entertainment
२१ किलोभन्दा बढी सुन बरामद
काठमाडौंको बुढानीलकण्ठस्थित एक घरबाट प्रहरीले २१ किलो ७५० ग्राम सुन बरामद गरेको छ । र काठमाडौं उपत्यका अपराध अनुसन्धान कार्यालयले शुक्रबार पत्रकार सम्मेलन गरी सुनसहित पक्राउ परेका तीन चिनियाँ नागरिकलाई सार्वजनिक गरेको छ ।
पक्राउ पर्नेमा २७ वर्षीय हान फेइ, ३७ वर्षीय वाङ जियानझेन र ४७ वर्षीय झोउ लोङक्विन रहेका छन्।
प्रहरीका अनुसार उनीहरूले भाडामा लिएको घरलाई सुन प्रशोधन गर्ने स्थानका रूपमा प्रयोग गर्दै आएका थिए। प्रहरीले उक्त घरबाट सुन गाल्ने मेसिनसमेत बरामद गरेको छ ।
बरामद सुनमध्ये १० किलो ९९७ ग्राम तयारी अवस्थामा रहेको ठोस सुन र १० किलो ७५२ ग्राम अर्धठोस सुन रहेको प्रहरीले जनाएको छ।
घटनाबारे थप अनुसन्धान भइरहेको छ।
You must be logged in to post a comment Login