तमु कलाकार संघद्वारा स्यो–कैं कार्यक्रम सम्पन्न

काठमाडौँ — तमु (गुरुङ) कलाकार संघ, नेपालले तमु ल्होसार २०८२ को अवसरमा आदान–प्रदान तथा स्यो–कैं कार्यक्रम आयोजना गरेको छ।

तमु समुदायले हरेक वर्ष पुष १५ गते पुरानो ल्होको विदाइ गर्दै नयाँ ल्होको स्वागत गर्ने परम्परा अनुसार ल्होसार पर्व मनाउँदै आएको छ। त–ल्हो ल्होसारको अवसरमा आयोजना गरिएको उक्त कार्यक्रम राजधानीको गोंगबुस्थित तमु ह्युला छोँज धीं गुरुङ राष्ट्रिय परिषदको कार्यालयमा सम्पन्न भएको हो।

संघका अध्यक्ष सागर गुरुङका अनुसार तमु समुदायको मौलिक संस्कृति, कला र पहिचानको संरक्षण तथा प्रवर्द्धन गर्ने उद्देश्यले कार्यक्रम आयोजना गरिएको हो। कार्यक्रममा कलाकार, संस्कृतिकर्मी तथा समुदायका अगुवाहरूको उल्लेखनीय सहभागिता रहेको थियो।