रोयल इनफिल्डले नेपाली युवा र स्पोर्टी राइडिङ पारखीलाई लक्षित गर्दै नयाँ ‘गुरिल्ला ४५०’ मोटरसाइकल सार्वजनिक गरेको छ ।

सहरका व्यस्त सडकदेखि घुमाउरा राजमार्गसम्म सहज र शक्तिशाली अनुभव दिने दाबी गरिएको यो मोटरसाइकललाई कम्पनीले ‘अर्बन पर्फमेन्स रोडस्टार’को रूपमा प्रस्तुत गरेको हो ।

नयाँ गुरिल्ला ४५० मा ४५२ सिसी क्षमताको लिक्विड–कुल्ड ‘शेर्पा’ इन्जिन जडान गरिएको छ । उक्त इन्जिनले ८ हजार आरपीएममा ४० पीएस शक्ति र ५ हजार ५ सय आरपीएममा ४० एनएम टर्क उत्पादन गर्छ ।

कम आरपीएमबाटै उच्च टर्क उपलब्ध हुने भएकाले भीडभाडयुक्त सहर तथा लामो दूरीको यात्रामा समेत सहज परफर्मेन्स दिने कम्पनीको दाबी छ ।

मोटरसाइकलमा ६–स्पिड गियरबक्स, असिस्ट तथा स्लिपर क्लच, राइड–बाइ–वायर प्रविधि र ‘स्पोर्ट’ तथा ‘स्ट्रिट’ गरी दुई राइडिङ मोड उपलब्ध छन् । यसले राइडरलाई आवश्यकता अनुसार फरक अनुभव दिने बताइएको छ ।

डिजाइनतर्फ गुरिल्ला ४५० लाई आधुनिक तथा मस्कुलर शैलीमा तयार गरिएको छ । एलईडी हेडलाइट, उचालिएको साइलेन्सर, स्टेप्ड सिट, ११ लिटर क्षमताको इन्धन ट्यांकी तथा १७ इन्च ट्युबलेस टायरले यसको आकर्षण थप बढाएको छ । ४३ एमएम शोवा टेलिस्कोपिक फ्रन्ट सस्पेन्सन र मोनोशक सेटअपले खराब सडकमा समेत आरामदायी यात्रा अनुभव दिने कम्पनीले जनाएको छ ।

यसमा ४ इन्चको टीएफटी ‘ट्रिपर ड्यास’ राखिएको छ, जसमा गुगल म्याप–आधारित नेभिगेसन तथा स्मार्टफोन कनेक्टिभिटी सुविधा उपलब्ध छ । कम्पनीका अनुसार एपेक्स भेरियन्टमा थप स्पोर्टी डिजाइन तथा विशेष एक्सेसोरिज पनि समावेश गरिएको छ ।

कम्पनीले नेपालभरका आधिकारिक शोरुममार्फत गुरिल्ला ४५० को बुकिङ तथा बिक्री सुरु गरिसकेको जनाएको छ । साथै, विश्वभर रहेका ३ हजारभन्दा बढी सर्भिस सेन्टरमार्फत सेवा दिने ‘बोर्डरलेस वारेन्टी’ सुविधा पनि उपलब्ध गराइएको छ ।

यामाहाले नेपाली सडकमा सुहाउदो नयाँ प्रविधियुक्त एफआई हईब्रिड मोटरसाइकल नेपालमा ल्याएको छ।

नेपाली बजारमा नयाँ प्रविधिसहित आएको एफआई हईब्रिड मोटरसाइकल अहिले विशेषगरी युवा र दैनिक सहर यात्रुहरूबीच लोकप्रिय बन्दै गएको छ।

आधुनिक BS6 इन्जिन र OBD2B सिस्टमले सुसज्जित यो बाइकले कम प्रदूषण उत्सर्जन गर्दै वातावरणमैत्री सवारीको अनुभव दिन्छ। साथै, सेन्सरमा समस्या देखिएमा MIL लाइटमार्फत समयमै जानकारी दिने भएकाले यसको मर्मतसम्भार पनि सहज हुन्छ।

यस बाइकको सबैभन्दा आकर्षक पक्ष भनेको यसको माइल्ड हाइब्रिड टेक्नोलोजी हो। बाइकलाई जेरो स्पिडबाट अघि बढाउँदा सुरुका करिब ३ सेकेन्डसम्म ब्याट्रीले अतिरिक्त पावर असिस्ट दिने भएकाले पिकअप राम्रो हुन्छ र इन्जिनमा पर्ने लोड घट्छ। यही कारणले गर्दा इन्धन खपत कम भई माइलेज पनि सुधारिन्छ। कम्पनीका अनुसार, सहरको ट्राफिक अवस्थालाई ध्यानमा राख्दा यसले औसतमा करिब ५५ देखि ६५ किलोमिटर प्रतिलिटरसम्म माइलेज दिन सक्ने बताइएको छ, जुन दैनिक प्रयोगका लागि निकै किफायती मानिन्छ।

