Offbeat
हरि धरेलको नेतृत्वमा नेपाल क्लाइम्बिङ स्पोर्टस् एसोसियन (एनसिएसए) नयाँ कार्यसमिती
नेपाल आरोहण खेल संघ (नेपाल क्लाईम्बिङ्ग स्पोर्ट एसोसिएसन) को छैटौं अधिवेशन सनिवार काठमाडौंको बसुन्धरा स्थित गोधुली फुडल्याण्ड एन्ड इभेन्टसको सभाहलमा सम्पन्न भएको छ ।
टुरिजम स्पोर्टसमा आबद्ध रहेर काम गर्दै आएका साझा संस्था एनसिएसएको यसै अधिवेशनमार्फत् हरि धरेलको नेतृत्वमा नेपाल क्लाइम्बिङ स्पोर्टस् एसोसियन (एनसिएसए) नयाँ कार्यसमिती सर्वसम्मत नयाँ नेतृत्व समेत चयन गरेको छ।
अधिवेशनका उद्घाटन टोखा नगरपालिकाका मेयर प्रकाश अधिकरीले गरेका थिए। मेयर अधिकारीले एनसिएसएलाई आवश्यक परेमा क्लाइम्बिङ खेल सञ्चालनको लागि जग्गा उपलब्ध गराउने वाचा गरेका थिए। ‘एसोसिएसनले भूमिका दियो भने टोखामा यस खेलको लागि गराउनको लागि जग्गा उपलब्ध गराउँनेछौ। यसले टोखाको पर्यटन विकासको समेत टेवा पुग्नेछ,’ मेयर अधिकारीले भने।
कार्यक्रमका प्रमुख अतिथि राष्ट्रिय खेल्कुद परिषदका सदस्य सचिव टंक घिसिङले एउटै क्षेत्रका विभिन्न नाम गरेर संस्था राखेपमा दर्ता गर्न आएको वताउदै त्यसलाई चुस्त बनाउने उनको प्रयत्न रहेको बताए। ‘एनसिएसए नेपालको एड्भेन्चर स्पोर्टसको प्रतिनिधित्व गरेको संस्था भएकोले परिषदले यसको विकासमा पुर्णरुपमा सहयोग गर्ने बताए।’ प्रमुख अतिथि घिसिङले खेलकुद क्षेत्रका विसङ्गति र आगामी बाटोको बारेमा प्रष्ट कार्यनिति बनाई अघि बढ्न पर्ने बताएका थिए।
त्यस्तै नेपाल पर्यटन बोर्डका उपाध्यक्ष चन्द्र रिजालले यस खेलले पर्यटन विकासमा ठुलो योगदान पुर्याउने बताउँदै खेल प्रबर्द्धनको लागि सहयोग गर्न बोर्ड सदैव तयार रहेको बताए।
‘खेल जगतमा भएको उत्पीडनबारे तपाईंहरुले आजाव उठाउँदा राज्यले निषतेज गर्न सक्छ, त्यसैले तपाईंहरु एकजुट भएर अगाडि बढ्नुहोस्, म साथमा छु,’ उनले भने ।
यस्तै राष्ट्रिय खेलकुद परिषद् (राखेप)का बोर्ड सदस्य प्रकाश कुमार कुसारी(सम्राट) ले एनसीएसएको अभिभावकत्वको रुपमा राखेप रहेको बताए।
कुसारीले खेलकुद क्षेत्रको विकासको लागि निजी क्षेत्रले लगानी गर्ने वातावरण बन्दै गरेको जानकारी दिए। ‘कर्पोरेट सामाजिक उत्तरदायित्व (सिएसआर) अन्तरगत नीजी क्षेत्र, बैङ्क तथा बित्तिय सस्थाहरु सङ्ग खेलकुद अनिवार्य रुपमा लगानी गर्ने गरी कानुन बन्दै गरेको बताए । ‘त्यसको पनि राखेपले अग्रणी पहल कदमि लिने साथै आगामी आवबाट परिषदले नयाँ राष्ट्रिय प्रतियोगिता पनि सुरु गर्ने जानकारी गराए ।’
त्यस्तै बिशेष अतिथिहरु टोखा नगरपालिकाका मेयर प्रकाश अधिकारी, गोबिन्द भट्टराई (माउन्टेन स्पोर्ट्स फेडेरेशन नेपाल) थिए। अतिथिहरुमा धन बहादुर गुरुङ (नेपाल पर्वतारोहण संघ), नारायण अर्याल (राखेप), कानुन शाखा (प्रमुख), नेपाल पर्यटन वोर्डका उपाध्यक्ष चन्द्र प्रसाद रिजाल, राखेप बोर्ड सदस्य प्रकाश कुमार कुसारी, नेपाल चेस संघका उपाध्यक्ष मोनालिसा खम्बु, नेपाल क्लाईम्बिङ्ग स्पोर्ट एसोसिएसनका वागमती अध्यक्ष कल्पना महर्जन, सुदुरपष्चिम प्रदेश अध्यक्ष भरत बिक्रम शाह, कर्णाली प्रदेश अध्यक्ष लक्ष्मी भट्टराई, गण्डकी प्रदेश अध्यक्ष शेष कान्त शर्मा, हिमालयन उद्दार संघका गोबिन्द वस्याल, किप नेपालका अध्यक्ष देबि पन्त लगायतको उपस्थिती थियो।
