entertainment
नयाँ प्रविधि सहित फेरी खुल्यो जय नेपाल हल
काठमाडौंको हात्तिसारस्थित ऐतिहासिक जय नेपाल चलचित्र हल पुनः सञ्चालनमा आएको छ।
करिब ७५ वर्ष पुरानो इतिहास बोकेको यो हल केही वर्षदेखि बन्द अवस्थामा थियो भने कोभिडपछि झन्डै खण्डहरजस्तै बनेको थियो। अब भने नयाँ पुस्ताका युवाहरूको पहलमा आधुनिक सुविधासहित यसलाई नयाँ स्वरूपमा पुनर्जीवित गरिएको छ।
वि.सं. २००९ सालतिर स्थापना भएको मानिने जय नेपाल नेपाली चलचित्र संस्कृतिको महत्वपूर्ण प्रतीकका रूपमा परिचित छ। दरबारमार्ग र नारायणहिटी संग्रहालय नजिक रहेको यो हलले दशकौँसम्म नेपाली दर्शकलाई मनोरञ्जन प्रदान गरेको थियो।
हलका निर्देशक संजय श्रेष्ठका अनुसार पुरानो इतिहास र सांस्कृतिक विरासत जोगाउने उद्देश्यले हलको पुनःनिर्माण गरिएको हो। अहिले यहाँ आधुनिक साउण्ड सिस्टम, आरामदायी सिट, सहज पार्किङ र सुरक्षित संरचना जस्ता सुविधा थपिएका छन्। युरोपबाट ल्याइएको अत्याधुनिक साउण्ड सिस्टमले दर्शकलाई उत्कृष्ट चलचित्र अनुभव दिने दाबी गरिएको छ।
हलका अर्का सञ्चालक हरिकृष्ण श्रेष्ठले जय नेपाल केवल चलचित्र हेर्ने स्थान नभई नेपाली समाजको सम्झना र इतिहास बोकेको धरोहर भएकाले यसको संरक्षण आवश्यक रहेको बताए। पहिलेको ‘स्पेशल’ र ‘बाल्कोनी’ संस्कृतिलाई अहिले ‘गोल्ड’ र ‘प्लाटिनम’ सिटमार्फत नयाँ पुस्तासामु प्रस्तुत गरिएको छ।
दुई तले संरचना रहेको जय नेपाल हल अहिले नेपालमा दुर्लभ मानिने पुराना सिनेमाघरमध्ये एक हो। साथै, हलभित्र नेपाली उत्पादनलाई प्राथमिकता दिँदै स्थानीय ब्रान्डका सामग्रीसमेत राखिएका छन्।
सञ्चालकहरूले नयाँ पुस्ताका युवालाई यहाँ आएर पुरानो समयको सिनेमाघरको अनुभव लिन आग्रह गरेका छन्। पुरानो पुस्ताको सम्झना र नयाँ प्रविधिको संयोजन बनेको जय नेपाल हल फेरि एकपटक नेपाली चलचित्र संस्कृतिको जीवित इतिहासका रूपमा स्थापित हुने अपेक्षा गरिएको छ।\
स्ट्रिटनेपाल
तमु धीँ यूकेले बेलायतमा आयोजना गरेको यस वर्षको नेपाली मेलाबाट उठेको रकम नेपालका बाढीपीडितलाई सहयोग गर्ने भएको छ।
तमु धीँ यूकेले नेपाली मेलाबाट संकलित रकमसँगै संस्थाको बचत तथा कार्यसमिति र सल्लाहकारहरूको सहयोगबाट जुटेको रकम प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको हो।
तमु धीँ यूकेका उपाध्यक्ष तथा नेपाली मेला संयोजक कमल कोने गुरुङका अनुसार नेपालमा हालै आएको विनाशकारी बाढीबाट प्रभावितहरूलाई सहयोग गर्ने उद्देश्यले उक्त रकम कोषमा पठाउन लागिएको हो।
‘हाम्रो संस्कृति, हाम्रो पहिचान, हाम्रो गौरव’ भन्ने नाराका साथ तमु धीँ यूकेले हरेक वर्ष नेपाली मेला आयोजना गर्दै आएको छ। बेलायतमा रहेका नेपालीहरूको उत्साहजनक सहभागिता रहने यस वर्षको मेलामा पनि हजारौँ नेपाली सहभागी भएका थिए।
मेलाबाट संकलित रकमसँगै स्वयंसेवक, कार्यसमिति सदस्य तथा सल्लाहकारहरूबाट प्राप्त हुने आर्थिक सहयोगसमेत बाढीपीडितको राहतका लागि प्रधानमन्त्री दैवी प्रकोप उद्धार कोषमा जम्मा गरिने संयोजक गुरुङले बताए।
