इन्जिनियर चरा” को अद्भुत कला

बर्खायाम सुरु भएसँगै काठमाडौँ उपत्यकामा यतिबेला तोप चराको रमाइलो चहलपहल देखिन थालेको छ। आकर्षक शैलीमा गुड बुन्ने सीपका कारण चिनिने यी चराको कला देखेर जो–कोही मोहित बन्ने गरेका छन्।

बढ्दो शहरीकरणका कारण चराचुरुङ्गी विस्थापित हुँदै गए पनि काठमाडौँको बल्खु क्षेत्रमा रहेको एक रुखमा अहिले तोप चराको ठूलो हुल गुड बनाउन व्यस्त देखिन्छ।

विशेषगरी भाले तोप चराले पोथी चरालाई आकर्षित गर्न निकै मेहनतका साथ कलात्मक गुड निर्माण गर्ने गर्छन्। हरिया घाँसका त्यान्द्रा र साना तिन्का संकलन गर्दै उनीहरू आकर्षक आकारका गुड बुन्न होडबाजीमा उत्रिएका छन्।

बर्खायामसँगै उपत्यका वरपर देखिने यी चराको गुड बनाउने कला प्रकृतिको अनुपम दृश्य बनेको छ।

तस्बिरमा हेर्नुहोस् — तोप चराको आकर्षक गुड निर्माण कला र रमाइला दृश्यहरू।