अधिवेशनमा केन्द्रसहित सातै प्रदेशका प्रतिनिधिहरु सहभागी जनाएका थिए । नेपाल ओलम्पिक कमिटीका अध्यक्ष जीवनराम श्रेष्ठले नयाँ कार्यसमिती खादा ओढाएर बधाई तथा शुभकामना दिएका थिए । यो संघ नेपालको सहासिक खेल पर्यटन भएकोले सिंगो राष्ट्रको विशेष चासोको रुपमा हेरिेएको उनले बताए। ‘अन्तराष्ट्रिय क्षेत्रमा मान्यता दिलाउन र प्रतियोगितामा प्रतिस्पर्धा दिलाउन ओलम्पक कमिटीले सहकार्य गर्ने छ ,’ उनले बताए ।
सनिबार सम्पन्न निर्वाचनबाट अध्यक्ष हरि प्रसाद धरेल, वरिष्ठ उपाध्यक्ष रमेश पौडेल, उपाध्यक्षहरुमा सुनार बहादुर गुरुङ निर्वाचित र उपाध्यक्ष ल्हाक्पा शेर्पा
मनोनीत भएका छन । त्यस्तै महासचिवमा सन्तोष मादेन, सचिवहरु सुजित कँडेल र सन्जिब गुरुङ, कोषाध्यक्ष कान्छी डोल्मा ह्योल्मो, सहकोषाध्यक्ष प्रणिल मान श्रेष्ठ, सदस्यहरुमा अशोक लामा, रामकाजी तिवारी, डोलेन्द्र राज दाहाल, मनराज शिंखडा, राजेश धरेल, मन्जु गिरि, शिव बहादुर सापकोटा निर्वाचित भएका छन ।
नवनिर्वाचित कार्यसमितिले प्रमुख सल्लाहकारमा गोबिन्द भट्टराई र उप सल्लाहकार प्रम नारायण अधिकारी मनोनीत गरिएको छ ।
राष्ट्रिय खेलकुद संघ (राखेप) पुर्व सदस्य सचिव जीवनराम श्रेष्ठले नेपालको आरोहण खेललाई अन्तराष्ट्रीय जगतमा पुराउन नेपाल ओलम्पिक कमिटीले सक्दो सहयोग बताए। साथै नवनिर्वाचित कार्यसमितिलाई खादा तथा अविर लगाएर शुभकामना दिएका थिए ।
डम्मर बुढामगर/नेपाल फोटो लाइब्रेरी
गत आइतबार बागलुङको निसीखोलामा आएको बाढीले निसीखोला गाउँपालिका-४ झिवाखोलाको पुरानो बजार उजाड बनेको छ ।
करिब ३० वटा घर बाढीले बगाएको छ भने केही घरमा क्षति पुगेको छ ।
घरमा बाढी पसेपछि स्थानीय आश्रयविहीन बनेका छन् ।
बाढीले एउटा बोर्डिङ स्कुलसमेत क्षतिग्रस्त बनाएको छ भने झोलुङ्गे पुल पनि बगाएको छ।
स्ट्रीटनेपाल
काठमाडौंको थापागाउँस्थित मण्डला थिएटरमा सुदूरपश्चिमको भाषा, संस्कृति, लोकविश्वास र सामाजिक जीवनमा आधारित नाटक ‘श्री बिज्जो भूत : कथा सुदूरको..’ मञ्चन भइरहेको छ।
दिवस नाथको लेखन तथा बुद्धि तामाङ र आकाश नेपालीको निर्देशनमा तयार भएको नाटकले सुदूरपश्चिमको डोटेधुरा क्षेत्रको निङ्लाड गाउँमा पुस्तौंदेखि प्रचलित श्री बिज्जो भूतसम्बन्धी लोकविश्वासलाई कथाको आधार बनाएको छ।
स्थानीय जनविश्वासअनुसार श्री बिज्जो भूतको क्षेत्रमा गलत कर्म गर्ने व्यक्ति सजिलै उम्कन सक्दैन। यही विश्वासलाई केन्द्रमा राखेर नाटकले दर्शकलाई पचासको दशकतिरको सुदूरपश्चिमको सामाजिक परिवेशमा पुर्याउँछ।
तर नाटकको कथा भूत र लोकविश्वासमा मात्र सीमित छैन। रोजगारीका लागि भारत जानुपर्ने तत्कालीन बाध्यता, त्यसले परिवार र सम्बन्धमा पार्ने प्रभाव, गाउँमा बाँचेका परम्परा तथा भाषा, संगीत र संस्कृतिलाई नाटकले कथाको अभिन्न हिस्सा बनाएको छ।
