entertainment
‘मिसेस नेपाल अष्ट्रेलिया २०२५’ का कोरियोग्राफरमा रोजिन शाक्य
प्रसिद्ध फेसन कोरियोग्राफर रोजिन शाक्यलाई मिसेस नेपाल अष्ट्रेलिया २०२५ का लागि आधिकारिक कोरियोग्राफर नियुक्त गरिएको छ।
हिमाली कल्चर ग्रुप मेलबर्न र इभेन्ट्स नेपाल अष्ट्रेलियाको सहकार्यमा आयोजना हुन लागेको यो अग्रगामी सौन्दर्य प्रतियोगिता अष्ट्रेलियामा बसोबास गर्ने विवाहित नेपाली महिलाको शक्ति, प्रतिभा र पहिचानलाई सम्मानित र उत्सवमय बनाउन समर्पित रहेको छ।
रोजिनको संलग्नतासँगै प्रतियोगीहरूलाई कलात्मक प्रशिक्षण र विश्वस्तरको ग्रुमिङ अनुभव दिलाउने उद्देश्य लिइएको छ। कार्यक्रमको व्यवस्थापन सीजन मिडियाले गर्नेछ, जसले १६ वर्षभन्दा बढी अनुभवसहित नेपालमा प्रतिष्ठित इभेन्ट कम्पनीको रूपमा ख्याति कमाएको छ।
करिब दुई दशक लामो सफल करिअरसहित रोजिन शाक्यलाई नेपालको सबैभन्दा सफल फेसन कोरियोग्राफरमध्ये एकका रूपमा चिनिन्छ। उनले विश्वभर १,२०० भन्दा बढी इभेन्ट कोरियोग्राफ गरेका छन्, जसमा ३०० भन्दा बढी फेसन शोहरू पर्दछन्।
उनका कार्यहरू हेरिटेज पेजेन्ट्स, मिस मरमेड सिंगापुर, मोडल सुपरस्टार मुम्बई र मिस तामाङ वर्ल्ड जस्ता अन्तर्राष्ट्रिय प्रतियोगितामा समेत प्रस्तुत भइसकेका छन्। उनको सिर्जनात्मक निर्देशन कलात्मक शुद्धता, सांस्कृतिक सचेतना र फेसन तथा व्यक्तित्व विकासलाई विश्वव्यापी स्तरमा प्रवर्द्धन गर्ने प्रतिबद्धताबाट निर्देशित हुन्छ।
फेसन क्षेत्रमा उनको योगदानलाई विभिन्न सम्मानले मान्यता दिइएको छ। सन् २०१९ मा मलेसियामा भएको इन्टरनेशनल एक्सिलेन्स अवार्डमा उनलाई आउटस्ट्यान्डिङ इन्टरनेशनल कोरियोग्राफर उपाधि दिइएको थियो। सोही वर्ष दुबईमा उनले इन्टरनेशनल फेसन कोरियोग्राफर एचिभमेन्ट अवार्ड प्राप्त गरेका थिए।
काठमाडौँमा आयोजित पेजेन्ट नेपाल फेसन एण्ड मोडल अवार्ड्समा उनलाई लेजन्डरी फेसन कोरियोग्राफरको रूपमा सम्मान गरिएको थियो भने २०२० मा फेसनफेयर अवार्डमा बेष्ट इन्टरनेशनल नेपाली फेसन कोरियोग्राफर र मोडल सङ्स अवार्डमा बेष्ट फेसन कोरियोग्राफरका रूपमा सम्मानित गरियो। यस्तै, २०२२ मा दुबईमा भएको एसियन प्रोफेशनल एचिभमेन्ट अवार्ड्समा उनलाई आइकोनिक फेसन कोरियोग्राफर घोषित गरियो भने २०२३ मा थाइल्यान्डमा भएको हेरिटेज इन्टरनेशनल अवार्डमा कोरियोग्राफर अफ द इयर उपाधि प्राप्त गरे।
फेसन क्षेत्रमा मात्र नभई रोजिन शाक्य एक परिचित सञ्चारकर्मी पनि हुन्। हाल उनी इमेज च्यानल टेलिभिजनमा नेपल भाषा (नेपाल भाषा) समाचार वाचकको रूपमा कार्यरत छन्। अनुभवसंपन्न होस्ट र एम्सीको रूपमा उनले नेपाल र विदेशमा गरी १,४०० भन्दा बढी कार्यक्रम सञ्चालन गरिसकेका छन्। शैक्षिक क्षेत्रमा पनि उनी नमुना कलेज अफ फेसन टेक्नोलोजी, आईआईएफटी र काठमाडौँ एकेडेमी अफ टुरिजम एण्ड हस्पिटालिटीमा अध्यापन गर्दै आएका छन्।
