Model : Jharna Gurung
ललितपुर महानगरपालिकाको लगनखेलस्थित ऐतिहासिक तथा सांस्कृतिक सम्पदा ‘सप्त पाताल पोखरी’ पुनर्निर्माणपछि औपचारिक रूपमा उद्घाटन गरिएको छ। ललितपुर महानगरपालिकाका प्रमुख चिरिबाबु महर्जनले आज एक कार्यक्रमबीच पुनर्निर्मित पोखरीको उद्घाटन गर्नुभएको हो।
लामो समयसम्म अतिक्रमण र अस्तित्व संकटमा परेको यो लिच्छविकालीन पोखरी स्थानीय नागरिक, सम्पदा अभियन्ताहरूको निरन्तर खबरदारी र महानगरपालिकाको सक्रियतामा पुरानै स्वरूपमा ब्युँताइएको हो। पुनर्निर्माणसँगै पोखरीको चारैतर्फ परम्परागत शैलीको पर्खाल, फलामे बार र पाटी निर्माण गरी क्षेत्रलाई व्यवस्थित र आकर्षक बनाइएको छ।
उद्घाटन कार्यक्रममा बोल्दै नगरप्रमुख महर्जनले मासिएका ऐतिहासिक सम्पदाहरूको संरक्षण र पुनर्जीवन महानगरको प्रमुख प्राथमिकता रहेको बताउनुभयो।
रातो मच्छिन्द्रनाथ र मीननाथको जात्रा सम्पन्न भएपछि पाताल लोकसम्म सन्देश पुर्याउन माछा छोड्ने धार्मिक परम्परासँग जोडिएको यस पोखरीको पुनर्जीवनले स्थानीय संस्कृति संरक्षणका साथै यस क्षेत्रको भूमिगत पानी पुनर्भरण (Groundwater Recharge) मा समेत ठूलो योगदान पुग्ने विश्वास लिइएको छ।
काठमाडौँको भृकुटीमण्डपमा नाइमा मोबिलिटी एक्सपो जारी छ।
एक्सपोमा विभिन्न ब्रान्डका नयाँ मोटरसाइकल, स्कुटर, कार र एसयूभी प्रदर्शनमा राखिएका छन्। नयाँ मोडल र अत्याधुनिक प्रविधिका सवारी हेर्न दैनिक हजारौँ दर्शक एक्सपोमा पुगिरहेका छन्।
विशेषगरी विद्युतीय सवारीतर्फ दर्शकको आकर्षण बढी देखिएको छ। ब्याट्री क्षमता, रेन्ज, सुरक्षा फिचर्स र मूल्यबारे धेरैले जानकारी लिइरहेका छन्।
एक्सपोमा कम्पनीहरूले विशेष छुट, बुकिङ अफर र फाइनान्सको सुविधा पनि दिएका छन्।
स्ट्रीटनेपाल
अन्तर्राष्ट्रिय आदिवासी जनजाति दिवस’को अवसरमा काठमाडौँको खुल्लामञ्चमा विशेष सांस्कृतिक कार्यक्रम तथा सभा आयोजना गरिएको छ।
नेपाल आदिवासी जनजाति महासंघ (नेफिन) को अग्रेसरतामा आयोजित उक्त कार्यक्रममा काठमाडौँ उपत्यकाका विभिन्न स्थानबाट विभिन्न जनजातिका परम्परागत पोशाक, बाजागाजा र सांस्कृतिक झाँकीहरूसहितको र्याली खुल्लामञ्च पुगेर सभामा परिणत भएको थियो।
कार्यक्रममा गुरुङ, मगर, नेवार, तामाङ, राई, लिम्बू, शेर्पा, थारुलगायतका विभिन्न समुदायले आ-आफ्नो परम्परागत लोकनृत्य र संस्कृति प्रदर्शन गरेका थिए। सो अवसरमा वक्ताहरूले मातृभाषामा शिक्षा, जल-जंगल-जमिनमाथिको अधिकार र संविधानमा उल्लेखित पहिचान तथा अधिकारको पूर्ण कार्यान्वयन हुनुपर्नेमा जोड दिएका छन्।
-
entertainment4 weeks ago‘केसामी–नाम्सामी’ नाटकको पोस्टर र प्रदर्शन मिति सार्वजनिक
-
entertainment3 weeks agoनिर्माणको अन्तिम चरणमा पेप्सीकोला फुटबल ग्राउण्ड
-
Auto4 weeks agoपोखरामा ‘बजाजको झ्याम्मै एक्सचेन्ज मेला’ सुरु
-
Auto4 weeks agoयामाहाको चर्चित XSR 155 नेपाल आउँदै, ‘रेट्रो’ लुक्सले बजारमा नयाँ प्रतिस्पर्धा थप्ने
-
entertainment4 weeks agoनेपालकै पहिलो ‘स्मार्ट सेफ्टी ब्यारेड’
-
entertainment4 weeks ago‘जिउँदो आकाश’को नियमित मञ्चन सुरु
-
entertainment4 weeks agoपशुपतिनाथमा भक्तजनको घुइँचो
-
entertainment2 weeks agoसुकुम्बासी तमु गुरुङ विद्यार्थीलाई १ लाख ७५ हजार सहयोग