Connect with us

Auto

नयाँ सुविधासहितको यामाहा रे–जेडआर १२५ एफआई हाइब्रिड आकर्षक स्कुटर नेपालीबजारमा (भिडियो)

Published

on

यामाहाले आफ्नो लोकप्रिय स्कुटर रे–जेडआर १२५ एफआई हाइब्रिड लाई थप आकर्षक फिचरसहित बजारमा उपलब्ध गराएको छ। युवापुस्तालाई लक्षित गरी डिजाइन गरिएको यो स्कुटरमा आधुनिक प्रविधि, दमदार माइलेज र स्पोर्टी लुकको संयोजन देख्न सकिन्छ।

स्कुटरमा १२५ सीसीको फ्युल इन्जेक्ट एफ आई हाईब्रिड इन्जिन प्रयोग गरिएको छ, जसले राम्रो पिकअपसँगै इन्धन बचतमा समेत सहयोग पुर्‍याउँछ। यामाहाको स्मार्ट मोटर जेनेरेटर प्रविधिले एक्सेलेरेशनका बेला अतिरिक्त सहायता प्रदान गर्ने भएकाले राइडिङ अनुभव अझ सहज र प्रतिक्रियाशील बनेको कम्पनीको दाबी छ।

नयाँ रे–जेडआर १२५ एफआई हाइब्रिडमा आकर्षक एलईडी लाईट , डिजिटल इन्स्ट्रुमेन्ट क्लस्टर तथा आईन्सर ब्याक फिचर जस्ता आधुनिक सुविधा समावेश गरिएको छ। यो फिचर मार्फत पार्किङमा राखिएको स्कुटर सजिलै पहिचान गर्न सकिन्छ।

केवल करिब ९९ केजी तौल रहेको यो स्कुटर आफ्नो वर्गमै सबैभन्दा हल्का मानिन्छ। त्यसैले शहरभित्रको दैनिक आवतजावतमा यसलाई सहज र चलाउन सजिलो मानिन्छ।

स्कुटरमा पर्याप्त अन्डर-सिट स्टोरेज, साइड स्ट्यान्ड इन्जिन कट-अफ, स्टार्ट–स्टप सिस्टम र स्पोर्टी ग्राफिक्स पनि उपलब्ध छन्। यसको अगाडिको डिस्क ब्रेक र ट्युबलेस टायरले सुरक्षा तथा नियन्त्रणमा थप विश्वास दिलाउँछन्।

स्टाइल, माइलेज, आधुनिक फिचर र हल्का तौलको संयोजन खोज्ने ग्राहकका लागि रे–जेडआर १२५ एफआई हाइब्रिड 2026 आकर्षक विकल्प बन्न सक्ने देखिन्छ।

यस भिडियोमा हामीले यामाहा रे–जेडआर १२५ एफआई हाइब्रिडको डिजाइन, फिचर, माइलेज, परफर्मेन्स, राइड अनुभव र नेपालमा यसको उपयुक्तताबारे विस्तृत समीक्षा गरेका छौं।

Continue Reading
Click to comment

You must be logged in to post a comment Login

Leave a Reply

Auto

यामाहाको चर्चित XSR 155 नेपाल आउँदै, ‘रेट्रो’ लुक्सले बजारमा नयाँ प्रतिस्पर्धा थप्ने

Published

on

लामो समयदेखि नेपाली मोटरसाइकल पारखीहरूको प्रतीक्षामा रहेको यामाहा XSR 155 अब नेपाली बजारमा प्रवेश गर्ने तयारीमा छ। यामाहाको आधिकारिक वितरक एमएडब्लु राइड्स (MAW Rides) ले सार्वजनिक गरेको टिजरले यो ‘नियो–रेट्रो’ मोटरसाइकलको आगमन अब धेरै टाढा नरहेको संकेत दिएको छ।

नेपाली बजारमा स्पोर्ट्स र नेकेड बाइकको लोकप्रियता बढिरहेका बेला XSR 155 ले भने फरक पहिचान बनाउन खोजेको छ। क्लासिक डिजाइन र आधुनिक प्रविधिको संयोजन रहेको यो मोटरसाइकल विशेषगरी स्टाइल र प्रिमियम अनुभव खोज्ने युवा र राइडिङ पारखीलाई लक्षित गरिएको मानिन्छ।

बाइकमा गोलो एलईडी हेडलाइट, राउन्ड डिजिटल इन्स्ट्रुमेन्ट क्लस्टर, टक–एन्ड–रोल सिट र मस्कुलर फ्युल ट्याङ्की जस्ता डिजाइन एलिमेन्ट राखिएका छन्, जसले पुरानो र नयाँ शैलीलाई एकैसाथ प्रस्तुत गर्छ।

पर्फर्मेन्सका लागि यसमा R15 र MT-15 मा प्रयोग हुने १५५ सिसी VVA प्रविधियुक्त लिक्विड–कुल्ड इन्जिन जडान गरिएको छ। साथै डुअल–च्यानल ABS, असिस्ट एन्ड स्लिपर क्लच, ट्र्याक्सन कन्ट्रोल र USD फ्रन्ट फोर्क्स जस्ता आधुनिक फिचरले यसलाई आफ्नो सेग्मेन्टको आकर्षक विकल्प बनाउने अपेक्षा गरिएको छ।

