लामो दूरीका सवारी काठमाडौँमै होल्ड

बाढी र पहिरोका कारण सडक अवरुद्ध भएपछि लामो दूरीका सवारीसाधन काठमाडौँमै होल्ड भएका छन्।

काठमाडौँ भित्रिने मुख्य सडक पृथ्वी राजमार्गअन्तर्गत धादिङको कृष्णभिरमा पहिरो खसेपछि राजमार्ग पूर्ण रूपमा अवरुद्ध छ। सडक अवरुद्ध भएपछि काठमाडौँबाट बाहिरिने लामो दूरीका बस तथा ट्रकहरू विभिन्न स्थानमा रोकिएका छन्।

काठमाडौँको कलंकीमा ट्रकहरूको लामो लाइन देखिएको छ। पृथ्वी राजमार्ग अवरुद्ध हुँदा काठमाडौँबाट बाहिरिने सवारीसाधन कलंकी क्षेत्रमा रोकिएका हुन्।