entertainment
पाँचौं आदिवासी जनजाति चलचित्र महोत्सव सुरु
काठमाडौं, असार ६: आदिवासी जनजाति चलचित्र महासंघको आयोजनामा पाँचौं आदिवासी जनजाति चलचित्र महोत्सव २०२५ आजदेखि चाबहिलस्थित चलचित्र विकास वोर्डमा सुरु भएको छ। ‘आदिवासी जनजाति चलचित्रको प्रबर्द्धन, मौलिक भाषा संस्कृतिको संरक्षण’ भन्ने मूल नाराका साथ सुरु भएको तीनदिने महोत्सव विभिन्न जनजातीहरुको सांस्कृतिक झाँकी बाट शुरु भएको थियो ।
नेपालको बहुभाषिक, बहुधार्मिक र बहुसांस्कृतिक पहिचानलाई चलचित्रमार्फत उजागर गर्ने उद्देश्यले यो महोत्सव आयोजना गरिएको हो। वि.सं. २०४४ सालमा नेवारी भाषाको चलचित्र ‘शिलु’ निर्माण भएयता आदिवासी जनजातीको भाषा संस्कृतिमा चलचित्र बन्न थालेको इतिहास छ।
यस महोत्सवले आदिवासी जनजातिका मौलिक कला–संस्कृति, धर्म, परम्परा र भाषाको दस्ताबेजीकरण, संरक्षण र प्रबर्द्धनका साथै पर्यटन विकासमा समेत टेवा पुर्याउने लक्ष्य राखेको छ। महोत्सवमा विभिन्न आदिवासी जनजाति समुदायका चलचित्र, वृत्तचित्र र छोटा चलचित्र प्रदर्शन गरिनेछन्।
महोत्सवमा विभिन्न विधामा उत्कृष्ट चलचित्रकर्मीलाई प्रोत्साहन पुरस्कार प्रदान गरिनेछ।
काठमाडौं, साउन १७ — नेपाल तमु गुरुङ विद्यार्थी सङ्घले सञ्चालन गरेको आर्थिक सहयोग अभियानबाट संकलित १ लाख ७५ हजार रुपैयाँ सुकुम्बासी तमु गुरुङ विद्यार्थी विश्वनाथ गुरुङ र उनको परिवारलाई हस्तान्तरण गरिएको छ।
१५ दिनसम्म सञ्चालन गरिएको अभियानबाट उठेको रकम शनिबार मित्रनगरस्थित तमु गुरुङ राष्ट्रिय परिषद्को सभाहलमा आयोजित कार्यक्रममा हस्तान्तरण गरिएको हो।
कार्यक्रममा यस वर्षको माध्यमिक शिक्षा परीक्षा (एसईई) मा ४ जीपीए ल्याएका तमु गुरुङ समुदायका १० जना विद्यार्थीलाई सम्मान गरिएको थियो। साथै, नेपाल आदिवासी जनजाति महासङ्घ संघीय परिषद्को वरिष्ठ उपाध्यक्षमा निर्वाचित नेपाल तमु गुरुङ विद्यार्थी सङ्घका पूर्वअध्यक्ष दिल तमुलाई पनि सम्मान गरिएको आयोजकले जनाएको छ।
कार्यक्रममा वक्ताहरूले शिक्षा र सामाजिक सहकार्यका माध्यमबाट विपन्न विद्यार्थीलाई सहयोग गर्ने अभियानलाई निरन्तरता दिने प्रतिबद्धता व्यक्त गरेका थिए।
दीपमाला ढकाल मिस नेपाल वर्ल्ड २०२६ घोषित भएकी छन्। ललितपुरस्थित द प्लाजा पुल्चोकमा शनिबार आयोजित ग्रान्ड फिनालेमा उनले मिस नेपाल २०२६ को मुख्य उपाधि जितेकी हुन्।
यसैगरी, आर्या निशान्त मिस नेपाल इन्टरनेशनल २०२६ र कशिश सुब्बा मिस नेपाल कोस्मो २०२६ घोषित भए। विजेताहरूले अब सम्बन्धित अन्तर्राष्ट्रिय सौन्दर्य प्रतियोगितामा नेपालको प्रतिनिधित्व गर्नेछन्।
यस वर्षको प्रतियोगितामा देशभरबाट छनोट भएका प्रतिस्पर्धीहरूबीच विभिन्न चरणको प्रतिस्पर्धापछि विजेताको घोषणा गरिएको हो।
काठमाडौंको ऐतिहासिक रानीपोखरी (न्हू पुखू) र त्यस वरपरको क्षेत्र पछिल्लो समय झन् आकर्षक देखिन थालेको छ।
३६० डिग्री एरियल दृश्यमा रानीपोखरी, घण्टाघर, त्रिचन्द्र क्याम्पस, खुलामञ्च आसपासको क्षेत्र तथा पुरानो काठमाडौंको शहरी संरचना एकै फ्रेममा मनमोहक रूपमा देख्न सकिन्छ।
२०७२ सालको भूकम्पले क्षति पुर्याएको रानीपोखरीलाई परम्परागत मल्लकालीन शिखर शैलीमा पुनःनिर्माण गरिएको हो। पुनःनिर्माणपछि सर्वसाधारणका लागि खुला गरिएको यो ऐतिहासिक सम्पदा अहिले काठमाडौं आउने आन्तरिक तथा बाह्य पर्यटकको प्रमुख आकर्षण बनेको छ।
काठमाडौं महानगरपालिकाको व्यवस्थापनमा रहेको रानीपोखरी परिसरमा बिहानदेखि साँझसम्म निःशुल्क प्रवेशको व्यवस्था छ। पोखरीको बीचभागमा रहेको ऐतिहासिक बालगोपालेश्वर मन्दिर भने वर्षमा एकपटक तिहारको भाइटीकाका दिन मात्र दर्शन तथा पूजाआजाका लागि खुला गरिन्छ।
नियमित सरसफाइ, हरियाली संरक्षण र आकर्षक प्रकाश व्यवस्थापनका कारण रानीपोखरीको सौन्दर्य अझ निखारिएको छ। ऐतिहासिक, धार्मिक तथा सांस्कृतिक महत्व बोकेको यो सम्पदा काठमाडौं उपत्यकाको प्रमुख पर्यटकीय गन्तव्यका रूपमा स्थापित हुँदै गएको छ।
-
entertainment4 weeks agoकमल एक्चै मगरको ‘बाछिटा’ले जित्यो प्रथम पुरस्कार
-
entertainment4 weeks agoलोभलाग्दो माइतीघर–बानेश्वर खण्ड
-
entertainment4 weeks agoपरम्परागत बत्तीले झिलिमिली बन्यो न्युरोड
-
Auto3 weeks agoअब ट्राफिक नियम तोड्न सजिलो छैन!
-
entertainment2 weeks ago‘केसामी–नाम्सामी’ नाटकको पोस्टर र प्रदर्शन मिति सार्वजनिक
-
entertainment3 weeks agoपोखराको पुरानो विमानस्थल
-
entertainment1 week agoनिर्माणको अन्तिम चरणमा पेप्सीकोला फुटबल ग्राउण्ड
-
Auto2 weeks agoपोखरामा ‘बजाजको झ्याम्मै एक्सचेन्ज मेला’ सुरु
You must be logged in to post a comment Login