ठमाडौँ उपत्यकाका विभिन्न सडक छेउछाउ यतिबेला जाकारण्डा का फूलले बैजनी रंगमा रंगिएका छन्। विशेषगरी कमल पोखरी आसपास तथा ललितपुरको महालक्ष्मी स्थानस्थित रिंग रोड क्षेत्रमा यी फूलहरूले यात्रु र सर्वसाधारणको ध्यान आकर्षित गरेका छन्।

गर्मी याम सुरु भएसँगै फुल्ने जाकारण्डा रूखका आकर्षक बैजनी फूलहरूले सडकलाई प्राकृतिक सौन्दर्यले भरिएको बनाएका छन्। बिहान र बेलुकाको समयमा हिँडडुल गर्नेहरूका लागि यो दृश्य झन् मनमोहक बनेको छ। सामाजिक सञ्जालमा समेत यी फूलहरूको तस्बिर व्यापक रूपमा साझा भइरहेको छ।

यद्यपि, झरेका फूलहरूले सडकमा चिप्लोपन बढाउने भएकाले सवारी चालकले सावधानी अपनाउनुपर्ने देखिन्छ। प्राकृतिक सुन्दरतासँगै सानो सचेतना अपनाउन सके यसले उपत्यकाको सौन्दर्य अनुभवलाई अझ सुरक्षित र रमाइलो बनाउने स्थानीयले बताएका छन्।

गोरखा जिल्ला चुमनुब्री घर भएकी जोनिशा गुरुङ एक उदाउँदी मोडेल तथा अभिनेत्री हुन्।

विशेषगरी म्युजिक भिडियोहरूमा मोडलको रूपमा अभिनय गर्दै आएकी उनले नेपाली मनोरञ्जन क्षेत्रमा आफ्नो पहिचान बनाउँदै लगेकी छिन्।

जोनिशाले गुरुङ चलचित्र मनकाशीमा समेत अभिनय गरेकी छन्, जसले उनी अभिनयतर्फ पनि सक्रिय रहेको प्रमाण दिन्छ।

• अभि राई

शेर्पा समुदायले आफ्नो संस्कृतिक पर्व ग्याल्पो ल्होसार धुमधामका साथ मनाउदै छ।

तिथी अनुसार शुक्रबार परेको ग्याल्पो ल्होसार शेर्पा समुदायले यो महिना भर विभिन्न कार्यक्रम गरि मनाउने गर्दछन।

नयाँ वर्षका रूपमा शेर्पा समुदायले यो बर्ष २१५२ औं ग्याल्पो ल्होसार मनाउदै गरेका छन। मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र बराह गरी १२ वर्गमा ग्याल्पो ल्होसारलाई विभाजन गरिएको छ।

यही बीचमा शेर्पा समुदायले काठमाडौंको बौद्धमा ग्याल्पो ल्होसार मनाएका छन्। ग्याल्पो ल्होसारको अवशरमा शेर्पा समुदायले आफ्नो भेषभुषामा सजिएर हर्सोलासका साथ आफ्नो आफन्त र इष्टमित्रहरु संग भेटेर खुशी साटासाट गरेका छन्।

काठमाडौँको बौद्ध क्षेत्रमा ल्होसारको अवशरमा देखिएको केहि तस्विरहरु :