entertainment
A MOTIVATIONAL SONG ‘DHALDAINA’

Pratap a trained singer who belongs to Nepal. Trained under Hindustani Ustad Gulam Akbar Khan from Rampur Sahaswan Gharana.
He is part of AR Rahman’s Sufi ensemble and has performed with AR Rahman in Hollywood concerts and also worked as a back
vocalist for renowned Bollywood movies like Jab Tak Hain Jaan, Kadal, Kochadaiyaan. Pratap has even lent his voice in
several Hollywood movie Mumhammed, Pele etc. He was featured as Rising Star of AR Rahman by Behindwoods, currently
associated with the band called “Raag” as a lead vocalist. “Raag Band is Indian Pop Band based on Chennai. The band was
formed in the year of 2014 consist of keyboard player/composer-Soorya, Guitarist-Lakhan Khanna and singer Pratap “PrB”.
“Dhaldaina” (Nepal Anthem) song is composed by Soorya and sang by Pratap “PrB”. The main aim to compose this song was
to give a motivational message through the song to people in Nepal.
entertainment
पुस्तक ‘नेपाली चलचित्रमा पहिलो’ सार्वजनिक

काठमाडौं, असार २१
नेपाली चलचित्र इतिहासको विविध पक्ष समेटिएको ऐतिहासिक पुस्तक ‘नेपाली चलचित्रमा पहिलो’ हालै सम्पन्न चलचित्र विकास बोर्डको २५औं वार्षिकोत्सब (रजत जयन्ती) को भब्य समारोहबीच सार्वजनिक गरिएको छ।
उक्त कार्यक्रम सूचना, सञ्चार तथा प्रविधि मन्त्री पृथ्वीसुब्बा गुरुङ को प्रमुख आतिथ्यतामा महेन्द्र पुलिस क्लबको सभा हलमा भएको थियो । चलचित्र विकास बोर्डको प्रकाशनमा सार्वजनिक गरिएको यस पुस्तकमा नेपाली फिल्म उद्योगमा भएका विविध ‘पहिलो’ उपलब्धिहरूलाई तथ्यसहित दस्तावेज गरिएको छ।
पुस्तकका लेखक चलचित्र निर्देशक कमल एक्चै मगर हुन् भने सम्पादनको जिम्मेवारी वरिष्ठ रङ्ग पत्रकार शान्तिप्रियले सम्हालेका छन्। नेपाली चलचित्रको सुरुवाती कालदेखि हालसम्मको यात्रा समेटिएको पुस्तकमा — पहिलो चलचित्र, पहिलो अभिनेत्री, पहिलो निर्देशक, विभिन्न भाषामा बनेका पहिलो फिल्म, प्राविधिक, पुरस्कार तथा सम्मानमा पहिलो स्थान पाएका व्यक्तित्व र फिल्महरूको विवरण समेटिएको छ।

लेखक कमलका अनुसार, “पुस्तकले नेपाली सिनेमाको विकासयात्रालाई सरल भाषामा बुझाउन खोजेको छ, जसले अध्ययन, अनुसन्धान र चलचित्रप्रेमीहरूका लागि महत्वपूर्ण स्रोतको रूपमा काम गर्नेछ।”
कार्यक्रमको समापनमा बोल्दै चलचित्र विकास बोर्डका अध्यक्ष दिनेश डि.सी. ले भने, “यो संस्करण पहिलो हो। केही सामग्री छुटेको हुन सक्छ अथवा आगामी दिनमा नयाँ-नयाँ इतिहास बन्न सक्छ ती सबैलाई समेट्दै छिट्टै दोस्रो संस्करण ल्याइनेछ।”
“नेपाली चलचित्रमा पहिलो” नामक ऐतिहासिक पुस्तकको विमोचन सूचना, सञ्चार तथा प्रविधि मन्त्री पृथ्वीसुब्बा गुरुङ, पहिलो नेपाली अभिनेत्री भुवन चन्द, वरिष्ठ कलाकार तथा पूर्व बोर्ड अध्यक्ष कृष्ण मल्ल, निर्देशक तुलसी घिमिरे, संगीतकार शम्भुजित बास्कोटा, र अध्यक्ष दिनेश डि.सी. ले संयुक्तरूपमा गर्नुभएको थियो।

