entertainment
मञ्चमा मिस मेनुका
शिल्पी थिएटरमा विश्वप्रसिद्ध फ्रान्सेली दार्शनिक तथा नाटककार झँ–पल सार्त्रको चर्चित नाटक La Putain Respectueuse (The Respectful Prostitute) को नेपाली रूपान्तरण ‘मिस मेनुका : एक संवेदनशील यौनकर्मी’ मञ्चन भईरहेको छ।
कल्पना घिमिरे नुरिस्सोँद्वारा नेपाली रूपान्तरण गरिएको नाटकलाई नेपाली सामाजिक, राजनीतिक र सांस्कृतिक परिवेशसँग जोडेर प्रस्तुत गरिएको छ। नाटकको निर्देशन पवित्रा खड्काले गरेकी छन्।
नाटकमा यौनकर्मी मेनुका बस यात्राका क्रममा एउटा घटनाको प्रत्यक्षदर्शी बन्छिन्। वास्तविक अपराधीलाई जोगाउन प्रभावशाली व्यक्तिहरूले निर्दोष व्यक्तिमाथि बलात्कार प्रयासको झुटो आरोप लगाउन उनलाई दबाब दिन्छन्। प्रहरी प्रशासन पनि उनीहरूकै पक्षमा उभिएपछि सत्य र न्यायको संघर्षको कथा अघि बढ्छ। नाटकले जातीय तथा सांस्कृतिक विभेद, लैङ्गिक असमानता, राजनीतिक भ्रष्टाचार, शक्तिको दुरुपयोग र न्यायमाथिको हस्तक्षेपजस्ता विषयलाई उठान गरेको छ।
निर्देशक पवित्रा खड्काले नाटकलाई मनोरञ्जन मात्र नभई समाजसँग संवाद गर्ने, प्रश्न उठाउने र आत्मचिन्तन गराउने माध्यमका रूपमा लिएको बताएकी छन्। उनले आफूलाई “महिला निर्देशक” भन्दा “निर्देशक” का रूपमा मूल्याङ्कन गरिदिन दर्शकसँग आग्रह गरेकी छन्।
नाटकमा सरिता गिरी (मेनुका), रूपेश मण्डल (अर्विन्द पासवान), घिमिरे युवराज (विवेक जंग शर्मा), प्रभाकर देव शर्मा (जगन्नाथ शर्मा), धनराज सुनार (सुधिर बस्नेत) र गोविन्द ओली (जनक थापा) को अभिनय रहेको छ।
‘मिस मेनुका’ साउन १३ देखि भदौ ६ गतेसम्म (मंगलबार बाहेक) शिल्पी कला समूह, बत्तीसपुतली–पुरानो बानेश्वरमा मञ्चन हुनेछ।
सन् १९४७ मा प्रकाशित सार्त्रको यो नाटक अमेरिकाको चर्चित “स्कट्सबरो भ्वाइज” घटनाबाट प्रेरित मानिन्छ। नेपाली रूपान्तरणमार्फत यसले नेपालको वर्तमान सामाजिक यथार्थसँग मेल खाने विषयवस्तुलाई दर्शकमाझ प्रस्तुत गर्ने प्रयास गरिएको शिल्पी थिएटरले जनाएको छ।
नेपाल फोटो लाइब्रेरी
जलवायु न्याय र सामुदायिक उत्थानका क्षेत्रमा काम गर्दै आएको साथसाथै फाउन्डेसनले ‘हरित उत्सवः परिवर्तनका लागि महिला नेतृत्व’ अभियान सुरु गरेको छ।
धार्मिक तथा सांस्कृतिक चाडपर्वलाई वातावरणमैत्री, दिगो र जिम्मेवार बनाउने उद्देश्यले अन्तरपुस्ता महिलावादी मञ्चको सहकार्यमा अभियान सुरु गरिएको फाउन्डेसनले जनाएको छ। अभियान शुभारम्भ कार्यक्रममा प्रतिनिधिसभाका महिला सांसद, महिला अधिकारकर्मी, सामाजिक अभियन्ता तथा विभिन्न क्षेत्रका प्रतिनिधिको सहभागिता छ।