कम्पनीले औपचारिक मूल्य र बिक्री मिति सार्वजनिक गरिसकेको छैन। तर, आगामी नाडा अटो शो वा चाडपर्व लक्षित गर्दै यसको बिक्री सुरु हुन सक्ने अनुमान गरिएको छ। नेपाली बजारमा यसको मूल्य करिब ५ लाख ३० हजारदेखि ५ लाख ६० हजार रुपैयाँको हाराहारीमा रहने चर्चा छ।

XSR 155 को आगमनसँगै नेपाली बजारमा ‘नियो–रेट्रो’ सेग्मेन्टमा प्रतिस्पर्धा थप चर्किने र स्टाइल, प्रविधि तथा दैनिक प्रयोगलाई सन्तुलित रूपमा खोज्ने ग्राहकका लागि नयाँ विकल्प थपिने अपेक्षा गरिएको छ।

Continue Reading

Auto

पोखरामा ‘बजाजको झ्याम्मै एक्सचेन्ज मेला’ सुरु

Published

on

पोखरामा ‘बजाजको झ्याम्मै एक्सचेन्ज मेला’ सुरु भएको छ। साउन ३ गतेदेखि ८ गतेसम्म पोखराको अमरसिंह स्कुलको खेलमैदानमा सञ्चालन भइरहेको यस मेलामा ग्राहकहरूले नागरिकताको आधारमा मात्रै बजाजका मोटरसाइकल तथा स्कुटर न्यूनतम डाउन पेमेन्टमा र ५ वर्षसम्मको फाइनान्स सुविधासहित खरिद गर्न सक्नेछन्।

कम्पनीका अनुसार मेलामा शून्य सेवा शुल्क (Zero Service Charge), अन-द-स्पट फाइनान्स, पुरानो सवारीसाधनको मूल्यांकनमा थप ७ हजार रुपैयाँसम्म अतिरिक्त भ्यालुएसन तथा आकर्षक नगद छुटको व्यवस्था गरिएको छ।

यस मेलामा कुनै पनि कम्पनीका पुराना मोटरसाइकल वा स्कुटर एक्सचेन्ज गर्न सकिनेछ। ग्राहकहरूको पुराना सवारीसाधनको उचित र उच्चतम मूल्यांकन गर्न कम्पनीले अनुभवी तथा दक्ष भ्यालुएटरको व्यवस्था गरेको जनाएको छ। मूल्यांकनपछि कम्पनीको तर्फबाट थप ७ हजार रुपैयाँसम्म बोनस भ्यालुएसन पनि उपलब्ध गराइनेछ।

कम्पनीका अनुसार यस योजनाले मोटरसाइकल खरिदका क्रममा आवश्यक पर्ने घरजग्गाको लालपुर्जा, पानी वा बिजुलीको बिल, आयस्रोत प्रमाणपत्रजस्ता कागजातको झन्झट हटाएको छ। किस्ताबन्दीमा खरिद गर्न चाहने ग्राहकले नागरिकताको आधारमा मात्र आवेदन दिएर करिब एक घण्टाभित्रै लोन स्वीकृत गराई सरल फाइनान्समार्फत सुविधा लिन सक्नेछन्।

हंसराज हुलासचन्द एण्ड कम्पनी प्रा.लि.को आयोजनामा भइरहेको यो ‘बजाज झ्याम्मै एक्सचेन्ज मेला’ नेपालकै बृहत् मोटरसाइकल एक्सचेन्ज योजनामध्ये एक भएको कम्पनीको दाबी छ।

बजाज पोखराका सञ्चालक आघोषमान बुद्धाचार्यका अनुसार मेलामा जुनसुकै कम्पनीका पुराना मोटरसाइकल वा स्कुटरको उच्चतम मूल्यांकन गरी बजाजका नयाँ मोडेल सहज रूपमा खरिद गर्न सकिनेछ। साथै, मेलाबाट बजाजको विद्युतीय स्कुटर चेतक (Chetak) पनि खरिद गर्न सकिने व्यवस्था गरिएको छ।

Continue Reading

Auto

सुरुङमार्गमा ‘फन रन एण्ड वाक २०२६

Published

on

काठमाडौं–धादिङ जोड्ने नागढुंगा सुरुङमार्गमा शनिबार बिहान ‘नागढुंगा टनेल फन रन एण्ड वाक २०२६’ आयोजना गरिएको छ।

नेपाल सरकार र जापान अन्तर्राष्ट्रिय सहयोग नियोग (JICA) को सहकार्यमा आयोजित कार्यक्रममा सर्वसाधारणलाई सुरुङमार्गभित्र दौडने र हिँड्ने विशेष अवसर प्रदान गरिएको हो।

सुरुङमार्ग निर्माण अन्तिम चरणमा पुगेको अवसर पारेर आयोजित कार्यक्रमले नेपाल–जापानबीचको मैत्रीपूर्ण सम्बन्ध तथा पूर्वाधार विकासमा भएको सहकार्यलाई उजागर गरेको छ।

कार्यक्रमस्थलमा नेपाल र जापानका राष्ट्रिय झण्डासहितको ब्यानर राखिएको थियो, जसले दुई देशबीचको दीर्घकालीन साझेदारीको सन्देश दिएको छ।

DCIM\108MEDIA\DJI_0654.JPG

Continue Reading

Facebook

Trending

Copyright © 2026 streetnepal.com