दसैँमा पृथ्वी राजमार्गमा सवारी चाप घट्यो

बडादसैँ मनाउन काठमाडौँबाट गृहजिल्ला फर्किने यात्रुको आउजाउ जारी छ। तर, विगतका वर्षको तुलनामा यसपटक पृथ्वी राजमार्गमा सवारी चाप घटेको छ। ठूला मालवाहक गाडी कम देखिए पनि यात्रुवाहक हायस, निजी सवारीसाधन र मोटरसाइकलको आवागमन जारी छ।

दसैँका कारण सडक किनारका अधिकांश होटल तथा पसल बन्द छन्।

मलेखुका माछा होटल र बेनिघाटका स्टाफ होटलमा भने यात्रुको चहलपहल छ। राजमार्गका विभिन्न खण्डमा धुलो, हिलो र खाल्डाखुल्डीका कारण यात्रा जोखिमपूर्ण बनेको छ।

 शंकर श्रेष्ठ/नेपाल फोटो लाइब्रेरी