Connect with us

entertainment

MANDAINA MANDINA MORI

Published

on

Bikram-rai
“Mandai Manina Mori” new music video is on you tube now. This song is taken from the music album “Idol Voice” of singer Bikram Rai. Song is penned by Amrit Regmi. Arjun Pokhrel have created music and arranged. Camera person Ram K.C. have filmed the act of Barsha Rauwat, Paul Shah, Hari Yonzan, Krizon, Suzit. This music video is directed by Yugal Pomo Limbu. Video is edited by Nishan Ghimire and the album is distributed by Asian Music.

Continue Reading
Click to comment

You must be logged in to post a comment Login

Leave a Reply

Art

अन्तर्राष्ट्रिय मञ्चदेखि नेपाली चलचित्रसम्म तेरिया

Published

on

नेपाली कला क्षेत्रमा आफ्नो छुट्टै पहिचान बनाउन सफल कलाकार हुन् तेरिया फौजा मगर। सानै उमेरदेखि नृत्यप्रति गहिरो रुचि राख्ने उनले अन्तर्राष्ट्रिय रियालिटी शो जित्दै नेपाली प्रतिभालाई विश्वसामु चिनाएकी थिइन्।

उनको आत्मविश्वास, मेहनत र फरक प्रस्तुतीले उनलाई केवल नृत्यमा मात्र होइन, अभिनय क्षेत्रमा पनि स्थापित गराउँदै लगेको छ।

नृत्यबाट सुरु भएको उनको कला यात्रा अहिले चलचित्रसम्म आइपुगेको छ। विभिन्न म्युजिक भिडियो, स्टेज प्रस्तुति तथा अभिनयमार्फत दर्शकमाझ लोकप्रिय बनेकी तेरिया अब नयाँ चलचित्र मितज्यु मार्फत दर्शकमाझ आउँदैछिन्।

जेठ ८ देखि प्रदर्शनमा आउन लागेको यस चलचित्रमा उनले भावनात्मक र परिपक्व भूमिका निर्वाह गरेकी छन्।

चलचित्र “मितज्यु” मा तेरियाको अभिनयलाई विशेष रूपमा हेरिएको छ। यसअघि नृत्यमा देखिएको उनको अभिव्यक्ति र ऊर्जा अब अभिनयमा पनि झल्किएको निर्माण टिमको दाबी छ।

चलचित्रको ट्रेलर र गीतमार्फत दर्शकले उनको अभिनयको झलक पाइसकेका छन्, जसले दर्शकमाझ उत्सुकता बढाएको छ।

तेरिया फौजा मगरको यात्रा नेपाली युवापुस्ताका लागि प्रेरणाको उदाहरण बनेको छ। निरन्तर मेहनत, अनुशासन र सिर्जनात्मकताले उनले आफूलाई बहुआयामिक कलाकारका रूपमा स्थापित गर्दै लगेकी छन्।

अब चलचित्र “मितज्यु” मार्फत उनको अभिनय यात्रा कति सफल हुन्छ भन्ने प्रतीक्षामा नेपाली दर्शक रहेका छन्।

Continue Reading

entertainment

हङकङ पछि काठमाडौँमा चलचित्र ‘जुनकिरी’

Published

on

निर्देशक दीप गुरुङ को निर्देशनमा बनेको नयाँ नेपाली चलचित्र जुन-किरी काठमाडौँमा नियमित प्रदर्शनमा आएको छ।

गुरुङ समुदायको ऐतिहासिक घाँटू परम्परा र संस्कृतिमा आधारित यस चलचित्रको यसअघि हङकङ मा प्रिमियर गरिएको थियो। हङकङमा भएको विशेष प्रदर्शनपछि चलचित्रलाई काठमाडौँको गोंगबुस्थित इन्फिनिटी थिएटर मा नियमित प्रदर्शन सुरु गरिएको हो।

बिहीबार गुरुङ समुदायसहित नेपाली चलचित्र क्षेत्रका विभिन्न व्यक्तित्वबीच चलचित्र प्रदर्शन गरिएको थियो। चलचित्र हेरेपछि दर्शकहरूले आफ्नै गाउँठाउँ, संस्कृति र परिवेशलाई पर्दामा देख्न पाउँदा निकै हर्षित भएको प्रतिक्रिया दिएका थिए।

निर्माण पक्षका अनुसार जुन-किरी को छायाङ्कन गोरखाको सिरानचोकस्थित ऐतिहासिक धार्मिक स्थल नाथ मण्डली तथा काठमाडौँका विभिन्न स्थानमा गरिएको हो। चलचित्रले काठमाडौँमा संघर्षरत एक फोटोग्राफरको जीवन र घाँटू नाचसँग जोडिएको सांस्कृतिक यात्रालाई प्रस्तुत गरेको छ।

चलचित्रमा सुरज तमु, लक्ष्मी गुरुङ, कविता आले, अनिल सुब्बा तथा डीबी गुरुङलगायत कलाकारहरूको अभिनय रहेको छ। कथा भरत राई र सुरज तमुको रहेको चलचित्रको पटकथा केर डी. कोइँच लिम्बुले तयार गरेका हुन् भने छायाङ्कन योगेश दाहालले गरेका छन्।

यो निर्देशक दीप गुरुङको दोस्रो फिचर फिल्म हो। यसअघि उनले गुरुङ संस्कृतिमै आधारित नैना निर्देशन गरेका थिए।

Continue Reading

Art

विक्रम श्रेष्ठको ‘रातो मच्छिन्द्रनाथ’ एकल कला प्रदर्शनी सुरु

Published

on

लितपुरको पाटन दरबार स्क्वायरस्थित ऐतिहासिक बहादुर शाह बैठकमा कलाकार विक्रम श्रेष्ठको एकल कला प्रदर्शनी ‘रातो मच्छिन्द्रनाथ : पाटनको मुटुमा जीवित परम्परा’ सुरु भएको छ।

वैशाख १० देखि १७ गतेसम्म सञ्चालन हुने प्रदर्शनीमा रातो मच्छिन्द्रनाथ जात्रालाई केन्द्रमा राखेर बनाइएका २० चित्रकला कृति राखिएका छन्।

प्रदर्शनीको उद्घाटन वरिष्ठ कलाकार किरण मानन्धरले गरेका हुन्। चित्रमार्फत कलाकार श्रेष्ठले जात्राको धार्मिक आस्था, रथयात्रा, अनुष्ठान र सामुदायिक सहभागितालाई कलात्मक ढंगले प्रस्तुत गरेका छन्।

आयोजकका अनुसार प्रदर्शनीले पाटनको सांस्कृतिक पहिचान र जीवित परम्परालाई थप सशक्त रूपमा दर्शकसमक्ष पुर्‍याउने लक्ष्य राखेको छ।

Continue Reading

Facebook

Trending

Copyright © 2026 streetnepal.com