नेपाली चलचित्र ‘पेन्सन पट्टा’को ट्रेलर सार्वजनिक गरिएको छ। मंगलबार काठमाडौंको बिग मुभिजमा आयोजित कार्यक्रमबीच चलचित्रको ट्रेलर सार्वजनिक गरिएको हो। ट्रेलर ओएसआर डिजिटलको युट्युब च्यानलमार्फत पनि सार्वजनिक गरिएको छ।
माओत्से गुरुङको लेखन तथा निर्देशनमा बनेको चलचित्रमा दयाहाङ राई, गौमाया गुरुङ, विल्सन विक्रम राई, बुद्धि तामाङ, पशुपति राई, विश्वास गुरुङ, माया गुरुङ, पुष्करबहादुर गुरुङ,सुरज तमु लगायतका कलाकारको अभिनय छ। चलचित्रमा स्वर्गीय सुनिल थापाको समेत अभिनय रहेको छ।
एमजीएफ फिल्म्सको प्रस्तुतिमा बनेको चलचित्र ‘पेन्सन पट्टा’ भदौ २६ अर्थात् सेप्टेम्बर ११ देखि नेपालका हलमा प्रदर्शनमा आउनेछ।
ट्रेलर सार्वजनिक कार्यक्रमका केहि तस्विरहरु :
स्ट्रीटनेपाल
बेलायतमा तमु धीं यूकेको आयोजनामा १७औँ ‘नेपाली मेला’ हुने भएको छ। ‘हाम्रो संस्कृति, हाम्रो पहिचान, हाम्रो गौरव’ भन्ने नाराका साथ आगामी ३० अगस्ट २०२६, आइतबार लन्डनको केम्पटन पार्क रेसकोर्स मैदानमा मेला आयोजना हुन लागेको हो। लन्डनस्थित नेपाली दूतावासको सहकार्यमा मेला आयोजना गर्न लागिएको आयोजकले जनाएको छ।
तमु धीं यूकेका अध्यक्ष जुमकाजी गुरुङले पत्रकार सम्मेलनमार्फत नेपाली कला, संस्कृति र पहिचानको संरक्षण तथा प्रवर्द्धन गर्ने उद्देश्यले मेला आयोजना गर्न लागिएको जानकारी दिए।
मेला संयोजक तथा तमु धीं यूकेका उपाध्यक्ष कमल कोने गुरुङका अनुसार मेला बिहान १० बजेदेखि साँझ ८ बजेसम्म सञ्चालन हुनेछ। मेलामा बेलायतमा सक्रिय ४२ वटा नेपाली संघसंस्थाले विभिन्न जातजातिका मौलिक संस्कृति, भेषभूषा र परम्परा झल्कने झाँकी प्रस्तुत गर्नेछन्।
मेलामा विविध सांस्कृतिक कार्यक्रम, नृत्य प्रतियोगिता, मौलिक भेषभूषा तथा सांस्कृतिक झाँकी प्रदर्शन, नेपाली परम्परागत खानाका परिकार, व्यापारिक तथा च्यारिटी स्टल रहनेछन्। सहभागीका लागि निःशुल्क स्वास्थ्य शिविरसमेत सञ्चालन गरिने आयोजकले जनाएको छ।
प्रवासी भूमिमा नेपाली कला, संस्कृति र परम्पराको संरक्षण गर्दै नयाँ पुस्तामा हस्तान्तरण गर्न मेला महत्वपूर्ण हुने आयोजकको विश्वास छ।
-
entertainment4 weeks agoब्रोड पिकमा अस्ताएका १० आरोहीको सम्झनामा दीप प्रज्ज्वलन
-
entertainment4 weeks agoब्रोड पिकमा ज्यान गुमाएका आरोहीको सम्झनामा ‘ट्रिब्युट रन ५के’
-
entertainment3 weeks agoललितपुरमा ‘हरित उत्सवः परिवर्तनका लागि महिला नेतृत्व’ अभियान सुरु
-
entertainment3 weeks agoविश्व आदिवासी जनजाति दिवस मनाइयो
-
Auto3 weeks agoभृकुटीमण्डपमा नाइमा मोबिलिटी एक्सपो
-
entertainment2 weeks agoलगनखेलको ऐतिहासिक सप्त पाताल पोखरी
-
entertainment2 weeks agoझिलिमिली सडक
-
entertainment2 weeks agoविश्व फोटोग्राफी दिवसमा फोटो प्रदर्शनी
You must be logged in to post a comment Login