फाउन्डेसनका अध्यक्ष प्रजिता कार्कीले पछिल्ला वर्षमा बढ्दै गएको उपभोक्तावादी संस्कृतिका कारण चाडपर्वमा आवश्यकताभन्दा बढी किनमेल गर्ने, प्लास्टिकजन्य सामग्रीको प्रयोग बढाउने र खाद्यान्न खेर फाल्ने प्रवृत्ति बढ्दै गएको बताइन्।
यस्ता अभ्यास न्यूनीकरण गर्दै परम्परा र संस्कृतिको सम्मानसहित वातावरणमैत्री ढङ्गले चाडपर्व मनाउने संस्कृति विकास गर्न अभियानले जोड दिने उनको भनाइ छ।
कार्कीका अनुसार जलवायु परिवर्तन तथा वातावरणीय समस्याको प्रत्यक्ष असर महिलामाथि पनि परिरहेको छ। त्यसैले जलवायु न्याय, लैङ्गिक समानता र वातावरण संरक्षणलाई जोड्दै महिलाको नेतृत्वमा व्यवहार परिवर्तनका अभियान सञ्चालन गर्न आवश्यक रहेको उनले बताइन्।
फाउन्डेसनले नेपालीको दैनिक जीवनशैलीमा चक्रीय अर्थतन्त्रको अवधारणा स्थापित गर्ने लक्ष्यसमेत राखेको छ। अभियानअन्तर्गत सन् २०२४ मा ‘ग्रीन तीज’ अभियान सञ्चालन गरिएको थियो। उक्त अभियानमा सहभागी महिलाले वातावरणमैत्री पर्व मनाउने पाँचबुँदे प्रतिबद्धता व्यक्त गरेका थिए।
फाउन्डेसनले जलवायु परिवर्तनको असर न्यूनीकरणका लागि नीतिगत सुधारसँगै व्यक्ति र समुदायको व्यवहार परिवर्तनमा जोड दिँदै आएको छ। संस्थाले खाद्य सङ्कट न्यूनीकरण, लैङ्गिक समानता, जल तथा स्थल जैविक विविधता संरक्षण र सरोकारवाला निकायबीच साझेदारी प्रवर्द्धनका क्षेत्रमा समेत काम गर्दै आएको जनाएको छ।
- नेपाल फोटो लाइब्रेरी
- पाकिस्तानको ब्रोड पिक हिमालमा हिमपहिरोमा परी ज्यान गुमाएका आरोहीहरूको सम्झनामा काठमाडौंमा ‘ट्रिब्युट रन ५के’ आयोजना गरिएको छ।
कपनको बालुवाखानीबाट सुरु भएको पाँच किलोमिटर दौड बौद्धस्थित बौद्धनाथ स्तुपामा पुगेर सम्पन्न भएको छ। दौडमा सहभागी आरोही, पर्वतारोहणप्रेमी, धावक तथा सर्वसाधारणले बौद्धनाथ पुगेर ब्रोड पिकमा ज्यान गुमाएका नेपाली आरोहीहरूको सम्झनामा श्रद्धाञ्जली अर्पण गरेका छन्।
कार्यक्रममा ब्रोड पिक आरोहणका क्रममा ज्यान गुमाएका निर्मल पुर्जा (निम्स) नेतृत्वको नेपाली टोलीको तस्बिरमा पुष्पगुच्छा अर्पण गर्दै श्रद्धाञ्जली व्यक्त गरिएको छ। सहभागीहरूले दिवंगत आरोहीहरूको सम्झनामा दीप प्रज्ज्वलनसमेत गरेका छन्।
आयोजकका अनुसार ‘ट्रिब्युट रन ५के’ केवल दौड प्रतियोगिता नभई हिमाल आरोहणका क्रममा ज्यान गुमाएका आरोहीप्रति सम्मान र श्रद्धा व्यक्त गर्ने उद्देश्यले आयोजना गरिएको कार्यक्रम हो। पर्वतारोहण क्षेत्रमा योगदान पुर्याएका आरोहीहरूको साहस, समर्पण र योगदानलाई स्मरण गर्दै उनीहरूको परिवारप्रति ऐक्यबद्धता जनाउन कार्यक्रम आयोजना गरिएको आयोजकको भनाइ छ।
