बाढीले पुल बगायो, तुइनबाट ओहोरदोहोर गर्न बाध्य

नेपाल फोटो लाइब्रेरी

त्रिशुलीको बाढीले पक्की पुल बगाएपछि नुवाकोटका स्थानीयहरू नदी वारपार गर्न तुइनको भर पर्न थालेका छन्।

विदुर–१ इन्द्रायणी चौर र विदुर–९ कोलनी–गुम्बाडाँडा जोड्ने गरी भदौ १५ गते तुइन सञ्चालनमा ल्याइएको हो। अहिले यही तुइनबाट स्थानीयहरू ओहोरदोहोर गर्नुका साथै औषधि, खाद्यान्नलगायत अत्यावश्यक सामग्रीसमेत वारपार गरिरहेका छन्।

देवीघाट बजार क्षेत्रमा पनि तुइन तयार पारिएको छ। बाढीले पुल र सडक सम्पर्क टुटेका क्षेत्रमा तत्काल आवतजावत सहज बनाउन बागमती प्रदेश सरकारले स्थानीय तहसँगको समन्वयमा अन्य स्थानमा समेत तुइन निर्माण अघि बढाउने जनाएको छ।