काठमाडौं । नेपाल अटोमोबाइल्स एसोसिएसन (नाडा) ले आगामी भदौ ९ देखि १४ गतेसम्म आयोजना हुने ‘नाडा अटो शो २०२६’ का लागि स्टल बुकिङ खुला गरेको छ।

नाडाले जारी गरेको प्रेस विज्ञप्तिअनुसार अटो शोका लागि जेठ १८ गतेदेखि २६ गतेसम्म स्टल बुकिङ खुला रहनेछ।

नाडाका अनुसार अटो शोमा सवारी साधन, पार्टपुर्जा, वित्तीय सेवा तथा अटो क्षेत्रसँग सम्बन्धित विभिन्न संघ–संस्थाहरूको सहभागिता रहनेछ।

अटोमोबाइल उत्पादक, आयातकर्ता, वितरक तथा सेवा प्रदायकहरूलाई आफ्ना नवीनतम उत्पादन, प्रविधि र सेवाहरू प्रदर्शन गर्ने अवसर प्रदान गर्ने उद्देश्यले कार्यक्रम आयोजना गर्न लागिएको हो।

आयोजकले यस वर्षको अटो शोमा हजारौं आगन्तुक, उद्योग व्यवसायी, लगानीकर्ता तथा सञ्चारकर्मीहरूको सहभागिता रहने अपेक्षा गरेको जनाएको छ।

स्टल बुकिङ सम्बन्धी विस्तृत जानकारी, आवेदन प्रक्रिया, शुल्क तथा अन्य आवश्यक विवरण व्यवस्थापक कम्पनी ग्लोबल एक्सपोजिसनमार्फत प्राप्त गर्न सकिने नाडाले जनाएको छ। इच्छुक कम्पनी तथा संस्थाहरूलाई समयमै बुकिङ सुनिश्चित गरी प्रदर्शनीमा सहभागी हुन अनुरोध गरिएको छ।

जगदम्बा मोटर्सअन्तर्गत टिभिएस नेपालले आधुनिक प्रविधि र आकर्षक डिजाइनयुक्त नयाँ मोटरसाइकल टिभिएस रोनिन मोनोटोन नेपाली बजारमा ल्याउने तयारी गरेको छ।

दुई सय पच्चीस दशमलव नौ घन सेन्टिमिटर क्षमताको इन्जिन रहेको यस मोटरसाइकलमा यस वर्गमै दुर्लभ मानिने उल्टो जडान गरिएको अगाडिको सस्पेन्सन, एकल च्यानल एन्टिलक ब्रेकिङ प्रणाली, एक सय एकासी मिलिमिटर ग्राउन्ड क्लियरेन्स तथा सहायक र स्लिपर क्लच जस्ता सुविधा रहेका छन्।

यसको प्रमुख विशेषता ग्लाइड थ्रु प्रविधि हो, जसले काठमाडौँजस्ता व्यस्त सहरको जाममा एक्सिलेटर नदिई न्यून गतिमा सहज रूपमा मोटरसाइकल चलाउन मद्दत गर्छ।

त्यसैगरी, डिजिटल मिटरमा रहेको इन्धन सकिनुअघि कति दूरी पार गर्न सकिन्छ भन्ने जानकारी दिने प्रणाली ले यात्रुलाई थप सहजता प्रदान गर्छ। सबै बत्तीहरू एलइडी प्रविधिमा आधारित रहेका छन् भने आकर्षक टायर र आधुनिक बनावटले यसलाई थप विशेष बनाएको छ।

कम्पनीका अनुसार यस मोटरसाइकलले प्रतिलिटर इन्धनमा करिब ४० देखि ४५ किलोमिटरसम्म यात्रा गर्न सक्छ। आधुनिक सुविधा, आरामदायी यात्रा अनुभव र नवीन प्रविधिका कारण टिभिएस रोनिन मोनोटोन नेपाली मोटरसाइकल पारखीमाझ चर्चित बन्ने अपेक्षा गरिएको छ।

