lifestyle
चिटिक्क चक्रपथ (तस्विरहरु)
चक्रपथको कोटेश्वर-कलंकी सडक छेउछाउमा लगाइएका बोटबिरूवा अहिले हुर्केको छ।
फराकिला सडक। डिभाइडर र छेउमा हुर्किएका बोटबिरूवाले सडकको सौन्दर्य चित्ताकर्षक बनाएको छ।
केही ठाउँमा फुलेका रंगीचंगी फूलहरूले यसको सुन्दरतमा अझै मलजल गरेको देखिन्छ।
भुइँमा दुबोको हरियालीले सडकलाई थप आकर्षक देखाएको छ। यो सडकखण्ड भएर यात्रा गर्दा शान्ति र आनन्दको अनुभूति हुन्छ।
करिब १०.२ किलोमिटर लामो कोटेश्वरदेखि कलंकीसम्मको यस खण्डमा वृक्षरोपण र मर्मतसम्भारको सम्पूर्ण जिम्मेवारी एनसेलले लिएको थियो।
एनसेलले आफ्नो सामाजिक उत्तरदायित्त्व (सिएसआर) अन्तर्गत यहाँ हरियाली बनाएको हो।
ललितपुर रिङरोडको सानेपा, एकान्तकुना, सातदोबाटो, बल्खु लगायतका क्षेत्रमा पर्ने यो हरियाली सडकखण्डले सहरी सौन्दर्यलाई अझ बढाएको छ।
