काठमाडौं महानगरपालिकाले सम्भावित क्षतिलाई न्यूनीकरण गर्न पूर्वतयारी थालेको छ।

बागमती नदीमा जलस्तर बढ्नुअघि नै महानगरपालिकाले डोजर प्रयोग गरी नदीको बहावमा अवरोध पुर्‍याउने माटोका ढिस्का र फोहोर हटाउन सुरु गरेको छ।

मंगलबार बिहान बल्खु क्षेत्रमा डोजरले नदीबाट माटो र फोहोर निकालिरहेको थियो। सामान्य वर्षा हुँदा पनि पानीको सतह किनारासम्म नपुगोस् भन्ने उद्देश्यले नदीलाई खेतलेर केही गहिरो बनाउने काम पनि भइरहेको छ।

गत वर्षको बर्खामा बागमती नदीले काठमाडौं उपत्यकामा ठूलो क्षति पुर्‍याएको थियो। अ
अविरल वर्षाका कारण नदीमा पानीको बहाव बढेर बल्खु, थापाथली, र युएन पार्क लगायतका तटीय क्षेत्रहरू डुबानमा परेका थिए, जसले गर्दा सडकहरू समेत जलमग्न भएका थिए।

बागमतीमा बर्खामा पानीको सतह बढ्ने र तटीय क्षेत्रहरू डुबानमा पर्ने समस्या हरेक वर्ष दोहोरिने गरेको छ।

हङकङ, – नेपाल पर्यटन बोर्डले अन्तर्राष्ट्रिय यात्रा प्रदर्शनी (आईटीई) हङकङ २०२५ मा आफ्नो समृद्ध सांस्कृतिक सम्पदा, भव्य हिमाली दृश्यहरू, र रोमाञ्चक साहसिक गतिविधिहरू प्रदर्शन गर्दै सहभागीहरूलाई आकर्षित गरिरहेको छ। १२ देखि १५ जुन २०२५ सम्म हङकङ कन्भेन्सन र प्रदर्शनी केन्द्रमा आयोजना भइरहेको यस प्रदर्शनीमा, नेपालको प्याभिलियन (बुथ ५ई-बी१०१, हल १) ले हङकङ र क्षेत्रीय पर्यटन बजारमा नेपालको प्रचारप्रसार गर्ने लक्ष्य राखेको छ।

प्रदर्शनीको एक विशेष सत्रमा, पर्यटन अपरेटर र एजेन्टहरूसँगको भेटघाटमा, नेपाल पर्यटन बोर्डका वरिष्ठ प्रबन्धक उदय भट्टराईले एक विस्तृत गन्तव्य प्रस्तुति दिनुभयो। उहाँले विश्वव्यापी पर्यटन व्यापार समुदायलाई नेपालसँग जोडिन र यसको अतुलनीय पर्यटन सम्भावनाहरूको अवलोकन गर्न हार्दिक निम्तो दिनुभयो। नेपाली प्याभिलियनले नेपालको प्राचीन जीवन्त सम्पदा, भव्य हिमाली शिखरहरू, दुर्लभ वन्यजन्तु, जीवन्त सांस्कृतिक अनुभवहरू, र विविध साहसिक गतिविधिहरूलाई आकर्षक रूपमा प्रस्तुत गरेको छ।

हङकङका लागि महावाणिज्यदूत डा. बिन्देश्वर प्रसाद लेखकले नेपाली प्याभिलियनको भ्रमण गर्नुभयो। उहाँले नेपाल पर्यटन बोर्ड र प्रदर्शनीमा सहभागी नेपाली कम्पनीहरूको प्रयासको प्रशंसा गर्दै आईटीई २०२५ मा उपलब्ध प्रचारका अवसरहरूलाई अधिकतम उपयोग गर्न प्रोत्साहन दिनुभयो।

नेपाल प्याभिलियनमा हिमालयन क्लब टुर्स एण्ड ट्राभल, पर्ल हलिडेज प्रा.लि., अल्पाइन क्लब अफ हिमालयन, कनेक्ट माइस प्रा.लि., नर्थ नेपाल ट्राभल एण्ड ट्रेक प्रा.लि., सातोरी एड्भेन्चर्स प्रा.लि., जुगल हलिडेज प्रा.लि. र क्यान्टन इन्टरनेशनल ट्राभल सर्भिस नेपाल प्रा.लि. लगायतका नेपाली पर्यटन कम्पनीहरू सहभागी छन्। उनीहरूले हङकङ र यस क्षेत्रका सम्भावित पर्यटकहरू र व्यापार साझेदारहरूसँग प्रत्यक्ष सम्बन्ध स्थापित गर्दै नेपालको पर्यटनलाई थप प्रवर्द्धन गर्ने अवसर पाएका छन्। यस प्रदर्शनीले नेपालको पर्यटनलाई अन्तर्राष्ट्रिय बजारमा थप स्थापित गर्न महत्वपूर्ण भूमिका खेल्ने अपेक्षा गरिएको छ।

राष्ट्रपति ट्रम्पको निर्णयपछि अमेरिकी सहयोग नियोग (युएसएड) का कार्यक्रमहरू बन्द हुँदा नेपालमा यस निकायले प्रयोग गर्ने सयौँ गाडी र मोटरसाइकल चोभारस्थित सुक्खा बन्दरगाहमा थन्किएका छन्।

यी सवारीसाधन प्रतिगाडी प्रतिदिन एकसय को दरले बन्दरगाहमा राखिएका छन्।

युएसएडले नेपालमा स्वास्थ्य र शिक्षाजस्ता क्षेत्रमा काम गरे पनि पछिल्लो समय धर्म परिवर्तन र राजनीतिक दाउपेचमा पनि पैसा खर्च गरेको सार्वजनिक भएको थियो। अमेरिकी नागरिकको पैसाको दुरुपयोग भएको निष्कर्षसहित राष्ट्रपति ट्रम्पले युएसएड बन्द गर्ने निर्णय गरेका थिए।

तस्बिर: नेपाल फोटो लाइब्रेरी।