entertainment
विश्व फोटोग्राफी दिवसमा फोटो प्रदर्शनी
स्ट्रिटनेपाल
१८७औँ विश्व फोटोग्राफी दिवसका अवसरमा राष्ट्रिय फोटो पत्रकार समूह (एनएफपीजे) नेपाल र बंगलादेश फोटो पत्रकार संघ (बीपीजेए) को संयुक्त आयोजनामा काठमाडौंमा ‘सुन्दर बंगलादेश ’ फोटो प्रदर्शनी सम्पन्न भएको छ।
काठमाडौं दरबार क्षेत्रको वसन्तपुरमा आयोजित प्रदर्शनीमा बंगलादेशका फोटो पत्रकारहरूले क्यामेरामा कैद गरेका प्राकृतिक सौन्दर्य, संस्कृति, परम्परा, कला, जनजीवन तथा दैनिक जीवनसँग सम्बन्धित विभिन्न तस्बिर प्रदर्शन गरिएको थियो।
कार्यक्रममा स्वागत मन्तव्य व्यक्त गर्दै राष्ट्रिय फोटो पत्रकार समूह नेपालका अध्यक्ष प्रदीपराज वन्तले नेपाल र बंगलादेशका फोटो पत्रकारबीचको २१ वर्ष लामो मित्रता र सम्बन्धलाई फोटोग्राफीमार्फत थप सुदृढ बनाउने उद्देश्यले प्रदर्शनी आयोजना गरिएको बताउनुभयो।
उहाँले फोटोग्राफी शब्दभन्दा शक्तिशाली विश्वव्यापी भाषा भएको उल्लेख गर्दै एउटा उत्कृष्ट तस्बिरले मानिस, समाज, संस्कृति र देशलाई एकअर्कासँग जोड्न सक्ने बताउनुभयो। फोटोग्राफीमार्फत दुई देशबीचको पर्यटन, संस्कृति र जनस्तरको सम्बन्धलाई थप विस्तार गर्न सकिने उहाँको भनाइ थियो।
कार्यक्रमका प्रमुख अतिथि नेपालका लागि बंगलादेशका राजदूत महामहिम मोहम्मद शफिकुर रहमानले नेपाल र बंगलादेशका फोटो पत्रकारबीचको भाइचारा तथा सहकार्यले दुई देशबीचको आपसी सम्बन्ध र मित्रतालाई थप बलियो बनाउन सहयोग पुग्ने बताउनुभयो।
बंगलादेशबाट बीपीजेएका अध्यक्ष ए.के.एम. मोहसिनको नेतृत्वमा १२ जना फोटो पत्रकार नेपाल आएका छन्। कार्यक्रममा अध्यक्ष मोहसिनसहित बंगलादेशी फोटो पत्रकारहरूको सहभागिता रहेको थियो।
कार्यक्रममा बोल्दै बीपीजेएका अध्यक्ष ए.के.एम. मोहसिनले नेपालमा पाँचदिने भ्रमणका क्रममा बंगलादेशका तस्बिर प्रदर्शनी गर्न पाउँदा आफूहरू अत्यन्त खुसी भएको बताउनुभयो। नेपालका फोटो पत्रकारसँग अनुभव आदानप्रदान तथा दुई देशका फोटो पत्रकारबीचको सम्बन्ध विस्तारका लागि भ्रमण महत्वपूर्ण रहेको उहाँको भनाइ थियो।
त्यसैगरी, नेपाल पर्यटन बोर्डका कार्यकारी निर्देशक सुनील शर्माले नेपाल र बंगलादेशका फोटो पत्रकारबीचको यस्तो सहकार्यले दुई देशबीच पर्यटन तथा व्यावसायिक सम्बन्ध विस्तारमा महत्वपूर्ण भूमिका खेल्ने विश्वास व्यक्त गर्नुभयो। तस्बिरका माध्यमबाट बंगलादेशका पर्यटकीय गन्तव्य तथा सांस्कृतिक पहिचानलाई नेपालमा चिनाउने अवसर प्राप्त भएको उहाँले बताउनुभयो।
प्रदर्शनी अवलोकन गर्न सर्वसाधारण, सञ्चारकर्मी, फोटो पत्रकार, विभिन्न संघ–संस्थाका प्रतिनिधि तथा पर्यटन क्षेत्रसँग सम्बन्धित व्यक्तिहरूको उल्लेख्य सहभागिता रहेको थियो। प्रदर्शनीमा राखिएका बंगलादेशका प्राकृतिक तथा सांस्कृतिक दृश्यले दर्शकको ध्यान आकर्षित गरेको आयोजकले जनाएको छ।
विश्व फोटोग्राफी दिवसको अवसरमा आयोजित प्रदर्शनीले नेपाल र बंगलादेशका फोटो पत्रकारबीच अनुभव आदानप्रदान, पर्यटन प्रवद्र्धन, सांस्कृतिक सम्बन्ध विस्तार तथा दृश्य पत्रकारितामार्फत आपसी मित्रता सुदृढ गर्ने महत्वपूर्ण अवसर प्रदान गरेको आयोजकले जनाएको छ।
नेपाल–बंगलादेशबीचको जनस्तरको सम्बन्धलाई फोटोग्राफीमार्फत थप बलियो बनाउँदै आगामी दिनमा समेत यस्ता संयुक्त कार्यक्रमलाई निरन्तरता दिने आयोजक संस्थाले जनाएको छ।
नेपाल फोटो लाइब्रेरी
भाटभटेनी सुपरमार्केटले व्यस्त दैनिकीका कारण नियमित समयमा किनमेल गर्न नभ्याउने उपभोक्तालाई सहजता प्रदान गर्ने उद्देश्यले भक्तपुरको राधेराधे शाखाबाट २४ सै घण्टा सेवा सुरु गरेको छ।
