बत्तीसपुतलीस्थित शिल्पी थिएटरमा नाटक ‘डल्ले खोला’को नियमित मञ्चन भईरहेको छ।

नाटक कथाकार परशु प्रधानको कथा ‘डल्ले खोला’ मा आधारित नाटकलाई रंगकर्मी वेदना राईले परिकल्पना तथा निर्देशन गरेकी छिन्।

यो कथा कक्षा आठको नेपाली विषयमा पनि समावेश गरिएको कथा हो।

नदीको कथामा बनेको ‘डल्ले खोला’ ले नदी/खोलाको नाममा भइरहेको विकृति र भ्रष्टाचारलाई प्रतिबिम्ब बनाएको निर्देशक राईले बताइन्।

‘नाटकमा नदी पानी मात्र होइन। यो स्मृति हो। विवेक हो। हामीले सुन्न बन्द गरेको आवाज हो।’ उनले भनिन्, ‘नाटकमा हामीले विकासको नाममा नदीमाथि राजनीतिज्ञहरूले गर्ने भ्रष्टाचारको प्रतिबिम्बलाई उजागर गरेका छौँ।’

#डल्लेखोला #DalleKhola #शिल्पीथिएटर #NepaliTheatre #TheatreForChange #नदीकोकथा #NepaliDrama #ParshuPradhan #VedanaRai #नाटक #सामाजिकसन्देश #EnvironmentAwareness #विकासविरोधीभ्रष्टाचार #SaveOurRivers #कला_द्वारा_सचेतना

काठमाडौंको बत्तीसपुतलीस्थित शिल्पी नाटकघरमा घिमिरे युवराज निर्देशित नाटक ‘लस्ट एण्ड फाउन्ड’ मञ्चन भइरहेको छ।

नाटकले नागरिकताविहीनता, पहिचानको खोज, मानसिक आघात र सम्बन्ध जस्ता संवेदनशील विषयहरू उठाएको छ। २५ वर्षीया गाइड भूमि र क्यानाडाबाट आएका सागरबीचको यात्रा र संवादमार्फत कथाले गहिरो सामाजिक प्रश्नहरू उठाउँछ।

भूमिको भूमिकामा पवित्रा खड्का र सागरको भूमिकामा सुमित भण्डारी छन्। अन्य कलाकारमा सुहाना आचार्य र गोविन्द ओली छन्।

नाटक जेठ १७ गतेसम्म हरेक दिन (मंगलबार बाहेक) साँझ ५:१५ बजे र शनिबार दिउँसो १:०० बजे विशेष शोमा मञ्चन हुँदैछ।

कलाकार पशुपति राईको निर्देशनमा नाटक ‘उम्लिँदो खरानी र लेम्लेमा’को नियमित मञ्चन भइरहेको छ।  

मण्डला थिएटरले घोषणा गरेको ७ नाटकमा कलाकार विजय बरालले निर्माण गरेको यो पाँचौं नाटक हो।  

गत शुक्रबारदेखि मण्डला नाटकघरमा नियमित रूपमा मञ्चन हुँदै आएको नाटकलाई मिल्सन राईले लेखेका हुन्। लोककथामा आधारित नाटकले किराँतको मुन्दुम र श्रुति परम्पराबाट आएको कथा बोकेको छ।  

आगामी चैत ३ गतेसम्म नियमित मञ्चन हुने नाटकमा थिन्ले ल्हामो, प्रयास वान्तवा राई, रिन्छेन कुन्छोक मोक्तान, रोशनी स्याङ्बो, प्रायदीप राई, दिग्गज खत्री, युवाहाङ राई, बलबहादुर राई र रमिला मोक्तानको अभिनय छ।