Auto
कस्तो छ ? यामाहाको एफजेडएस-एफआई हाइब्रिड’ बाइक (भिडियो)
यामाहाले नेपाली सडकमा सुहाउदो नयाँ प्रविधियुक्त एफआई हईब्रिड मोटरसाइकल नेपालमा ल्याएको छ।
नेपाली बजारमा नयाँ प्रविधिसहित आएको एफआई हईब्रिड मोटरसाइकल अहिले विशेषगरी युवा र दैनिक सहर यात्रुहरूबीच लोकप्रिय बन्दै गएको छ।
आधुनिक BS6 इन्जिन र OBD2B सिस्टमले सुसज्जित यो बाइकले कम प्रदूषण उत्सर्जन गर्दै वातावरणमैत्री सवारीको अनुभव दिन्छ। साथै, सेन्सरमा समस्या देखिएमा MIL लाइटमार्फत समयमै जानकारी दिने भएकाले यसको मर्मतसम्भार पनि सहज हुन्छ।
यस बाइकको सबैभन्दा आकर्षक पक्ष भनेको यसको माइल्ड हाइब्रिड टेक्नोलोजी हो। बाइकलाई जेरो स्पिडबाट अघि बढाउँदा सुरुका करिब ३ सेकेन्डसम्म ब्याट्रीले अतिरिक्त पावर असिस्ट दिने भएकाले पिकअप राम्रो हुन्छ र इन्जिनमा पर्ने लोड घट्छ। यही कारणले गर्दा इन्धन खपत कम भई माइलेज पनि सुधारिन्छ। कम्पनीका अनुसार, सहरको ट्राफिक अवस्थालाई ध्यानमा राख्दा यसले औसतमा करिब ५५ देखि ६५ किलोमिटर प्रतिलिटरसम्म माइलेज दिन सक्ने बताइएको छ, जुन दैनिक प्रयोगका लागि निकै किफायती मानिन्छ।
यसमा रहेको अटोमेटिक स्टप स्ट्राट सिस्टमले ट्राफिक जाम वा रेड लाइटमा रोकिने बेला इन्जिन आफैँ बन्द हुने र क्लच लिंदा आफै स्ट्राट हुन्छ , जसले अनावश्यक इन्धन खर्च घटाउँछ। त्यस्तै Traction Control System (TCS)ले चिप्लो बाटोमा टायर स्लिप हुन नदिई सुरक्षामा सहयोग पुर्याउँछ भने ईको इन्लेडिकेटरले किफायती गतिमा बाइक चलाउँदा संकेत दिई माइलेज बढाउन मद्दत गर्छ।
यसका अतिरिक्त साइलेन्ट स्ट्राट, साइड स्ट्यान्ड इन्जिन कट-अफ, र कल/मेसेज सूचना प्रणाली जस्ता स्मार्ट फिचरहरूले यसलाई अझ सुरक्षित र आधुनिक बनाएका छन्। समग्रमा, राम्रो माइलेज, आधुनिक प्रविधि र नेपाली सडकअनुकूल डिजाइनका कारण यो बाइक अहिले “भ्यालु फर मनी” विकल्पका रूपमा उभिएको देखिन्छ।
थप जानकारीको लागी भिडियो हेर्नुहोस्
Auto
यामाहाको चर्चित XSR 155 नेपाल आउँदै, ‘रेट्रो’ लुक्सले बजारमा नयाँ प्रतिस्पर्धा थप्ने
लामो समयदेखि नेपाली मोटरसाइकल पारखीहरूको प्रतीक्षामा रहेको यामाहा XSR 155 अब नेपाली बजारमा प्रवेश गर्ने तयारीमा छ। यामाहाको आधिकारिक वितरक एमएडब्लु राइड्स (MAW Rides) ले सार्वजनिक गरेको टिजरले यो ‘नियो–रेट्रो’ मोटरसाइकलको आगमन अब धेरै टाढा नरहेको संकेत दिएको छ।
नेपाली बजारमा स्पोर्ट्स र नेकेड बाइकको लोकप्रियता बढिरहेका बेला XSR 155 ले भने फरक पहिचान बनाउन खोजेको छ। क्लासिक डिजाइन र आधुनिक प्रविधिको संयोजन रहेको यो मोटरसाइकल विशेषगरी स्टाइल र प्रिमियम अनुभव खोज्ने युवा र राइडिङ पारखीलाई लक्षित गरिएको मानिन्छ।
बाइकमा गोलो एलईडी हेडलाइट, राउन्ड डिजिटल इन्स्ट्रुमेन्ट क्लस्टर, टक–एन्ड–रोल सिट र मस्कुलर फ्युल ट्याङ्की जस्ता डिजाइन एलिमेन्ट राखिएका छन्, जसले पुरानो र नयाँ शैलीलाई एकैसाथ प्रस्तुत गर्छ।
पर्फर्मेन्सका लागि यसमा R15 र MT-15 मा प्रयोग हुने १५५ सिसी VVA प्रविधियुक्त लिक्विड–कुल्ड इन्जिन जडान गरिएको छ। साथै डुअल–च्यानल ABS, असिस्ट एन्ड स्लिपर क्लच, ट्र्याक्सन कन्ट्रोल र USD फ्रन्ट फोर्क्स जस्ता आधुनिक फिचरले यसलाई आफ्नो सेग्मेन्टको आकर्षक विकल्प बनाउने अपेक्षा गरिएको छ।
कम्पनीले औपचारिक मूल्य र बिक्री मिति सार्वजनिक गरिसकेको छैन। तर, आगामी नाडा अटो शो वा चाडपर्व लक्षित गर्दै यसको बिक्री सुरु हुन सक्ने अनुमान गरिएको छ। नेपाली बजारमा यसको मूल्य करिब ५ लाख ३० हजारदेखि ५ लाख ६० हजार रुपैयाँको हाराहारीमा रहने चर्चा छ।
XSR 155 को आगमनसँगै नेपाली बजारमा ‘नियो–रेट्रो’ सेग्मेन्टमा प्रतिस्पर्धा थप चर्किने र स्टाइल, प्रविधि तथा दैनिक प्रयोगलाई सन्तुलित रूपमा खोज्ने ग्राहकका लागि नयाँ विकल्प थपिने अपेक्षा गरिएको छ।
Auto
पोखरामा ‘बजाजको झ्याम्मै एक्सचेन्ज मेला’ सुरु
पोखरामा ‘बजाजको झ्याम्मै एक्सचेन्ज मेला’ सुरु भएको छ। साउन ३ गतेदेखि ८ गतेसम्म पोखराको अमरसिंह स्कुलको खेलमैदानमा सञ्चालन भइरहेको यस मेलामा ग्राहकहरूले नागरिकताको आधारमा मात्रै बजाजका मोटरसाइकल तथा स्कुटर न्यूनतम डाउन पेमेन्टमा र ५ वर्षसम्मको फाइनान्स सुविधासहित खरिद गर्न सक्नेछन्।
कम्पनीका अनुसार मेलामा शून्य सेवा शुल्क (Zero Service Charge), अन-द-स्पट फाइनान्स, पुरानो सवारीसाधनको मूल्यांकनमा थप ७ हजार रुपैयाँसम्म अतिरिक्त भ्यालुएसन तथा आकर्षक नगद छुटको व्यवस्था गरिएको छ।
यस मेलामा कुनै पनि कम्पनीका पुराना मोटरसाइकल वा स्कुटर एक्सचेन्ज गर्न सकिनेछ। ग्राहकहरूको पुराना सवारीसाधनको उचित र उच्चतम मूल्यांकन गर्न कम्पनीले अनुभवी तथा दक्ष भ्यालुएटरको व्यवस्था गरेको जनाएको छ। मूल्यांकनपछि कम्पनीको तर्फबाट थप ७ हजार रुपैयाँसम्म बोनस भ्यालुएसन पनि उपलब्ध गराइनेछ।