यसमा रहेको अटोमेटिक स्टप स्ट्राट सिस्टमले ट्राफिक जाम वा रेड लाइटमा रोकिने बेला इन्जिन आफैँ बन्द हुने र क्लच लिंदा आफै स्ट्राट हुन्छ , जसले अनावश्यक इन्धन खर्च घटाउँछ। त्यस्तै Traction Control System (TCS)ले चिप्लो बाटोमा टायर स्लिप हुन नदिई सुरक्षामा सहयोग पुर्‍याउँछ भने ईको इन्लेडिकेटरले किफायती गतिमा बाइक चलाउँदा संकेत दिई माइलेज बढाउन मद्दत गर्छ।

यसका अतिरिक्त साइलेन्ट स्ट्राट, साइड स्ट्यान्ड इन्जिन कट-अफ, र कल/मेसेज सूचना प्रणाली जस्ता स्मार्ट फिचरहरूले यसलाई अझ सुरक्षित र आधुनिक बनाएका छन्। समग्रमा, राम्रो माइलेज, आधुनिक प्रविधि र नेपाली सडकअनुकूल डिजाइनका कारण यो बाइक अहिले “भ्यालु फर मनी” विकल्पका रूपमा उभिएको देखिन्छ।

थप जानकारीको लागी भिडियो हेर्नुहोस्

नेपाली सडकमा युवाहरूको पहिलो रोजाइ बन्न सफल ‘पल्सर’ सिरिजमा बजाजले अर्को एउटा शक्तिशाली अध्याय थपेको छ। बजाज अटोले आफ्नो अहिलेसम्मकै ठूलो पल्सरको रूपमा बजाज पल्सर NS400Z सार्वजनिक गरेको हो, जसले पर्फर्मेन्स र प्रविधिको नयाँ मापदण्ड सेट गर्ने अपेक्षा गरिएको छ।

नयाँ पल्सर NS400Z मा ३४९ सीसीको लिक्विड कुल्ड, सिंगल सिलिन्डर इन्जिन प्रयोग गरिएको छ। यो इन्जिन बजाजको चर्चित टुरर बाइक डोमिनार ४०० सँग मिल्दोजुल्दो छ। यद्यपि, अघिल्लो संस्करणको तुलनामा यसको पावर र टर्कमा केही सामान्य गिरावट देखिए पनि कम्पनीले यसको इन्जिन संरचनामा सुधार गरी पहिलेभन्दा अझ प्रभावकारी र ‘रिफाइन्ड’ बनाएको दाबी गरेको छ। यसले चालकलाई सहरका चिल्ला सडकदेखि राजमार्गसम्म सहज यात्राको अनुभव गराउनेछ।

बजाजले यस पटक बाइकको बाहिरी डिजाइन (लुक्स) मा भने ठूलो प्रयोग गरेको छैन। यो बाइक पुरानै चिरपरिचित प्लेटफर्ममा आधारित छ। तर, यात्रालाई आरामदायी बनाउन यसमा ‘अप-साइड डाउन’ (USD) फ्रन्ट फोर्क्स र पछाडि ‘मोनोशक सस्पेन्सन’ दिइएको छ। यसका साथै आकर्षक अलोय ह्विलले बाइकलाई स्पोर्टी लुक्स दिएको छ।

सुरक्षाका लागि यसमा अगाडि ३२० एमएम र पछाडि २३० एमएमको डिस्क ब्रेक जडान गरिएको छ, जसमा ‘ड्युअल च्यानल एन्टी लक ब्रेकिङ सिस्टम’ (ABS) उपलब्ध छ। उच्च गतिमा पनि बाइकलाई सुरक्षित रूपमा रोक्न यसले मद्दत गर्दछ।

यो बाइकलाई खास बनाउने यसका आधुनिक फिचर्स हुन्। यसमा ‘राइड बाई वायर’ सिस्टम, फरक-फरक ‘राइडिङ मोड्स’, सहज गियर परिवर्तनका लागि ‘क्विकशिफ्टर’ र चिप्लो सडकमा चिप्लिनबाट जोगाउने ‘ट्र्याक्सन कन्ट्रोल’ जस्ता प्रविधि समावेश छन्। साथै, यसको नयाँ डिजिटल इन्स्ट्रयुमेन्ट क्लस्टरले बाइकलाई पूर्ण रूपमा ‘टेक्नोलोजी फोकस्ड’ बनाएको छ।

बजाजको यो नयाँ प्रयासले पल्सर प्रेमीहरूलाई प्रिमियम अनुभव दिने निश्चित छ। पुरानो भरोसा र नयाँ प्रविधिको यो संगमले नेपाली बजारमा कस्तो प्रभाव पार्नेछ, त्यो भने हेर्न बाँकी नै छ।