उनका शिक्षण विषयमा व्यक्तित्व विकास, कार्यक्रम व्यवस्थापन, पर्यटन सञ्चार र मिडिया पर्दछन्। यस्तै, उनी नेपाल एयरहोस्टेस एकेडेमी र फ्लाइटेक इन्टरनेशनलमा व्यक्तित्व प्रशिक्षकका रूपमा पनि संलग्न छन्।
मिसेस नेपाल अष्ट्रेलिया २०२५ को यात्राअन्तर्गत रोजिनले ३० जना छोटकरीमा छनोट भएका प्रतियोगीहरूको ग्रुमिङ र कोरियोग्राफी नेतृत्व गर्नेछन्।
उनको प्रशिक्षणमा स्टेज प्रस्तुति, रनवे सीप, प्रदर्शन संयोजन र समग्र प्रस्तुति कला समावेश हुनेछ। यो प्रतियोगिता पहिलोपटक आयोजना हुन लागेको हो, जसले अष्ट्रेलियामा बसोबास गर्ने विभिन्न पेशागत पृष्ठभूमिका नेपाली महिलालाई सहभागिता गर्न आमन्त्रण गरेको छ। यसको भव्य फाइनल कार्यक्रम २०२५ सेप्टेम्बर १३ तारिखमा मेलबर्न, अष्ट्रेलियामा हुने तय भएको छ।
विद्यालयमा पढिएको कथा अब पुस्तकका पानाबाट बाहिर निस्किएर रंगमञ्चमा जीवन्त बनेको छ।
कक्षा ८ को अनिवार्य नेपाली विषयमा समावेश दन्त्यकथा ‘स्यालसिंह’ शुक्रबारदेखि थापागाउँस्थित कुञ्ज थिएटरमा मञ्चन भइरहेको छ। एक थिएटर नेपालको प्रस्तुतिमा तयार भएको यस नाटकको परिकल्पना तथा निर्देशन तीर्थराज विश्वकर्माले गरेका हुन्।
पाठ्यपुस्तकमा पढिएको कथालाई अभिनय, संवाद, सङ्गीत, प्रकाश र आकर्षक मञ्च सजावटमार्फत दर्शकमाझ नयाँ ढंगले प्रस्तुत गरिएको छ।
कथामा सिंहको करुणाले बाँच्न पाएको एउटा स्याल, सिंहकै संरक्षणमा हुर्किएपछि देखावटी प्रतिष्ठा र झुटो शक्तिको भ्रममा पर्छ। तर अन्ततः सत्य उजागर हुन्छ र चरित्र तथा कर्म नै व्यक्तिको वास्तविक परिचय भएको सन्देश नाटकले दिन्छ।
नाटकमा सोनम तामाङ, सविन थामी, विशाल शाही, सेर्मो तामाङ, सुस्मिता गुरुङ, प्रकाश कार्की र स्काई राईले अभिनय गरेका छन्।
‘स्यालसिंह’ असार २३ गतेसम्म बुधबार बाहेक हरेक साँझ ५:३० बजे कुञ्ज थिएटरमा मञ्चन हुनेछ। साथै, प्रत्येक शनिबार दिउँसो १:३० बजे अतिरिक्त शो पनि सञ्चालन हुने आयोजकले जनाएको छ।
काठमाडौँको बबरमहलस्थित नेपाल आर्ट काउन्सिलमा एक सातासम्म चलेको ‘झण्डा कला महोत्सव २०८३’ सम्पन्न भएको छ।
नेपाली राष्ट्रिय झण्डालाई केन्द्रमा राखेर आयोजना गरिएको यस महोत्सवले कला, संस्कृति र राष्ट्रिय पहिचानलाई एउटै मञ्चमा प्रस्तुत गरेको थियो।
‘नेपाली राष्ट्रियता र संस्कृति’ भन्ने मूल नारासहित आर्ट बुमले आयोजना गरेको महोत्सवमा हजारौँ दर्शकको सहभागिता रहेको थियो।