कम्पनीका अनुसार यस योजनाले मोटरसाइकल खरिदका क्रममा आवश्यक पर्ने घरजग्गाको लालपुर्जा, पानी वा बिजुलीको बिल, आयस्रोत प्रमाणपत्रजस्ता कागजातको झन्झट हटाएको छ। किस्ताबन्दीमा खरिद गर्न चाहने ग्राहकले नागरिकताको आधारमा मात्र आवेदन दिएर करिब एक घण्टाभित्रै लोन स्वीकृत गराई सरल फाइनान्समार्फत सुविधा लिन सक्नेछन्।
हंसराज हुलासचन्द एण्ड कम्पनी प्रा.लि.को आयोजनामा भइरहेको यो ‘बजाज झ्याम्मै एक्सचेन्ज मेला’ नेपालकै बृहत् मोटरसाइकल एक्सचेन्ज योजनामध्ये एक भएको कम्पनीको दाबी छ।
बजाज पोखराका सञ्चालक आघोषमान बुद्धाचार्यका अनुसार मेलामा जुनसुकै कम्पनीका पुराना मोटरसाइकल वा स्कुटरको उच्चतम मूल्यांकन गरी बजाजका नयाँ मोडेल सहज रूपमा खरिद गर्न सकिनेछ। साथै, मेलाबाट बजाजको विद्युतीय स्कुटर चेतक (Chetak) पनि खरिद गर्न सकिने व्यवस्था गरिएको छ।

Auto
सुरुङमार्गमा ‘फन रन एण्ड वाक २०२६
काठमाडौं–धादिङ जोड्ने नागढुंगा सुरुङमार्गमा शनिबार बिहान ‘नागढुंगा टनेल फन रन एण्ड वाक २०२६’ आयोजना गरिएको छ।
नेपाल सरकार र जापान अन्तर्राष्ट्रिय सहयोग नियोग (JICA) को सहकार्यमा आयोजित कार्यक्रममा सर्वसाधारणलाई सुरुङमार्गभित्र दौडने र हिँड्ने विशेष अवसर प्रदान गरिएको हो।
सुरुङमार्ग निर्माण अन्तिम चरणमा पुगेको अवसर पारेर आयोजित कार्यक्रमले नेपाल–जापानबीचको मैत्रीपूर्ण सम्बन्ध तथा पूर्वाधार विकासमा भएको सहकार्यलाई उजागर गरेको छ।
कार्यक्रमस्थलमा नेपाल र जापानका राष्ट्रिय झण्डासहितको ब्यानर राखिएको थियो, जसले दुई देशबीचको दीर्घकालीन साझेदारीको सन्देश दिएको छ।











-
Art4 weeks agoरंगमञ्चमा स्यालसिंह
-
entertainment3 weeks agoकमल एक्चै मगरको ‘बाछिटा’ले जित्यो प्रथम पुरस्कार
-
Art4 weeks agoझण्डा कला महोत्सव २०८३
-
entertainment3 weeks agoलोभलाग्दो माइतीघर–बानेश्वर खण्ड
-
entertainment3 weeks agoपरम्परागत बत्तीले झिलिमिली बन्यो न्युरोड
-
entertainment3 weeks agoबत्ती जडानपछि यस्तो देखियो न्युरोड
-
Auto2 weeks agoअब ट्राफिक नियम तोड्न सजिलो छैन!
-
entertainment2 weeks agoपोखराको पुरानो विमानस्थल


You must be logged in to post a comment Login