नेपालका लागि टिभिएस दुईपाङ्ग्रे सवारीसाधनको आधिकारिक वितरक जगदम्बा मोटर्सले नयाँ टिभिएस एनटर्क १२५ रेस एक्सपी ब्लेज ब्लु स्कुटर सार्वजनिक गरेको छ।

कम्पनीले युवा राइडरहरूलाई लक्षित गर्दै नयाँ रङको संस्करण बजारमा ल्याएको जनाएको छ।

स्कुटर सार्वजनिक कार्यक्रम बुढानीलकण्ठस्थित पार्क भिलेज रिसोर्टमा आयोजना गरिएको थियो।

जगदम्बा मोटर्सका उपाध्यक्ष दीपक रौनियारले स्कुटरको अनावरण गरेका थिए। कार्यक्रममा सञ्चारकर्मी, सामग्री सिर्जनाकर्ता, मोटरसाइकल ब्लगर, ग्राहक तथा टिभिएसका पारखीहरूको सहभागिता रहेको थियो।

कम्पनीका अनुसार नयाँ ब्लेज ब्लु संस्करणले एनटर्कलाई अझ आकर्षक र खेलाडी शैलीको बनाएको छ। ब्लेज ब्लु रङ, नयाँ चित्रांकन तथा आकर्षक डिजाइनका कारण यो स्कुटर युवा पुस्तामाझ लोकप्रिय हुने अपेक्षा गरिएको छ।

दैनिक प्रयोगसँगै शैली र उत्कृष्ट प्रदर्शन खोज्ने राइडरलाई लक्षित गरेर यो स्कुटर ल्याइएको कम्पनीले जनाएको छ।

टिभिएस एनटर्क १२५ रेस एक्सपीमा १२५ सीसी इन्जिन, रेस तथा सडक राइडिङ मोड, स्मार्ट जडान प्रविधि, आवाजमार्फत सञ्चालन हुने सुविधा तथा डिजिटल जडानजस्ता आधुनिक विशेषताहरू उपलब्ध छन्।

कम्पनीका अनुसार यसले तीव्र गति लिन सक्ने क्षमता र सहज यात्राको अनुभव प्रदान गर्छ।

स्कुटरमा प्रतिलिटर ५० किलोमिटरसम्म परीक्षण गरिएको माइलेज तथा आजीवन वारेन्टी सुनिश्चितताको सुविधा पनि उपलब्ध छ। यी सुविधाले ग्राहकलाई इन्धन बचत, भरपर्दोपन र दीर्घकालीन स्वामित्वको विश्वास प्रदान गर्ने कम्पनीको भनाइ छ।

कार्यक्रममा बोल्दै उपाध्यक्ष दीपक रौनियारले टिभिएस एनटर्कले सधैं उत्कृष्ट प्रदर्शन, प्रविधि र आकर्षक शैलीलाई प्राथमिकता दिने युवा राइडरहरूको मन जित्दै आएको बताए। नयाँ ब्लेज ब्लु संस्करणले एनटर्कको पहिचानलाई थप मजबुत बनाउने उनको भनाइ थियो।

कम्पनीले देशभर रहेका आधिकारिक टिभिएस विक्रेतामार्फत नयाँ टिभिएस एनटर्क १२५ रेस एक्सपी ब्लेज ब्लु उपलब्ध हुने जनाएको छ। ग्राहकहरूले नजिकको शोरुममा पुगेर यसको मूल्य, उपलब्धता तथा अन्य सुविधाबारे जानकारी लिन सक्नेछन्।

काठमाडौं, जेठ २४

नेपालका लागि लिपमोटर (Leapmotor) गाडीहरूको आधिकारिक वितरक शांग्रिला मोटर्स ले लिपमोटर बी१० को टप भेरियन्टको मूल्य घटाएको घोषणा गरेको छ। नयाँ कर संरचना लागू भएसँगै कम्पनीले २०२६ मोडलको बी१० टप भेरियन्टको मूल्य हालको करिब रु. ६० लाखबाट घटाएर रु. ५४ लाख ९९ हजार कायम गरेको जनाएको छ।