भाटभटेनीले भदौ २ गते मंगलबारदेखि राधेराधे शाखाबाट चौबीसै घण्टा सेवा सञ्चालनमा ल्याएको हो। रात्रिकालीन समयमा समेत स्टोर सञ्चालन गर्न स्थानीय सरकार तथा सुरक्षा निकायसँग आवश्यक समन्वय गरी सेवा सुरु गरिएको भाटभटेनीले जनाएको छ।
नेपालकै ठूलो रिटेल चेनका रूपमा रहेको भाटभटेनीले २४ सै घण्टा सेवा विस्तार गर्ने क्रममा अब काठमाडौंको टंगाल र ललितपुरको कृष्णगल्ली शाखामा समेत यस्तो सेवा सञ्चालन गर्ने योजना बनाएको छ।
रात्रिकालीन समयमा समेत किनमेल गर्न सकिने भएपछि व्यस्त उपभोक्ताका साथै राति काम गर्ने तथा अन्य कारणले दिउँसो समय निकाल्न नसक्ने ग्राहकलाई समेत सहज हुने अपेक्षा गरिएको छ।
डम्मर बुढामगर/नेपाल फोटो लाइब्रेरी
प्रशासनले आपूर्ति सहज भएको दाबी गरेपनि बागलुङका उपभोक्ताले सहज रुपमा खाना पकाउने ग्यास पाउन सकेका छैनन् ।
मंगलबार मात्रै बागलुङ बजारमा एक हजार ७५ वटा ग्यास आएको छ । उक्त ग्यास १६ वटा डिलरले वितरण गरेका छन् । ग्यास डिलरमा उपभोक्ताको भिड बढेपछि प्रहरीसमेत खटाइएको थियो ।
बजारका विभिन्न ठाउँमा ग्यास लिन उपभोक्ता लाइन लागेको देखिन्थ्यो । मंगलबार बिहान ३ बजेदेखि नै उपभोक्ता लाइन लाग्न थालेका थिए । एक सिलिण्डर ग्यास पाउन तीन घण्टासम्म लाइन बस्नु परेको उपभोक्ताको गुनासो छ ।
बागलुङमा गृहलक्ष्मी, शक्ति, नेपाल, एवानलगायत ब्राण्डका ग्यास वितरण हुँदै आएको छ । प्रहरीले ग्यास कालोबजारी गरेको आरोपमा दुई साताअघि एक जनालाई पक्राउ गरेको थियो । अहिले बिक्रेताले समेत ग्यास मौज्दात राख्न छोडेका छन् । विक्रेताले उपभोक्ताको भिड बढेपछि अहिले ‘कार्ड सिस्टम’ लागु गरेका छन् ।
ललितपुर महानगरपालिकाको लगनखेलस्थित ऐतिहासिक तथा सांस्कृतिक सम्पदा ‘सप्त पाताल पोखरी’ पुनर्निर्माणपछि औपचारिक रूपमा उद्घाटन गरिएको छ। ललितपुर महानगरपालिकाका प्रमुख चिरिबाबु महर्जनले आज एक कार्यक्रमबीच पुनर्निर्मित पोखरीको उद्घाटन गर्नुभएको हो।
लामो समयसम्म अतिक्रमण र अस्तित्व संकटमा परेको यो लिच्छविकालीन पोखरी स्थानीय नागरिक, सम्पदा अभियन्ताहरूको निरन्तर खबरदारी र महानगरपालिकाको सक्रियतामा पुरानै स्वरूपमा ब्युँताइएको हो। पुनर्निर्माणसँगै पोखरीको चारैतर्फ परम्परागत शैलीको पर्खाल, फलामे बार र पाटी निर्माण गरी क्षेत्रलाई व्यवस्थित र आकर्षक बनाइएको छ।
उद्घाटन कार्यक्रममा बोल्दै नगरप्रमुख महर्जनले मासिएका ऐतिहासिक सम्पदाहरूको संरक्षण र पुनर्जीवन महानगरको प्रमुख प्राथमिकता रहेको बताउनुभयो।
रातो मच्छिन्द्रनाथ र मीननाथको जात्रा सम्पन्न भएपछि पाताल लोकसम्म सन्देश पुर्याउन माछा छोड्ने धार्मिक परम्परासँग जोडिएको यस पोखरीको पुनर्जीवनले स्थानीय संस्कृति संरक्षणका साथै यस क्षेत्रको भूमिगत पानी पुनर्भरण (Groundwater Recharge) मा समेत ठूलो योगदान पुग्ने विश्वास लिइएको छ।
-
entertainment4 weeks ago‘केसामी–नाम्सामी’ नाटकको पोस्टर र प्रदर्शन मिति सार्वजनिक
-
entertainment4 weeks agoनिर्माणको अन्तिम चरणमा पेप्सीकोला फुटबल ग्राउण्ड
-
Auto4 weeks agoयामाहाको चर्चित XSR 155 नेपाल आउँदै, ‘रेट्रो’ लुक्सले बजारमा नयाँ प्रतिस्पर्धा थप्ने
-
entertainment2 weeks agoसुकुम्बासी तमु गुरुङ विद्यार्थीलाई १ लाख ७५ हजार सहयोग
-
Art3 weeks agoकौशी थिएटरमा प्रेमकथा ‘जोलिन्’
-
Feature3 weeks agoनागढुंगा–सिस्नेखोला सुरुङमार्ग उद्घाटन
-
entertainment2 weeks agoदीपमाला ढकाल मिस नेपाल वर्ल्ड २०२६
-
entertainment3 weeks agoऐतिहासिक धरोहर रानीपोखरी ३६० डिग्री एरियल दृश्यमा
You must be logged in to post a comment Login