प्रदर्शनीमा नेपाली राष्ट्रिय झण्डाको कलात्मक स्वरूपलाई विभिन्न शैलीमा चित्रण गरिएका आकर्षक कलाकृतिहरू राखिएका थिए, जसले दर्शकको विशेष ध्यान खिच्यो।
त्यसैगरी, नेपालको ऐतिहासिक सम्पदा, हिमाल, पहाड, तराई, धार्मिक स्थल, मौलिक संस्कृति र प्राकृतिक सौन्दर्यलाई समेटिएका चित्रकलाले पनि प्रदर्शनीलाई थप विशेष बनाएको थियो।
कलाकारहरूले आफ्ना सिर्जनामार्फत नेपालीपन, राष्ट्रिय एकता र सांस्कृतिक विविधतालाई जीवन्त रूपमा प्रस्तुत गरेका थिए।
आयोजकका अनुसार यो महोत्सव केवल कला प्रदर्शनी मात्र नभई नयाँ पुस्तालाई राष्ट्रिय झण्डाको महत्व, नेपाली मौलिक कला र सांस्कृतिक सम्पदाप्रति थप सचेत बनाउने प्रयास पनि हो।
एक सातासम्म सञ्चालन भएको यस महोत्सवले कला पारखी र सर्वसाधारण दुवैबाट उत्साहजनक प्रतिक्रिया पाएको आयोजकले जनाएको छ।
लितपुरको सानेपास्थित चक्रपथ क्षेत्रमा निर्माणाधीन आकाशे पुलको काम अन्तिम चरणमा पुगेको छ।
एकान्तकुना–कलङ्की सडकखण्डमा पैदलयात्रीको सुरक्षित आवतजावतका लागि निर्माण भइरहेको पुलको मुख्य संरचना निर्माण सम्पन्न भइसकेको छ भने रेलिङ, सिँढी र अन्य फिनिसिङका काम जारी रहेका छन्।
वर्षौँदेखि अलपत्र रहेको यो आयोजना पछिल्लो समय तीव्र गतिमा अघि बढाइएको हो। निर्माण कम्पनीले पुलको स्टिल संरचना जडान तथा अन्य प्रमुख प्राविधिक काम पूरा गरिसकेको जनाएको छ।
अब बाँकी रहेका साना प्राविधिक तथा सौन्दर्यकरणका काम सम्पन्न गरी सञ्चालनमा ल्याउने तयारी भइरहेको छ।
व्यस्त चक्रपथ क्षेत्रमा दैनिक हजारौँ पैदलयात्रीले सडक पार गर्नुपर्ने भएकाले पुल सञ्चालनमा आएपछि आवागमन थप सुरक्षित र सहज हुने अपेक्षा गरिएको छ।
साथै, सडकमा हुने पैदलयात्रीको चाप घटेर ट्राफिक व्यवस्थापनमा समेत सकारात्मक प्रभाव पर्ने विश्वास गरिएको छ।
-
entertainment3 weeks agoबेलायतमा क्याब्जे ग्याङ खाङ रिन्पोछेद्वारा २१ जम्भला अभिषेक तथा विशेष धर्मदेशना
-
Auto4 weeks agoलिपमोटर बी १० टप भेरियन्टको मूल्य घट्यो, अब रु. ५४ लाख ९९ हजारमा उपलब्ध
-
Auto4 weeks agoनयाँ सुविधासहितको यामाहा रे–जेडआर १२५ एफआई हाइब्रिड आकर्षक स्कुटर नेपालीबजारमा (भिडियो)
-
Auto4 weeks agoनेपालमा सुरु भयो उबर
-
Art3 days agoरंगमञ्चमा स्यालसिंह
-
Feature3 weeks agoभक्तपुरको सबैभन्दा चर्चित अधुरो भवन
-
entertainment3 weeks agoगृहमन्त्री गुरूङ र नवप्रवर्तन मन्त्री पुनले लिए शपथ
-
Feature4 weeks agoगुरुङ समुदायबाट सगरमाथा आरोहण गर्ने २३ युवा सम्मानित
You must be logged in to post a comment Login