उपस्थित चलचित्रकर्मीहरूले यो पुस्तक नेपाली चलचित्र इतिहासको दस्तावेजिकरणमा एक महत्त्वपूर्ण कोसेढुंगा भएको प्रतिक्रिया दिएका थिए। ‘नेपाली चलचित्रमा पहिलो’ पुस्तकले विगत छ दशकको चलचित्र यात्रा संक्षिप्त र तथ्यपूर्ण रूपमा प्रस्तुत गर्ने प्रयास गरेको छ।

entertainment
मिस नेपाल २०२५ को आवेदन खुल्ला

मिस नेपाल २०२५ का लागि आवेदन खुल्ला गरिएको छ । आयोजक संस्था हिडन खुल्लयो वर्षबाट ‘मिस कोस्मो’को उपाधि थप गरिएको जानकारी गराउँदै आवेदन खुल्ला गरेको हो । सहभागी हुन चाहनेले असार २६ गतेसम्म आवेदन दिन सक्नेछ्न्।
मिस नेपालको फिनाले भदौ १४ मा गोदावरीस्थित सनराइज कन्भेन्सन सेन्टरमा सम्पन्न हुनेछ । यो वर्ष प्रतियोगिताबाट चार विजेता घोषणा गरिनेछन् ।
मिस नेपाल वर्ल्ड, मिस नेपाल इन्टरनेस्नल, मिस नेपाल अर्थ र थप गरिएको मिस नेपाल कोस्मो रहेको छ । ‘मिस नेपाल कोस्मो’को उपाधि जित्नेले भियतनाममा हुने ‘मिस कस्मो’मा सहभागी हुन पाउनेछन् ।
आयोजक संस्था मिस नेपाल २०२५ को खोजीका लागि देशका विभिन्न शहरमा पुग्नेछ । त्यसैगरी, अन्तिम अडिसन २८ गते काठमाडौं मा हुनेछ्। छनोट सुन्दरीहरुले ग्रान्ड फिनालेका लागि ग्रुमिङ तथा विशेष प्रशिक्षण प्राप्त गर्नेछन् ।
हिडन ट्रेजरका निर्देशक सुवर्ण बहादुर क्षेत्री विगतका उपलब्धिमा टेक्दै सुनौलो भविष्यतर्फ मिस नेपाल अगाडि बढेको धारणा राखे।









