प्रसिद्ध फेसन कोरियोग्राफर रोजिन शाक्यलाई मिसेस नेपाल अष्ट्रेलिया २०२५ का लागि आधिकारिक कोरियोग्राफर नियुक्त गरिएको छ।

हिमाली कल्चर ग्रुप मेलबर्न र इभेन्ट्स नेपाल अष्ट्रेलियाको सहकार्यमा आयोजना हुन लागेको यो अग्रगामी सौन्दर्य प्रतियोगिता अष्ट्रेलियामा बसोबास गर्ने विवाहित नेपाली महिलाको शक्ति, प्रतिभा र पहिचानलाई सम्मानित र उत्सवमय बनाउन समर्पित रहेको छ।

रोजिनको संलग्नतासँगै प्रतियोगीहरूलाई कलात्मक प्रशिक्षण र विश्वस्तरको ग्रुमिङ अनुभव दिलाउने उद्देश्य लिइएको छ। कार्यक्रमको व्यवस्थापन सीजन मिडियाले गर्नेछ, जसले १६ वर्षभन्दा बढी अनुभवसहित नेपालमा प्रतिष्ठित इभेन्ट कम्पनीको रूपमा ख्याति कमाएको छ।

करिब दुई दशक लामो सफल करिअरसहित रोजिन शाक्यलाई नेपालको सबैभन्दा सफल फेसन कोरियोग्राफरमध्ये एकका रूपमा चिनिन्छ। उनले विश्वभर १,२०० भन्दा बढी इभेन्ट कोरियोग्राफ गरेका छन्, जसमा ३०० भन्दा बढी फेसन शोहरू पर्दछन्।

उनका कार्यहरू हेरिटेज पेजेन्ट्स, मिस मरमेड सिंगापुर, मोडल सुपरस्टार मुम्बई र मिस तामाङ वर्ल्ड जस्ता अन्तर्राष्ट्रिय प्रतियोगितामा समेत प्रस्तुत भइसकेका छन्। उनको सिर्जनात्मक निर्देशन कलात्मक शुद्धता, सांस्कृतिक सचेतना र फेसन तथा व्यक्तित्व विकासलाई विश्वव्यापी स्तरमा प्रवर्द्धन गर्ने प्रतिबद्धताबाट निर्देशित हुन्छ।

फेसन क्षेत्रमा उनको योगदानलाई विभिन्न सम्मानले मान्यता दिइएको छ। सन् २०१९ मा मलेसियामा भएको इन्टरनेशनल एक्सिलेन्स अवार्डमा उनलाई आउटस्ट्यान्डिङ इन्टरनेशनल कोरियोग्राफर उपाधि दिइएको थियो। सोही वर्ष दुबईमा उनले इन्टरनेशनल फेसन कोरियोग्राफर एचिभमेन्ट अवार्ड प्राप्त गरेका थिए।

काठमाडौँमा आयोजित पेजेन्ट नेपाल फेसन एण्ड मोडल अवार्ड्समा उनलाई लेजन्डरी फेसन कोरियोग्राफरको रूपमा सम्मान गरिएको थियो भने २०२० मा फेसनफेयर अवार्डमा बेष्ट इन्टरनेशनल नेपाली फेसन कोरियोग्राफर र मोडल सङ्स अवार्डमा बेष्ट फेसन कोरियोग्राफरका रूपमा सम्मानित गरियो। यस्तै, २०२२ मा दुबईमा भएको एसियन प्रोफेशनल एचिभमेन्ट अवार्ड्समा उनलाई आइकोनिक फेसन कोरियोग्राफर घोषित गरियो भने २०२३ मा थाइल्यान्डमा भएको हेरिटेज इन्टरनेशनल अवार्डमा कोरियोग्राफर अफ द इयर उपाधि प्राप्त गरे।

फेसन क्षेत्रमा मात्र नभई रोजिन शाक्य एक परिचित सञ्चारकर्मी पनि हुन्। हाल उनी इमेज च्यानल टेलिभिजनमा नेपल भाषा (नेपाल भाषा) समाचार वाचकको रूपमा कार्यरत छन्। अनुभवसंपन्न होस्ट र एम्सीको रूपमा उनले नेपाल र विदेशमा गरी १,४०० भन्दा बढी कार्यक्रम सञ्चालन गरिसकेका छन्। शैक्षिक क्षेत्रमा पनि उनी नमुना कलेज अफ फेसन टेक्नोलोजी, आईआईएफटी र काठमाडौँ एकेडेमी अफ टुरिजम एण्ड हस्पिटालिटीमा अध्यापन गर्दै आएका छन्।

उनका शिक्षण विषयमा व्यक्तित्व विकास, कार्यक्रम व्यवस्थापन, पर्यटन सञ्चार र मिडिया पर्दछन्। यस्तै, उनी नेपाल एयरहोस्टेस एकेडेमी र फ्लाइटेक इन्टरनेशनलमा व्यक्तित्व प्रशिक्षकका रूपमा पनि संलग्न छन्।

मिसेस नेपाल अष्ट्रेलिया २०२५ को यात्राअन्तर्गत रोजिनले ३० जना छोटकरीमा छनोट भएका प्रतियोगीहरूको ग्रुमिङ र कोरियोग्राफी नेतृत्व गर्नेछन्।

उनको प्रशिक्षणमा स्टेज प्रस्तुति, रनवे सीप, प्रदर्शन संयोजन र समग्र प्रस्तुति कला समावेश हुनेछ। यो प्रतियोगिता पहिलोपटक आयोजना हुन लागेको हो, जसले अष्ट्रेलियामा बसोबास गर्ने विभिन्न पेशागत पृष्ठभूमिका नेपाली महिलालाई सहभागिता गर्न आमन्त्रण गरेको छ। यसको भव्य फाइनल कार्यक्रम २०२५ सेप्टेम्बर १३ तारिखमा मेलबर्न, अष्ट्रेलियामा हुने तय भएको छ।

नमुना कलेज अफ फेसन टेक्नोलोजीले ‘निर्मिति नव्यता’ नामक फेशन शो गरेको छ।

काठमाडौंको बौद्धमा रहेको हायात रिजेन्सी होटलमा आइतबार कलेजले ७९ वटा प्रस्तुती दिएको थियो।

कलेजको १८ औं ब्याचका ग्राजुएटिङ फेसन डिजाइनहरुले तयार पारेका ८ क्रियटिभ वेयरमा ७९ वटा सिर्जनाहरुको प्रस्तुति गरिएको नमुना कलेज अफ फेसन टेक्नोलोजीले जनाएको छ। 

कार्यक्रममा सृजना, कल्पना, मिहेनत र मेकिङ अद्भुत समायोजन भएका क्रिएटिभ वेयरको प्रस्तुति रहेको थियो।

Indian actress Malaika Arora has participated in the ‘Fashion Runway Expo’.

She participated in the ‘Fashion Runway Expo’ organised by Nepal Gem and Jewellery Association in Kathmandu on Thursday.

In the jewellery fashion show, Malaika walked the ramp dressed in Nepali dress and jewellery. Malaika was charmed in a Nepali designer’s attractive lehenga and diamond necklaces, rings, bracelets. Nepali Actress Swastima Khadka also participated in the expo.

Models and actresses presented jewellery and fashion designs at the Gem and Jewellery Fashion Runway held at Hotel Yak and Yeti.