‘पेन्सन पट्टा’को गीत ‘जुनी जाला’ सार्वजनिक

माओत्से गुरुङद्वारा निर्देशित चलचित्र ‘पेन्सन पट्टा’को पहिलो गीत ‘जुनी जाला’ सार्वजनिक भएको छ।

गुरुङ समुदायको पहिरन, संस्कृति र गाउँले जीवनशैलीलाई झल्काउने यो गीतमा दयाहाङ राई, बुद्धि तामाङलगायतका कलाकार देखिएका छन्। शब्द हर्क साउदको र संगीत मनोज थापा मगरको रहेको छ।

भदौ २६ गते हरितालिका तीजको मौकामा प्रदर्शनमा आउने यो चलचित्रले प्रेम, संघर्ष र पारिवारिक सम्बन्धको कथा बुनेको छ।

यसको अन्तर्राष्ट्रिय प्रदर्शन अधिकार हङकङ, अस्ट्रेलिया, न्युजिल्यान्ड र बेलायतमा पहिले नै बिक्री भइसकेको छ, र अन्य देशसँग पनि छलफल जारी रहेको निर्माणपक्षले जनाएको छ।