entertainment
हङकङ पछि काठमाडौँमा चलचित्र ‘जुनकिरी’
निर्देशक दीप गुरुङ को निर्देशनमा बनेको नयाँ नेपाली चलचित्र जुन-किरी काठमाडौँमा नियमित प्रदर्शनमा आएको छ।
गुरुङ समुदायको ऐतिहासिक घाँटू परम्परा र संस्कृतिमा आधारित यस चलचित्रको यसअघि हङकङ मा प्रिमियर गरिएको थियो। हङकङमा भएको विशेष प्रदर्शनपछि चलचित्रलाई काठमाडौँको गोंगबुस्थित इन्फिनिटी थिएटर मा नियमित प्रदर्शन सुरु गरिएको हो।
बिहीबार गुरुङ समुदायसहित नेपाली चलचित्र क्षेत्रका विभिन्न व्यक्तित्वबीच चलचित्र प्रदर्शन गरिएको थियो। चलचित्र हेरेपछि दर्शकहरूले आफ्नै गाउँठाउँ, संस्कृति र परिवेशलाई पर्दामा देख्न पाउँदा निकै हर्षित भएको प्रतिक्रिया दिएका थिए।
निर्माण पक्षका अनुसार जुन-किरी को छायाङ्कन गोरखाको सिरानचोकस्थित ऐतिहासिक धार्मिक स्थल नाथ मण्डली तथा काठमाडौँका विभिन्न स्थानमा गरिएको हो। चलचित्रले काठमाडौँमा संघर्षरत एक फोटोग्राफरको जीवन र घाँटू नाचसँग जोडिएको सांस्कृतिक यात्रालाई प्रस्तुत गरेको छ।
चलचित्रमा सुरज तमु, लक्ष्मी गुरुङ, कविता आले, अनिल सुब्बा तथा डीबी गुरुङलगायत कलाकारहरूको अभिनय रहेको छ। कथा भरत राई र सुरज तमुको रहेको चलचित्रको पटकथा केर डी. कोइँच लिम्बुले तयार गरेका हुन् भने छायाङ्कन योगेश दाहालले गरेका छन्।
यो निर्देशक दीप गुरुङको दोस्रो फिचर फिल्म हो। यसअघि उनले गुरुङ संस्कृतिमै आधारित नैना निर्देशन गरेका थिए।
काठमाडौंमा बुधबारदेखि काठमाडौं अन्तर्राष्ट्रिय पर्वतीय चलचित्र महोत्सव अर्थात् किम्फको २३ औं संस्करण सुरु भएको छ। पाँच दिनसम्म चल्ने महोत्सव ठमेलस्थित क्यूएफएक्स छायाँ सेन्टरमा आयोजना भइरहेको छ।
यस वर्षको किम्फ भारतकी निर्देशक त्रिवेणी राईको चर्चित फिल्म ‘छोरा जस्तै’ अर्थात् ‘सेप अफ मोमो’ को नेपाल प्रिमियरबाट उद्घाटन गरिएको हो। महोत्सवमा २९ देशका ५० भन्दा बढी फिचर, वृत्तचित्र, छोटा तथा साहसिक फिल्म प्रदर्शन हुँदैछन्।
‘नेपाल पानोरमा’ खण्डमा नेपाली समाज र समकालीन जीवन झल्काउने फिल्महरू पनि समावेश गरिएको छ। आयोजकका अनुसार यस वर्ष मनोरञ्जनसँगै सामाजिक मुद्दामाथि गम्भीर बहस सिर्जना गर्ने उद्देश्य राखिएको छ।
महोत्सवमा ‘एलिफेन्ट्स इन द फग’, ‘शाम्बाला’ लगायतका फिल्मसँग सम्बन्धित विशेष अन्तरक्रिया, सेन्सरशिपमाथिको छलफल, जापानी फिल्म ‘क्लाइम्बिङ फर लाइफ’ को विशेष प्रदर्शन तथा युवा केन्द्रित विभिन्न कार्यक्रमहरू पनि आयोजना गरिँदैछन्।
बर्खायाम सुरु भएसँगै काठमाडौँ उपत्यकामा यतिबेला तोप चराको रमाइलो चहलपहल देखिन थालेको छ। आकर्षक शैलीमा गुड बुन्ने सीपका कारण चिनिने यी चराको कला देखेर जो–कोही मोहित बन्ने गरेका छन्।
बढ्दो शहरीकरणका कारण चराचुरुङ्गी विस्थापित हुँदै गए पनि काठमाडौँको बल्खु क्षेत्रमा रहेको एक रुखमा अहिले तोप चराको ठूलो हुल गुड बनाउन व्यस्त देखिन्छ।
विशेषगरी भाले तोप चराले पोथी चरालाई आकर्षित गर्न निकै मेहनतका साथ कलात्मक गुड निर्माण गर्ने गर्छन्। हरिया घाँसका त्यान्द्रा र साना तिन्का संकलन गर्दै उनीहरू आकर्षक आकारका गुड बुन्न होडबाजीमा उत्रिएका छन्।
