कीर्तिपुरमा गुञ्जियो नेपथ्य

नेपाल फोटो लाइब्रेरी

काठमाडौंको कीर्तिपुरस्थित ल्याबोरेटरी स्कुलको मैदान शनिबार नेपथ्यका गीतले गुञ्जिएको छ। नेपाली सांगीतिक क्षेत्रको लोकप्रिय ब्यान्ड नेपथ्यको लाइभ कन्सर्टमा दर्शकहरू गीतसँगै झुमेका थिए।

दशैं नजिकिँदै गर्दा काठमाडौं उपत्यकामा लामो समयपछि आयोजना भएको नेपथ्यको कन्सर्टले दर्शकमा उत्साह थप्यो। गायक अमृत गुरुङको प्रस्तुतिमा नेपथ्यका चर्चित गीत गुञ्जिँदा कन्सर्टस्थलको माहोल संगीतमय बनेको थियो।

नेपथ्य नेपाली मौलिक लोकधुन, सामाजिक सन्देश र नेपालीपन झल्किने गीतका लागि परिचित छ। दशकौंदेखि नेपाली संगीतप्रेमीको मनमा बस्न सफल ब्यान्डको प्रस्तुतिमा दर्शकले भरपूर मनोरञ्जन लिए।

शनिबार कीर्तिपुरमा देखिएको यो दृश्य नेपथ्यप्रतिको दर्शकको आकर्षण र नेपाली संगीतप्रतिको प्रेमको एउटा झल्को थियो।