नाटककी मुख्य पात्र आफ्ना बुबाको खोजीमा एक अपरिचित व्यक्तिसँग बम्बईतर्फको यात्रा तय गर्छिन्। यही यात्राका क्रममा उनले चाल्ने कदम र भोग्ने परिस्थितिले नाटकको कथालाई अघि बढाउँछ।
लेखक दिवस नाथले नाटकलाई आफ्नो गाउँठाउँको माटो, जीवनशैली, भाषा, कला, संस्कृति र पुस्तौंदेखि चलिआएका लोकपरम्पराको सानो दस्तावेजका रूपमा प्रस्तुत गरेका छन्। उनका अनुसार दर्शकले नाटक हेर्दा कथा मात्र नभई आफ्नै गाउँ, मानिस, भाषा र संस्कृतिको झल्को महसुस गर्न सकून् भन्ने उद्देश्य छ।
मण्डला थिएटरले पनि नेपाली समाजका फरक भूगोल, समुदाय र जीवनका कथालाई रंगमञ्चमा ल्याउने आफ्नो प्रयासअन्तर्गत यसपटक सुदूरपश्चिमको कथा रोजेको जनाएको छ। मण्डलाका अध्यक्ष बुद्धि तामाङका अनुसार काठमाडौंमा मात्र केन्द्रित नरही देशका विभिन्न भूगोलका कथा र कलाकारलाई रंगमञ्चसँग जोड्ने प्रयासकै निरन्तरता ‘श्री बिज्जो भूत’ हो।
नाटकमा आदित्य मिश्र, सुस्मिता कुँवर, भूमि लुहार, उमेश सुनाम, अग्नि श्री विश्वकर्मा, समृद्धि नेपाल, स्नेहा जोशी, सुशिला लुहार, दिवस नाथ, चिराग पनेरु र वर्षा भण्डारालगायत कलाकारले अभिनय गरेका छन्। सौरभ चालिसे, जीवन राई र हरिना नाथको प्रत्यक्ष संगीतले नाटकको वातावरण निर्माण गर्छ।
‘श्री बिज्जो भूत’ मण्डला थिएटर र युवा कलाकारहरूको समूह शुभकासको सहकार्यमा तयार भएको हो। शुभकासले यसलाई आफ्नो पहिलो नाटक ‘स्वन्दिश पछिको दोस्रो रंगमञ्चीय यात्रा भनेको छ।
नाटक २०८३ असोज ६ देखि २५ गतेसम्म मण्डला थिएटर, थापागाउँमा मञ्चन हुनेछ। सोमबारबाहेक हरेक दिन साँझ ५:३० बजे तथा शनिबार र आइतबार दिउँसो १:३० बजे पनि नाटक प्रदर्शन हुनेछ।
अर्जुन गाहा / नेपाल फोटो लाइब्रेरी
चार दिनसम्मको लगातार वर्षापछि पोखराको मौसम खुलेसँगै पर्यटकीय गतिविधि चलायमान हुन थालेका छन्।
मौसम सफा भएसँगै फेवातालमा नौकाविहार तथा विभिन्न पर्यटकीय स्थलको भ्रमणका साथै अन्नपूर्ण, माछापुच्छ्रे र धौलागिरि हिमशृङ्खलाको दृश्यावलोकन सहज भएको छ।
असोजदेखि सुरु हुने शरद पर्यटन सिजनसँगै पोखरामा आन्तरिक तथा बाह्य पर्यटकको आगमन बढ्ने व्यवसायीहरूको अपेक्षा छ।
-
entertainment1 week ago१२ वर्ष नेतृत्व-पुष्पा तेल्स्यो तमुको प्रेरक यात्राको कथा
-
Offbeat4 weeks agoमहाधिवेशनका लागि दुई तमु संस्थालाई अन्तराष्ट्रिय परिषद्को सहयोग
-
entertainment1 week agoतमु परिवार न्यूयोर्कद्वारा विपद् राहत कोषमा १३ लाख सहयोग
-
entertainment4 weeks agoसुनसान बन्यो नागढुंगा
-
Feature4 weeks agoयस्तो छ कृष्ण भिरको पहिरो
-
Feature4 weeks agoरसुवा बाढीका घाइते भेट्न शिक्षण अस्पताल पुगे सञ्चारमन्त्री
-
entertainment4 weeks ago‘पेन्सन पट्टा’को दोस्रो गीत ‘ऐना हेरेर कपाल कोरेर
-
entertainment4 weeks agoभरतपुरको मुटु चौविसकोठी
You must be logged in to post a comment Login