परम्परागत शैलीमा बन्दै गरेको ट्राफिक बिट

गत वर्षको आन्दोलनका क्रममा तोडफोड भई क्षतिग्रस्त बनेको काठमाडौँको थापाथली चोकस्थित ट्राफिक बिटको अहिले पुनर्निर्माण भइरहेको छ।

सुरक्षा निकाय र सम्बन्धित सरकारी कार्यालयहरूको संयुक्त पहलमा बनिरहेको यो नयाँ संरचनालाई विशेष आकर्षणका साथ मौलिक शैलीमा तयार पारिएको छ।

यसको पर्खाल परम्परागत शैलीको इँट्टा प्रयोग गरेर लगाइएको छ भने यसमा आकर्षक तथा बुट्टेदार परम्परागत पिलरहरू राखिएको छ।

अझै व्यवस्थित र प्रविधिमैत्री बन्दै गरेको यस ट्राफिक बिटको निर्माणले थापाथली क्षेत्रको यातायात व्यवस्थापनलाई सहज बनाउनुका साथै यसको सौन्दर्यलाई समेत थप झल्काएको छ।