काठमाडौं । टिभीएस दुईपाङ्ग्रे सवारीसाधनको नेपालका लागि आधिकारिक वितरक जगदम्बा मोटर्सले काठमाडौंको भृकुटीमण्डपमा ‘टिभीएसमा अपग्रेड हान्नेलाई अचम्मैको डिल’ नामक विशेष मेगा इभेन्ट सुरु गरेको छ।

जेठ १३ गतेदेखि १९ गतेसम्म सञ्चालन हुने सातदिने यस इभेन्टमार्फत ग्राहकहरूले जुनसुकै ब्रान्डका पुराना मोटरसाइकल वा स्कुटर एक्सचेन्ज गरी नयाँ टिभीएस सवारी खरिद गर्न सक्ने कम्पनीले जनाएको छ।

कम्पनीका अनुसार इभेन्टको मुख्य आकर्षण एक्सचेन्ज योजना हो, जसअन्तर्गत ग्राहकहरूले आफ्नो पुरानो सवारीको आकर्षक ‘स्पट भ्यालुएसन’ प्राप्त गर्न सक्नेछन्। पुरानो सवारीको मूल्याङ्कनपछि ग्राहकले थप लाभसहित नयाँ टिभीएस मोटरसाइकल वा स्कुटर खरिद गर्ने अवसर पाउनेछन्।

त्यस्तै, ग्राहकलाई न्यूनतम कागजी प्रक्रियामै तत्काल फाइनान्स सुविधा उपलब्ध गराइने कम्पनीले जनाएको छ। नागरिकता र सवारी चालक अनुमतिपत्रका आधारमा फाइनान्स स्वीकृत हुने व्यवस्था गरिएको छ। दैनिक १३९ रुपैयाँदेखि सुरु हुने ईएमआई योजनाले ग्राहकलाई सहज किस्ताबन्दीमा नयाँ सवारी खरिद गर्न सहयोग पुग्ने कम्पनीको विश्वास छ।

इभेन्ट अवधिभर टिभीएसका विभिन्न मोडेल खरिद गर्ने ग्राहकले आकर्षक नगद छुट, निःशुल्क एसेसरिज तथा विभिन्न सरप्राइज अफरहरू समेत प्राप्त गर्न सक्नेछन्। कम्पनीले आफ्ना सबै मोडेलमा लाइफटाइम वारेन्टी सुविधा पनि उपलब्ध गराउँदै आएको छ। यस योजनामार्फत ग्राहकहरूले टिभीएस अपाचे सिरिज, टिभीएस रेडर, टिभीएस एनटर्क लगायत कम्पनीका लोकप्रिय मोटरसाइकल तथा स्कुटर मोडेलहरू खरिद गर्न सक्नेछन्।

व्यावसायिक अफरका अतिरिक्त इभेन्टलाई पारिवारिक मनोरञ्जन केन्द्रका रूपमा समेत विकास गरिएको कम्पनीले जनाएको छ। इभेन्टमा टेस्ट राइड जोन, जिमखाना राइडिङ प्रतियोगिता, गेम जोन तथा फुड स्टलहरू सञ्चालनमा रहेका छन्, जहाँ आगन्तुकहरूले विभिन्न गतिविधिमा सहभागी हुन सक्नेछन्।

जगदम्बा मोटर्सका अनुसार नेपाली ग्राहकलाई सहज, किफायती तथा आकर्षक तरिकाले नयाँ सवारीमा अपग्रेड गर्ने अवसर प्रदान गर्ने उद्देश्यले उक्त योजना सञ्चालन गरिएको हो। कम्पनीले टिभीएसका नयाँ तथा पुराना ग्राहकलाई भृकुटीमण्डपमा आयोजित इभेन्टमा सहभागी भई उपलब्ध विशेष अफरहरूको लाभ लिन आग्रह गरेको छ।