entertainment
धापाखेलमा पहिरोले घर ढलायो
ललितपुरको धापाखेलमा पहिरोले सिंगै घर ढलेको छ।
सोमबार बिहान करिब ६ बजेर ३५ मिनेटमा ललितपुर महानगरपालिका–२४ धापाखेलमा सोबित कुमार थापाको साढे दुई तले घर पहिरोले ढलेर खोलामा पुगेको हो।
अविरल वर्षाका कारण पहिरो गएको प्रहरीले जनाएको छ।
पहिरोले खोला समेत थुनिएको छ।
घरमा तीन जनाको परिवार बस्दै आएको थियो। तर, घर पहिरिन थालेपछि उनीहरू आइतबार नै आफन्तको घरमा सरेकाले मानवीय क्षति हुनबाट जोगिएको छ।
आइतबार दिउँसोदेखि नै घरको भुइँतलासँग जोडिएको ट्रसको किचन करिब २० मिटर तल खसेको थियो।
घटनापछि प्रहरी र ललितपुर महानगर प्रहरीको टोली उद्धार तथा व्यवस्थापनका लागि घटनास्थलमा खटिएको थियो ।
You must be logged in to post a comment Login