दीपमाला ढकाल मिस नेपाल वर्ल्ड २०२६

दीपमाला ढकाल मिस नेपाल वर्ल्ड २०२६ घोषित भएकी छन्। ललितपुरस्थित द प्लाजा पुल्चोकमा शनिबार आयोजित ग्रान्ड फिनालेमा उनले मिस नेपाल २०२६ को मुख्य उपाधि जितेकी हुन्।

यसैगरी, आर्या निशान्त मिस नेपाल इन्टरनेशनल २०२६ र कशिश सुब्बा मिस नेपाल कोस्मो २०२६ घोषित भए। विजेताहरूले अब सम्बन्धित अन्तर्राष्ट्रिय सौन्दर्य प्रतियोगितामा नेपालको प्रतिनिधित्व गर्नेछन्।

यस वर्षको प्रतियोगितामा देशभरबाट छनोट भएका प्रतिस्पर्धीहरूबीच विभिन्न चरणको प्रतिस्पर्धापछि विजेताको घोषणा गरिएको हो।