Connect with us

entertainment

TELEGU FILM NO 1 ON TRENDING IN NEPAL

Published

on

Hindi dubbed South Indian film ‘A Aa’ is in number one on trending list in Nepal for more than two days. Trivikram directoral film ‘A Aa’ stars Nithiin, Samantha, Anupama Parameshwaran. In the history of Nepali YouTube trending list, it seems like Nepal has numerous fans of South Indian films. There will be at least one South Indian film on the trending list.


Continue Reading
Click to comment

You must be logged in to post a comment Login

Leave a Reply

entertainment

जावलाखेल पुग्यो रातो मच्छिन्द्रनाथको रथ

Published

on

वर्षा र सहकालका देवताका रूपमा पूजिने रातो मच्छिन्द्रनाथको रथ बुधबार ललितपुरको लगनखेलस्थित ठटी टोलबाट तानेर जावलाखेल पुर्‍याइएको छ।

वैशाख शुक्ल प्रतिपदादेखि सुरु भएको ऐतिहासिक रथजात्रा विभिन्न स्थान हुँदै शुभ साइतअनुसार केही दिन ठटी टोलमा रोकिएको थियो। परम्पराअनुसार अब रथ जावलाखेलको ललितमण्डपमा राखिनेछ, जहाँ भक्तजनहरूले दैनिक पूजाआजा गर्नेछन्।

रथ जावलाखेल पुगेको चार दिनपछि मनाइने भोटो जात्रा यस वर्ष असार ६ गते शनिबार हुनेछ। सो अवसरमा राष्ट्र प्रमुखको उपस्थितिमा परम्परागत रूपमा भोटो प्रदर्शन गरिनेछ।

काठमाडौं उपत्यकाको सबैभन्दा पुरानो र लामो जात्रामध्ये एक मानिने रातो मच्छिन्द्रनाथ रथजात्रा वर्षा, सहकाल र समृद्धिको कामनासहित मनाइन्छ। भोटो देखाउने कार्यक्रम सम्पन्न भएसँगै यस वर्षको जात्रा औपचारिक रूपमा समापन हुनेछ।

DCIM\107MEDIA\DJI_0428.JPG

Continue Reading

entertainment

मगर समुदायले मनाए भूम्या पर्व

Published

on

काठमाडौँको खुलामञ्चमा मगर समुदायले भूम्या पर्व मनाएको छ।

प्राकृतिक विपत्तिबाट बच्ने विश्वासका साथ प्रकृतिको पूजा गरी मनाइने यो पर्व मगर समुदायको ठूलो पर्व हो ।

पानी जमेको र घाँसपात उम्रिएको खुलामञ्चमा मगर युवायुवतीसहित सबै उमेर समूहका व्यक्तिहरु सांस्कृतिक झाँकी र मौलिक भेषभुषामा सजिएर रमेका थिए ।

आफू बसेको ठाउँको भूमि र भूमि देवताको पूजा गरेर मातृभूमिप्रति श्रद्धा र आदर प्रकट गर्नका लागि यो पर्व मनाइने गरिन्छ ।

यो पर्व मनाएपछि दैवी विपत्तिबाट जोगिने जनविश्वास छ । विगतमा मगरले मात्रै मनाउने यो पर्व अहिले अन्य जातिले समेत मनाउन थालेका छन् ।

मगर राज्य रहेको समयमा वर्षभरिको नियम, कानुन बनाउने तथा त्यसका लागि प्रतिनिधि चयन गर्ने दिनका रूपमा समेत यो पर्वलाई लिने गरिन्छ ।

उपत्यकासहित विभिन्न जिल्ला र विदेशमा समेत मगरहरुले भूम्या पर्व मनाएका छन् ।

Continue Reading

entertainment

नेपाल प्राइड परेड

Published

on

काठमाडौंमा शनिबार ‘नेपाल प्राइड परेड’ आयोजना गरिएको छ।

यौनिक तथा लैङ्गिक अल्पसङ्ख्यक समुदायले आफ्नो पहिचान, अधिकार र समानताको पक्षमा आवाज उठाउँदै गौरव र्‍याली निकालेका हुन्।

शान्ति बाटिकाबाट सुरु भएको र्‍याली खुलामञ्चमा पुगेर सम्पन्न भएको थियो। कार्यक्रममा सहभागीहरूले इन्द्रेणी झण्डा र विभिन्न सन्देश लेखिएका प्लेकार्ड प्रदर्शन गरेका थिए।

उनीहरूले समान अधिकार, भेदभावको अन्त्य, सुरक्षित जीवन र सामाजिक स्वीकार्यताको माग गरेका थिए।

परेडमा समुदायका सदस्यहरू, मानवअधिकारकर्मी, नागरिक समाजका प्रतिनिधि तथा समर्थकहरूको सहभागिता रहेको थियो। खुलामञ्चमा सांस्कृतिक कार्यक्रम र सम्बोधनसमेत गरिएको थियो।

हरेक वर्ष जुन महिनामा विश्वभर ‘प्राइड मन्थ’ मनाइन्छ। सोही अवसरमा नेपालमा पनि प्राइड परेड आयोजना गरिएको हो।

आयोजकहरूले यस्ता कार्यक्रमले यौनिक तथा लैङ्गिक विविधताप्रति सम्मान बढाउन तथा समुदायका अधिकारबारे जनचेतना फैलाउन सहयोग पुग्ने बताएका छन्।

Continue Reading

Facebook

Trending

Copyright © 2026 streetnepal.com