ब्रोड पिकमा भएको हिमपहिरोमा परी नेपालीसहित विभिन्न देशका आरोहीले ज्यान गुमाएका छन्। घटनाले नेपालको पर्वतारोहण क्षेत्रमा समेत गहिरो क्षति पुर्याएको छ। दिवंगत आरोहीहरूको सम्मानमा यसअघि पनि काठमाडौंमा विभिन्न श्रद्धाञ्जली तथा दीप प्रज्ज्वलन कार्यक्रम आयोजना हुँदै आएका छन्।
कार्यक्रममा सहभागीहरूले आरोहीहरूको योगदानलाई स्मरण गर्दै हिमाल आरोहणलाई सुरक्षित, व्यवस्थित र जिम्मेवार बनाउन सम्बन्धित निकायको ध्यानाकर्षणसमेत गराएका छन्।
उनीहरूले हिमालमा हुने जोखिम न्यूनीकरण, उद्धार प्रणालीको सुदृढीकरण तथा आरोहीको सुरक्षालाई प्राथमिकतामा राख्नुपर्नेमा जोड दिएका छन्।
पाकिस्तानको ब्रोड पिक (८,०४७ मिटर) हिमालमा भएको हिमपहिरोमा ज्यान गुमाएका १० जना नेपाली तथा विदेशी आरोहीको सम्झनामा काठमाडौंको माइतीघर मण्डलमा श्रद्धाञ्जली तथा दिप प्रज्ज्वलन कार्यक्रम आयोजना गरिएको छ।
ब्रोड पिकको क्याम्प २ र क्याम्प ३ बीच करिब ७,००० मिटर उचाइमा आएको ठूलो हिमपहिरोमा परेर यो अन्तर्राष्ट्रिय टोली दुर्घटनामा परेको थियो।
कार्यक्रममा आरोहीहरूको तस्बिर, नाम र राष्ट्रिय झण्डा सहितको स्मृति ब्यानर प्रदर्शन गरिएको थियो।
श्रद्धाञ्जली अर्पण गरिएका आरोहीमा निर्मल पुर्जा ‘निम्सदाइ’, पुरबहादुर गुरूङ (युक्त), किली पेम्बा शेर्पा, निमा शेर्पा, म्वाङ थेन्दु शेर्पा, ग्यालु शेर्पा, चीनका वाङ झोङ, ओमानकी नधिरा अल हार्थी, पाकिस्तानका सोहेल शहजाद र अमेरिकाकी म्यालोरी गाइस रहेका छन्।
कार्यक्रममा किली पेम्बा शेर्पाको तस्बिरमा खादा अर्पण गर्दै दीप प्रज्ज्वलन गरी श्रद्धाञ्जली व्यक्त गरिएको थियो।
कार्यक्रमको आयोजना नेपाल नेसनल माउन्टेन गाइड एसोसिएसन, नेपाल क्लाइम्बिङ स्पोर्ट एसोसिएसन (काठमाडौं उपत्यका विशेष समिति), माउन्ट एभरेस्ट समिटर्स क्लब रोल्वालिङ–दोलखा र एभरेस्ट समिटियर्स एसोसिएसनले संयुक्त रूपमा गरेका हुन्।
-
Auto4 weeks agoअब ट्राफिक नियम तोड्न सजिलो छैन!
-
entertainment2 weeks agoनिर्माणको अन्तिम चरणमा पेप्सीकोला फुटबल ग्राउण्ड
-
entertainment2 weeks ago‘केसामी–नाम्सामी’ नाटकको पोस्टर र प्रदर्शन मिति सार्वजनिक
-
Auto3 weeks agoपोखरामा ‘बजाजको झ्याम्मै एक्सचेन्ज मेला’ सुरु
-
entertainment4 weeks agoपोखराको पुरानो विमानस्थल
-
Auto2 weeks agoयामाहाको चर्चित XSR 155 नेपाल आउँदै, ‘रेट्रो’ लुक्सले बजारमा नयाँ प्रतिस्पर्धा थप्ने
-
entertainment3 weeks ago‘पेन्सन पट्टा’को गीत ‘जुनी जाला’ सार्वजनिक
-
entertainment4 weeks agoकाठमाडौंबाट बाहिरिने बाटो खुले
You must be logged in to post a comment Login