Feature
BEAUTIFUL RINGROAD SECTION FROM KOTESHWOR TO KALANKI
road section between Koteshwor to Kalanki towards Lalitpur is looking very beautiful these days. The flowers and trees planted along the sides of the road have enhanced the beauty of the road. These parts of the road look very refreshing due to the colorful flowers and the green grasses on the ground. NCELL has taken the responsibility for plantation and maintenance of the 10.2-kilometer stretch of this section. NCELL has taken the responsibility to make this section green as part of its CORPORATE SOCIAL RESPONSIBILITY (CSR). So here streetnepal has brought these refreshing photos straight from Sanepa, Ekantakuna, Satdobato, and Balkhu Ring Road sections for you all.











Auto
नेपाली सडक लक्षित गर्दै रोयल इन्फिल्डको नयाँ ‘गुरिल्ला ४५०’ सार्वजनिक
रोयल इनफिल्डले नेपाली युवा र स्पोर्टी राइडिङ पारखीलाई लक्षित गर्दै नयाँ ‘गुरिल्ला ४५०’ मोटरसाइकल सार्वजनिक गरेको छ ।
सहरका व्यस्त सडकदेखि घुमाउरा राजमार्गसम्म सहज र शक्तिशाली अनुभव दिने दाबी गरिएको यो मोटरसाइकललाई कम्पनीले ‘अर्बन पर्फमेन्स रोडस्टार’को रूपमा प्रस्तुत गरेको हो ।
नयाँ गुरिल्ला ४५० मा ४५२ सिसी क्षमताको लिक्विड–कुल्ड ‘शेर्पा’ इन्जिन जडान गरिएको छ । उक्त इन्जिनले ८ हजार आरपीएममा ४० पीएस शक्ति र ५ हजार ५ सय आरपीएममा ४० एनएम टर्क उत्पादन गर्छ ।

कम आरपीएमबाटै उच्च टर्क उपलब्ध हुने भएकाले भीडभाडयुक्त सहर तथा लामो दूरीको यात्रामा समेत सहज परफर्मेन्स दिने कम्पनीको दाबी छ ।
मोटरसाइकलमा ६–स्पिड गियरबक्स, असिस्ट तथा स्लिपर क्लच, राइड–बाइ–वायर प्रविधि र ‘स्पोर्ट’ तथा ‘स्ट्रिट’ गरी दुई राइडिङ मोड उपलब्ध छन् । यसले राइडरलाई आवश्यकता अनुसार फरक अनुभव दिने बताइएको छ ।
डिजाइनतर्फ गुरिल्ला ४५० लाई आधुनिक तथा मस्कुलर शैलीमा तयार गरिएको छ । एलईडी हेडलाइट, उचालिएको साइलेन्सर, स्टेप्ड सिट, ११ लिटर क्षमताको इन्धन ट्यांकी तथा १७ इन्च ट्युबलेस टायरले यसको आकर्षण थप बढाएको छ । ४३ एमएम शोवा टेलिस्कोपिक फ्रन्ट सस्पेन्सन र मोनोशक सेटअपले खराब सडकमा समेत आरामदायी यात्रा अनुभव दिने कम्पनीले जनाएको छ ।

यसमा ४ इन्चको टीएफटी ‘ट्रिपर ड्यास’ राखिएको छ, जसमा गुगल म्याप–आधारित नेभिगेसन तथा स्मार्टफोन कनेक्टिभिटी सुविधा उपलब्ध छ । कम्पनीका अनुसार एपेक्स भेरियन्टमा थप स्पोर्टी डिजाइन तथा विशेष एक्सेसोरिज पनि समावेश गरिएको छ ।
कम्पनीले नेपालभरका आधिकारिक शोरुममार्फत गुरिल्ला ४५० को बुकिङ तथा बिक्री सुरु गरिसकेको जनाएको छ । साथै, विश्वभर रहेका ३ हजारभन्दा बढी सर्भिस सेन्टरमार्फत सेवा दिने ‘बोर्डरलेस वारेन्टी’ सुविधा पनि उपलब्ध गराइएको छ ।

