Feature
आदिवासी जनजाति महासंघ (नेफिन) को ११औँ राष्ट्रिय महाधिवेशन शुरु
प्राकृतिक स्रोत, जल, जंगल र जमिनमा आदिवासी जनजातिको अधिकार सुनिश्चित गरौँ’ भन्ने मुख्य नाराका साथ नेपाल आदिवासी जनजाति महासंघ (नेफिन) को ११औँ राष्ट्रिय महाधिवेशन आजदेखि काठमाडौँमा सुरु भएको छ।
नेपाल प्रज्ञा–प्रतिष्ठान, कमलादीमा आयोजित समारोहबीच प्रमुख अतिथि इन्द्र बानियाँले महाधिवेशनको उद्घाटन गर्नुभयो। उद्घाटनअघि भृकुटीमण्डपबाट विभिन्न जातजातिका झाँकीसहित सांस्कृतिक र्याली निकालिएको थियो।
महाधिवेशनमा देशभरका आदिवासी जनजाति समुदायका प्रतिनिधिहरूको उल्लेख्य सहभागिता रहेको आयोजकले जनाएको छ।
‘पहिचानको आधारमा प्रदेशहरूको पुनःनामाङ्कन र प्राकृतिक स्रोतमा अधिकार’ भन्ने नारासहित आयोजना गरिएको महाधिवेशनमा आदिवासी जनजातिका समसामयिक मुद्दाहरूमा छलफल हुने बताइएको छ।
नेफिनका अनुसार महाधिवेशनले आगामी दुई वर्षका लागि नयाँ नेतृत्व चयन गर्नुका साथै विभिन्न प्रस्तावहरू पारित गर्नेछ।
चैत ६ गतेसम्म सञ्चालन हुने महाधिवेशनलाई आदिवासी समुदायको हक–हित संरक्षणका लागि महत्वपूर्ण रूपमा हेरिएको छ।
त्रिशूली नदीमा आएको बाढीपछि नदीको कटानले धादिङको कृष्णभीरमा ठूलो क्षति पुर्याएको छ।
नदीले सडकको तल्लो भाग कटान गरेपछि माथिल्लो भागबाट पहिरो खसेर पृथ्वी राजमार्गको सडकखण्ड नै अवरुद्ध बनेको छ।
सडक बगेपछि अहिले कृष्णभीरको अवस्था जोखिमपूर्ण र भयावह देखिएको छ।
केही दिनदेखि यहाँबाट सवारीसाधन तथा पैदल यात्रुको आवागमनसमेत ठप्प छ। राजमार्ग अवरुद्ध हुँदा काठमाडौं–चितवन आवागमन प्रभावित बनेको छ।
सरकारले अस्थायी रूपमा नयाँ ट्र्याक खोलेर यातायात सञ्चालन गर्ने तयारी गरिरहेको छ।
प्रस्तुत तस्बिरमा बाढी र पहिरोपछि क्षतिग्रस्त कृष्णभीरको अवस्था देखिन्छ।
स्ट्रिटनेपाल
हालैको बाढीपहिरो तथा विपद्मा परी सम्पर्कविहीन भएका आफ्ना आफन्तको खोजीका लागि त्रिवि शिक्षण अस्पताल, महाराजगञ्ज परिसरमा तस्विर टाँसिएको छ।
विपद्ले प्रभावित विभिन्न क्षेत्रबाट बेपत्ता भएका परिवारजन तथा प्रियजनहरूको अवस्था अझै अज्ञात भएपछि आफन्तहरूले उनीहरूको फोटो र सम्पर्क नम्बरसहितका पर्चाहरू अस्पतालको भित्तामा टाँसेका हुन्। कतैबाट कुनै किसिमको सूचना वा जानकारी पाइन्छ कि भन्ने आशामा बेपत्ताका आफन्तहरू अहिले त्रिवि शिक्षण अस्पताल परिसरमा पुग्ने क्रम जारी राखेका छन्।
बाढी र पहिरोका कारण सडक अवरुद्ध भएपछि लामो दूरीका सवारीसाधन काठमाडौँमै होल्ड भएका छन्।
काठमाडौँ भित्रिने मुख्य सडक पृथ्वी राजमार्गअन्तर्गत धादिङको कृष्णभिरमा पहिरो खसेपछि राजमार्ग पूर्ण रूपमा अवरुद्ध छ। सडक अवरुद्ध भएपछि काठमाडौँबाट बाहिरिने लामो दूरीका बस तथा ट्रकहरू विभिन्न स्थानमा रोकिएका छन्।
काठमाडौँको कलंकीमा ट्रकहरूको लामो लाइन देखिएको छ। पृथ्वी राजमार्ग अवरुद्ध हुँदा काठमाडौँबाट बाहिरिने सवारीसाधन कलंकी क्षेत्रमा रोकिएका हुन्।
-
entertainment4 weeks agoब्रोड पिकमा ज्यान गुमाएका आरोहीको सम्झनामा ‘ट्रिब्युट रन ५के’
-
entertainment4 weeks agoललितपुरमा ‘हरित उत्सवः परिवर्तनका लागि महिला नेतृत्व’ अभियान सुरु
-
entertainment4 weeks agoविश्व आदिवासी जनजाति दिवस मनाइयो
-
Auto3 weeks agoभृकुटीमण्डपमा नाइमा मोबिलिटी एक्सपो
-
entertainment3 weeks agoलगनखेलको ऐतिहासिक सप्त पाताल पोखरी
-
entertainment2 weeks agoझिलिमिली सडक
-
entertainment2 weeks agoविश्व फोटोग्राफी दिवसमा फोटो प्रदर्शनी
-
entertainment2 weeks agoललितपुरको पर्यटनमा पिम्बहाल पोखरी
You must be logged in to post a comment Login