बर्खायामसँगै उपत्यका वरपर देखिने यी चराको गुड बनाउने कला प्रकृतिको अनुपम दृश्य बनेको छ।
तस्बिरमा हेर्नुहोस् — तोप चराको आकर्षक गुड निर्माण कला र रमाइला दृश्यहरू।
ललितपुर स्थित आर्टूडियो इजरायली कलाकार ओहार मोरं मंकको ‘ह्वेर द वाटर फल्स’ नामक एकल कला प्रदर्शनी हुने भएको छ।
आर्टुडियो इन्टरनेशनल आर्टिस्ट रेसिडेन्सी अन्तर्गत कलाकारको काठमाडौं बसाइँका क्रममा तयार गरिएको उक्त प्रदर्शनी हुने भएको हो।
आगामी २९ मे २०२६ मा साँझ ६ बजे आर्टूडियो नेपालको पाटन विङ, नकबहिलस्थित आर्टुडियोमा प्रदर्शनीको उद्घाटन गरिने आयोजकले जनाएको छ। प्रदर्शनी सर्वसाधारणका लागि ३० मेदेखि २ जुनसम्म बिहान ११ बजेदेखि बेलुका ५ बजेसम्म खुला रहनेछ।
काठमाडौंमा गरिएको अनुसन्धान, अवलोकन र अनुभवका आधारमा विकसित प्रदर्शनीले नेपालका परम्परागत हिटी पानी प्रणाली, धार्मिक तथा सांस्कृतिक अभ्यास तथा दैनिक जीवनका अदृश्य संरचनालाई केन्द्रमा राखेको छ। प्रदर्शनीमार्फत स्मृति, भक्ति, दृश्यता र सामूहिक जिम्मेवारीजस्ता विषयलाई कलात्मक ढंगले प्रस्तुत गरिएको आयोजकको भनाइ छ।
भिडियो, इन्स्टलेसन तथा नयाँ मिडिया माध्यम प्रयोग गरी तयार गरिएका कलाकृतिहरूमा पानीलाई केवल भौतिक आवश्यकताको रूपमा नभई स्मृति, विश्वास, हेरचाह र रूपान्तरणको प्रतीकात्मक माध्यमका रूपमा चित्रण गरिएको छ। प्रदर्शनीले देखिने र नदेखिने संरचनाबीचको सम्बन्ध उजागर गर्दै समाजले कसरी सम्झन्छ, परिवर्तन गर्छ र बिर्सन्छ भन्ने प्रश्नसमेत उठाएको छ।
आर्टुडियोका अनुसार “ह्वेर द वाटर फल्स”ले परम्परा र परिवर्तनबीचको सम्बन्धलाई केन्द्रमा राख्दै सांस्कृतिक स्मृति समयसँगै कसरी निर्माण र पुनःकल्पना हुन्छ भन्ने विषयमा चिन्तन प्रस्तुत गर्छ।
प्रदर्शनी एआईआर अन्तर्गतको कलाकार आवासीय अभ्यासको परिणाम भएको जनाइएको छ। आर्टुडियोले अन्तर्राष्ट्रिय कलाकार आवास कार्यक्रमलाई नेपालको समकालीन कला क्षेत्रलाई विश्वव्यापी संवाद, अनुसन्धान र सिर्जनात्मक आदानप्रदानसँग जोड्ने दीर्घकालीन अभ्यासका रूपमा अघि बढाइरहेको जनाएको छ।
आर्टुडियोका संस्थापक तथा समकालीन कलाकार कैलाश श्रेष्ठले अन्तर्राष्ट्रिय कलाकार आवास कार्यक्रम नेपाललाई समकालीन कलाको विश्वव्यापी केन्द्रका रूपमा स्थापित गर्ने दीर्घकालीन दृष्टिकोणसँग जोडिएको बताए।
-
entertainment4 weeks agoवर्ल्ड बुक अफ रेकर्ड्स लन्डन बाट कोरियोग्राफर रोजिन शाक्य सम्मानित
-
Offbeat2 weeks agoबबरमहलको भित्तामा जीवित बनेको काठमाडौंको संस्कृति र सम्पदा
-
entertainment4 days agoबौद्ध दर्शनका गुरु यज्ञमान पतिलाई विशेष सम्मान (तस्विरहरु)
-
Auto4 weeks agoपल्सर एनएस ४०० जेड अब ३४९ सीसी इन्जिनमा
-
Feature2 weeks agoपर्यटन बोर्डलाई पाटा दीर्घकालीन सदस्यता सम्मान
-
Auto4 weeks agoनेपाली सडकमा रोयल इन्फिल्ड ‘गोवन क्लासिक ३५०’ को आगमन (तस्विरहरु)
-
entertainment4 weeks agoपिके क्याम्पसको पर्खालमा प्रतिविम्बित आदिवासी संस्कृति
-
Feature4 weeks agoईतिहास बन्यो नेपालकै पुरानो सुकुम्बासी बस्ती
You must be logged in to post a comment Login