entertainment
३५ वर्ष पुरानो लोकप्रिय गीत ‘धोका दियौ तिमीले’ सार्वजनिक

काठामाडौ । सदावहार लोकप्रिय गीत ‘धोका दियौ तिमीले’ नयाँ भर्सनमा द भ्वाईस अफ नेपाल सिजन ६ का फस्ट रनरअप रोशन राईको स्वरमा सार्वजनिक भएको छ ।
लुङ्टो क्रियशनको प्रस्तुती रहेको गीतलाई आज, असाढ ३ गते काठमाडौ, दरवारमार्ग, क्युएफएक्स हलमा एक भब्य कार्यक्रमका बिच गीतलाई सार्वजनिक गरिएको छ । लुङ्टो क्रियशन युट्युव च्यानलबाट अफिसियल गीतपनि सार्वजनिक भैसकेको छ । ३५ वर्ष अगाडी सार्वजनिक भएको ‘धोका दियौ तिमीले’ गीतलाई प्राज्ञ, वरिष्ठ संगीतकार शान्तिराम राईले संगीत गरेका हुन् । यो गीतमा वरिष्ठ गीतकार बुद्धवीर लामाको शब्द रहेको छ ।
३५ वर्ष पुरानो मेल भर्सनमा सरोज कुमार श्रेष्ठको स्वर रहेको थियो भने फिमेल भर्सनमा वरिष्ठ गायिका सुक्मित गुरुङको स्वर रहेको थियो । यस गीतलाई देवेश राईले एरेञ्ज गरेका हुन्, भने किश्वर थापाले मिक्सिङ मास्टरिङ गरेका छन् । अमर श्रष्ठा स्व. विक्रम राई प्रती समर्पित गीतको एडिसनल संगीत विक्रमले नै गरेका हुन् ।
जहा चर्चित गायिका मेलिना राईको स्वर रहेको छ । सार्वजनिक गीतको बारेमा बोल्दै प्राज्ञ शान्तिरामले आफ्नो ३५ वर्ष अगाडीको संर्घष सम्झिए । शान्तिरामले भने ‘काठमाडौको बासाई, संर्घष अनी अभावमा जन्मिएको थियो धोका दियौ तिमीले ।’ यो गीत बाउ, छोरा र नाति पुस्ताहरुका लागी लोकप्रिय भएकोपनि शान्तिरामले बताए । त्यस्तै गायक रोशनले कार्यक्रमलाई सम्बोधन गर्दै, प्राज्ञ संगीतकार शान्तिरामलाई ढोग्दै सदावहार लोकप्रिय गीत गाउन दिएकोमा धन्यवाद प्रकट गरे । द भ्वाईस अफ नेपालका संचालक चर्चित होस्ट सुशिल नेपालले कार्यक्रम सञ्चालन गरेका थिए । सुशिलले पनि रोशनको स्वरसंगै अभिनयको पनि तारिफ गरेका थिए ।
चर्चित निर्देशक राजेश पुमा राईले निर्देशन गरेको म्युजिक भिडियोमा एक प्रेमिल जोडीको विछोड र धोकाको कथा देखाइएको छ । गीतको भाव अनुसार बनेको म्युजिक भिडियोमा चर्चित अभिनेत्री केकी अधिकारी र गायक स्वयम रोशनको अभिनय देख्न सकिन्छ ।
निर्देशक राजेशले केकी र रोशनलाई दमदार अभिनय गराएका छन् । भ्वाईस अफ नेपाल सिजन ६ बाट चर्चामा आएका रोशन गीत संगीतमा बच्चैदेखी लागेका थिए । रोशनले ०६० सालमा पहिलो गीत रेकर्ड गरेका थिए । अहिले सम्म १ हजार बढी गीतहरु गाइसकेका रोशनको ४ एल्बमहरु दर्शक, श्रोताहरुमाझ ल्याईसकेका छन् । भर्सटाइल रोशन गायनसंगै शब्द तथा संगीतपनि सृजना गर्छन् ।
उनको १०० भन्दा बढी संगीतहरु पनि दर्शक, श्रोतामाझ ल्याईसकेका छन् । म्युजिक भिडियोमा पहिलो पटक अभिनयमा गरेका रोशनको गीत रिलिजपछि अभिनयकोपनि प्रसंसा भइरहेको छ । रोशनको ‘मेरो प्यारो खोटाङ’, ‘तिमी सित माया गर्दा’ , ‘जिवनमा एउटै’ लगायत गीतहरु दर्शकमाझ लोकप्रिय रहेको छ ।
-
Theatre2 weeks ago
कौशी नाटक घरमा ‘सिक रूम’
-
Feature3 weeks ago
डल्ले खोला
-
lifestyle3 weeks ago
गुरुङ जातीको एउटा मौलिक परम्परा
-
Feature2 weeks ago
ग्वार्को ओभरपास सञ्चालनमा (भिडियो)
-
entertainment4 weeks ago
जुध्यो नजर कोराहा चुड्का’ गीत सार्वजनिक हुँदै
-
entertainment2 weeks ago
मिस नेपाल २०२५ को आवेदन खुल्ला
-
entertainment4 days ago
पुस्तक ‘नेपाली चलचित्रमा पहिलो’ सार्वजनिक
-
Offbeat4 weeks ago
नेपाल आईटीई हङकङमा जीवन्त पर्यटन प्रदर्शन