्टमै खरिद गर्न सकिने व्यवस्था गरिएको छ। कम्पनीले दुई वर्षसम्मको आर्थिक वर्ष करसमेत निःशुल्क उपलब्ध गराउने जनाएको छ।

एक्सचेन्ज कार्निभल भएकाले कुनै पनि ब्राण्डका पुराना गाडी ल्याएर रिडारा, डायुन, नेटा, किङलङ, एक्सप्याङ, आयोनिक लगायतका नयाँ गाडी साट्न सकिने कम्पनीले जनाएको छ। कार्यक्रममा ग्राहकलाई सहज फाइनान्स सुविधा पनि उपलब्ध गराइएको छ।

सिजी मोटर्सले नबिल बैंक र ग्लोबल बैंकसँग सहकार्य गरेर अटो लोन सुविधा प्रदान गरिरहेको जनाएको छ। आवश्यक कागजात लिएर आएका ग्राहकलाई छिटो र सहज रूपमा फाइनान्स प्रक्रिया पूरा गरिने कम्पनीको भनाइ छ।

आजदेखि सुरु भएको यो ‘महामेला एक्सचेन्ज कार्निभल’ ६ दिनसम्म सञ्चालन हुनेछ। कार्यक्रममा हिरो मोटरसाइकलसहित सिजी मोटर्स अन्तर्गतका विभिन्न ब्राण्डका सवारीसाधन पनि समावेश गरिएको छ।