Feature
ग्वार्को ओभरपास सञ्चालनमा (भिडियो)
ग्वार्को ओभरपास अब सञ्चालनमा आएको छ। प्रधानमन्त्री केपी शर्मा ओलीले शुक्रबार उद्घाटन गरेसँगै सवारीसाधन चल्न थालेको हो।
२०७८ फागुनमा थालिएको निर्माण १७ करोड ६ लाख रुपैयाँमा ठेक्का दिइएको थियो। म्याद पटक–पटक थपिँदै पुस १० गतेदेखि जरिवानासहित निर्माण कम्पनीलाई काममा लगाइएको थियो।
चार लेनको यो ओभरपासमा कोटेश्वरतर्फ ३२० मिटर र सातदोबाटोतर्फ १८५ मिटरको र्याम्प बनाइएको छ, जसको चौडाइ १०.२ मिटर छ।
सातदोबाटो र कोटेश्वर गन्तव्यका सवारीले ओभरपास प्रयोग गर्नेछन् भने मंगलबजार–इमाडोलतर्फका सवारी साधन तलको बाटो प्रयोग गर्नेछन्।
यसबाट ट्राफिक जाम न्युनिकरणमा मद्दत पुग्ने अपेक्षा गरिएको छ।