शांग्रिला मोटर्सका निर्देशक जय गोल्छाले मूल्य समायोजनले नेपाली ग्राहकहरूलाई अत्याधुनिक प्रविधियुक्त विद्युतीय एसयुभी अझ सहज रूपमा उपलब्ध गराउने विश्वास व्यक्त गरे। उनका अनुसार कम्पनीको लक्ष्य उच्चस्तरीय इलेक्ट्रिक मोबिलिटीलाई थप पहुँचयोग्य बनाउनु हो।

लिपमोटर बी१० आधुनिक प्रविधि, प्रिमियम आराम तथा उच्च कार्यक्षमताको संयोजन भएको इलेक्ट्रिक एसयुभी हो। यसमा करिब ६९.९ किलोवाट आवरको एलएफपी ब्याट्री, १६० किलोवाटको मोटर तथा ४२० किलोमिटरसम्मको डब्लुएलटिपी रेन्ज उपलब्ध रहेको कम्पनीले जनाएको छ। साथै, युरो एनक्याप ५ स्टार सुरक्षा रेटिङ, उन्नत चालक सहायता प्रणाली, स्मार्ट ककपिट तथा फास्ट चार्जिङ सुविधा यसका प्रमुख विशेषताहरू हुन्।

लिपमोटर विश्वव्यापी अटोमोबाइल समूह ‘स्टेलान्टिस’को रणनीतिक साझेदारीमा विस्तार भइरहेको विद्युतीय सवारी ब्रान्ड हो। कम्पनीले विश्वका विभिन्न बजारहरूमा आफ्नो उपस्थिति विस्तार गर्दै आएको छ र नेपालमा यसको आधिकारिक वितरण शांग्रिला मोटर्समार्फत भइरहेको छ।

कम्पनीका अनुसार नयाँ मूल्यले नेपाली इभी बजारमा प्रतिस्पर्धा थप बढाउने र विद्युतीय सवारी अपनाउन चाहने ग्राहकहरूलाई आकर्षित गर्ने अपेक्षा गरिएको छ।

• सुर्याम्स उप्रेती/ नेपाल फोटो लाइब्रेरी

नेपालमा अब विश्वप्रसिद्ध राइड–सेयरिङ सेवा उबर औपचारिक रूपमा सञ्चालनमा आएको छ। उबरले बिहीबारदेखि काठमाडौंमा Uber Go, Uber Comfort र Uber Bike सेवा सुरु गरेको घोषणा गरेको हो। यससँगै नेपाल एशिया–प्रशान्त (APAC) क्षेत्रको उबरको ११औँ बजार तथा दक्षिण एशियामा पछिल्लो एक दशकयता उबर प्रवेश गरेको पहिलो नयाँ बजार बनेको छ।

उबरका अनुसार नेपालमा बढ्दो डिजिटल पहुँच, शहरी यातायातको आवश्यकता र पर्यटन क्षेत्रको विस्तारलाई ध्यानमा राख्दै सेवा सुरु गरिएको हो। अब नेपाली यात्रु तथा विदेशी पर्यटकहरूले एउटै उबर एपमार्फत सहज, भरपर्दो र सुरक्षित यात्रा सेवा लिन सक्नेछन्।

उबरका APAC क्षेत्रीय महाप्रबन्धक डोमिनिक टेलरले नेपाललाई उबरको विश्वव्यापी सञ्जालमा स्वागत गर्दै यसलाई कम्पनीको विस्तार यात्राको महत्वपूर्ण कोसेढुङ्गा बताएका छन्। संस्कृति, पर्यटन तथा नागरिक उड्डयन मन्त्रालयका सचिव मुकुन्द प्रसाद निरौलाले उबरको आगमनले नेपालको पर्यटन प्रवर्द्धन र अन्तर्राष्ट्रिय पहुँचलाई थप मजबुत बनाउने विश्वास व्यक्त गरे।

त्यसैगरी भौतिक पूर्वाधार विकास मन्त्रालयका सचिव गोपाल प्रसाद सिग्देलले उबरको प्रवेशलाई आधुनिक तथा डिजिटल यातायात प्रणाली निर्माणतर्फको महत्वपूर्ण उपलब्धि भएको बताए। उबर हाल विश्वका ७० भन्दा बढी देशमा सञ्चालनमा रहेको छ।