Feature
सोह्र श्राद्ध शुरु
आजबाट विधिवत सोह्रश्राद्ध शुरु भएको छ।
प्रत्येक वर्ष आश्विन कृष्ण प्रतिपदादेखि शुरू हुने सोह्र श्राद्ध अर्थात् पितृ पक्ष आजदेखि विधिवत शुरु भएको हो।
आजबाट काठमाडौं उपत्यकाका पशुपतिनाथ, गोकर्णेश्वर आदि मन्दिर नजिकका नदी किनारमा श्राद्ध गर्नेहरुको भीड लाग्छ।
काठमाडौंको पशुपतिनाथ मन्दिर परिसर (वागमती नदी किनार) मा पनि श्राद्ध गर्नेहरुको भीड रहेको छ। आज तनहुँ र चितवनको देवघाटधाम, म्याग्दीको गलेश्वर, बराहक्षेत्र, रुरु क्षेत्र लगायतका पावन भूमिमा श्राद्ध गर्नेहरुको भीड हुन्छ।
आजै प्रतिपदा र द्वितीया तिथि श्राद्ध गर्नुपर्ने पञ्चांगमा उल्लेख छ । प्रतिपदा तिथि श्राद्धको पिण्डदान अपराह्नसम्म गरिसक्नुपर्ने छ।
आश्विन कृष्ण प्रतिपदादेखि आश्विन शुक्ल प्रतिपदासम्मका सोह्रवटा तिथिमा दिवङ्गत पितृलाई तर्पण, पिण्ड र सिदादान गरिने भएकाले सोह्रश्राद्ध भनिएको हो ।
चाडपर्व, यज्ञ तथा ठूलाकार्य गर्नु अघि पितृलाई श्रद्धा भक्तिका साथ सम्झिने वैदिक सनातन हिन्दू परम्पराअनुसार सोह्रश्राद्ध गर्ने गरिएको हो । सोह्रश्राद्धमा पितृले आफ्ना सन्तानबाट तर्पण, पिण्डको आश गरिरहेका हुन्छन् भन्ने शास्त्रीय मान्यता छ।
सोह्रश्राद्ध गर्नाले पितृप्रतिको आफ्नो दायित्वबोध पूरा हुने र पितृऋणबाट पनि मुक्त मिल्ने कथन छ।
पितृ पक्ष सकिएलगत्तै बडा दशैँ शुरु हुन्छ। ठूलो चाडअघि पितृहरुलाई सन्तुष्ट पार्नु वैदिक सत्य सनातन हिन्दु धर्मावलम्वीहरुको धार्मिक मान्यता छ। जसकारण पनि आजबाट १६ दिनसम्म पितृहरुलाई तर्पण, पिण्डदान, सिधा दान गरेर सोह्रश्राद्धको समापन गरिन्छ।
नेपाल फोटो लाइब्रेरी
त्रिशुलीको बाढीले पक्की पुल बगाएपछि नुवाकोटका स्थानीयहरू नदी वारपार गर्न तुइनको भर पर्न थालेका छन्।
विदुर–१ इन्द्रायणी चौर र विदुर–९ कोलनी–गुम्बाडाँडा जोड्ने गरी भदौ १५ गते तुइन सञ्चालनमा ल्याइएको हो। अहिले यही तुइनबाट स्थानीयहरू ओहोरदोहोर गर्नुका साथै औषधि, खाद्यान्नलगायत अत्यावश्यक सामग्रीसमेत वारपार गरिरहेका छन्।
देवीघाट बजार क्षेत्रमा पनि तुइन तयार पारिएको छ। बाढीले पुल र सडक सम्पर्क टुटेका क्षेत्रमा तत्काल आवतजावत सहज बनाउन बागमती प्रदेश सरकारले स्थानीय तहसँगको समन्वयमा अन्य स्थानमा समेत तुइन निर्माण अघि बढाउने जनाएको छ।
सुर्याम्स उप्रेती/नेपाल फोटो लाईब्रेरी
सूचना तथा सञ्चारमन्त्री डा. विक्रम तिमिल्सिना रसुवा बाढीमा परी घाइते भई उपचाररत बिरामीको स्वास्थ्य अवस्था बुझ्न शिक्षण अस्पताल पुगेका छन्।
शुक्रबार महाराजगञ्जस्थित शिक्षण अस्पताल पुगेर उनले बाढीमा घाइते भएकाहरूलाई भेटेका हुन्।
मन्त्री तिमिल्सिनाले घाइतेको उपचार अवस्था, अस्पतालले उपलब्ध गराइरहेको स्वास्थ्य सेवा तथा उपचारका क्रममा देखिएका समस्या र आवश्यकताबारे चिकित्सक तथा स्वास्थ्यकर्मीसँग जानकारी लिए।
उनले उपचारमा कुनै समस्या भए त्यसबारे आवश्यक पहल गर्ने प्रतिबद्धता जनाउँदै घाइतेहरूको शीघ्र स्वास्थ्यलाभको कामना गरेका छन्।
बाढी प्रभावित क्षेत्रको स्थलगत निरीक्षण तथा प्रभावित नागरिकको अवस्था बुझ्न नेकपा एमालेका अध्यक्ष तथा पूर्वप्रधानमन्त्री केपी शर्मा ओली नुवाकोट पुगेका छन्।
ओलीले बाढी तथा नदी कटानबाट प्रभावित क्षेत्रको निरीक्षण गर्दै स्थानीयवासीसँग भेटघाट गरेका छन्।
-
entertainment4 weeks agoब्रोड पिकमा ज्यान गुमाएका आरोहीको सम्झनामा ‘ट्रिब्युट रन ५के’
-
entertainment4 weeks agoललितपुरमा ‘हरित उत्सवः परिवर्तनका लागि महिला नेतृत्व’ अभियान सुरु
-
entertainment4 weeks agoविश्व आदिवासी जनजाति दिवस मनाइयो
-
entertainment3 weeks agoलगनखेलको ऐतिहासिक सप्त पाताल पोखरी
-
Auto3 weeks agoभृकुटीमण्डपमा नाइमा मोबिलिटी एक्सपो
-
entertainment2 weeks agoझिलिमिली सडक
-
entertainment2 weeks agoविश्व फोटोग्राफी दिवसमा फोटो प्रदर्शनी
-
entertainment2 weeks agoललितपुरको पर्यटनमा पिम्बहाल पोखरी
You must be logged in to post a comment Login