Feature
पर्यटन बोर्डलाई पाटा दीर्घकालीन सदस्यता सम्मान
नेपाल पर्यटन बोर्ड लाई प्यासिफिक एसिया ट्राभल एसोसिएसन (पाटा) सँगको ६० वर्षे आबद्धता तथा योगदानको कदरस्वरूप प्रतिष्ठित “पाटा दीर्घकालीन सदस्यता सम्मान” प्रदान गरिएको छ।
उक्त सम्मान गणतन्त्र कोरियाको ग्योङ्जु तथा पोहाँग मा आयोजित पाटा वार्षिक सम्मेलन २०२६ का अवसरमा प्रदान गरिएको हो। नेपाल पर्यटन बोर्डका तर्फबाट बोर्डका निमित्त निर्देशक रोहिणीप्रसाद खनालले उक्त सम्मान ग्रहण गरेका थिए।
यस सम्मानले पाटासँग नेपाल पर्यटन बोर्डको दीर्घकालीन सहकार्य, क्षेत्रीय पर्यटन सहकार्य सुदृढीकरण, दिगो पर्यटन विकास तथा विश्व पर्यटन प्रवर्द्धनप्रतिको निरन्तर प्रतिबद्धतालाई प्रतिबिम्बित गरेको जनाइएको छ।
सम्मेलनका अवसरमा नेपालको निजी पर्यटन क्षेत्रसमेत सम्मानित भएको छ। यति ट्राभल्स लाई ६० वर्षे साझेदारीका लागि सम्मान प्रदान गरिएको थियो भने सुमन पाण्डे लाई पाटा आजीवन सदस्यका रूपमा सम्मान गरिएको छ।
उक्त सम्मानले क्षेत्रीय पर्यटन उद्योगमा नेपालको सक्रिय सहभागिता, सहकार्य तथा नेतृत्वदायी भूमिकालाई थप उजागर गरेको पर्यटन बोर्डले जनाएको छ।
पाटा वार्षिक सम्मेलन २०२६ मा एशिया–प्रशान्त क्षेत्रका पर्यटन नेतृत्वकर्ता, नीति निर्माता, विज्ञ तथा सरोकारवालाहरूको सहभागिता रहेको छ। सम्मेलनमा दिगो तथा उत्थानशील पर्यटनको भविष्यबारे व्यापक छलफल भइरहेको बताइएको छ।
Feature
शहरको भीडबीच सुस्ताउने ठाउँ शंख पार्क
काठमाडौंको धुम्बाराहीस्थित शंख पार्क राजधानीका पुराना तथा आकर्षक सार्वजनिक पार्कहरूमध्ये एक मानिन्छ ।
चक्रपथसँगै रहेको यो पार्क करिब २२ रोपनी क्षेत्रफलमा फैलिएको छ । हरियाली वातावरण, विभिन्न फूल तथा बोटबिरुवाले सजिएको पार्क शहरको व्यस्त जीवनबीच केही समय विश्राम लिन चाहनेका लागि उपयुक्त गन्तव्य बनेको छ ।

वि.सं. २०४३ सालमा तत्कालीन पञ्चायत व्यवस्थाको रजत जयन्तीको अवसरमा “पञ्चायत रजत जयन्ती पार्क” का रूपमा निर्माण गरिएको यो पार्क २०४६ सालमा प्रजातन्त्र पुनर्स्थापनापछि “शंख पार्क” नामले पुनः नामाकरण गरिएको हो ।
हाल शंख पार्क केवल घुमफिर गर्ने स्थान मात्र नभई विभिन्न सामाजिक तथा सांस्कृतिक गतिविधिको केन्द्रसमेत बनेको छ । यहाँ पिकनिक, भेटघाट, साना कार्यक्रम आयोजना गरिनुका साथै फिल्म, म्युजिक भिडियो तथा फोटोसुटका लागि पनि प्रयोग हुने गरेको छ ।
व्यस्त शहरी वातावरणको बीचमा रहेको यो पार्क बिहान–साँझ घुम्न आउने सर्वसाधारण, परिवार तथा युवापुस्ताको आकर्षणको केन्द्र बनेको देखिन्छ । हरियाली र खुला वातावरणका कारण शंख पार्क काठमाडौं महानगरभित्रको एक महत्वपूर्ण सार्वजनिक विश्रामस्थलका रूपमा परिचित छ ।

-
entertainment1 week agoहङकङ पछि काठमाडौँमा चलचित्र ‘जुनकिरी’
-
entertainment2 weeks agoवर्ल्ड बुक अफ रेकर्ड्स लन्डन बाट कोरियोग्राफर रोजिन शाक्य सम्मानित
-
Auto4 weeks agoविश्वप्रसिद्ध राइड–सेयरिङ सेवा उवर नेपाल आउँदै
-
entertainment3 weeks agoफरक खालको नाटक ग्राण्ड रिहर्सल
-
Auto4 weeks agoरोयल एन्फिल्डको ‘२०२६ एडिसन गोवन क्लासिक ३५०’ नेपालमा सार्वजनिक
-
Auto2 weeks agoपल्सर एनएस ४०० जेड अब ३४९ सीसी इन्जिनमा
-
Feature3 weeks agoकाठमाडौं उपत्यकामा वायु प्रदूषण
-
Feature4 weeks agoबल्खु चोक: सडक, बजार र शिक्षाको केन्द्र


You must be logged in to post a comment Login